Néra Njékaḭkulaje 7:55 - Maktub gə́ To gə Kəmee

⁵⁵ Nɛ Ndilmeenda taa mee Etien pəl-pəl aree aa dara gərərə oo rɔnduba lə Ala ləm, gə oo Jeju gə́ aar tar dɔ jikɔl Ala’g ləm tɔ.

Néra Njékaḭkulaje 7:55 ပူးပေါင်းရင်းမြစ်များ

Pakɔsje 109:31

Mbata yeḛ lé aar tar dɔ jikɔl njendoo’g lé Gə mba kɔree ne ji dee-deḛ gə́ d’ila ta dəa’g.

Ejekel 10:18

Néronduba lə Njesigənea̰ ḭ tarəwkəi’g par gə́ naŋg aw aar dɔ Nékundaje gə́ dara’g lé.

Ejekel 10:4

Rɔnduba lə Njesigənea̰ ḭ dɔ Nékundaje gə́ dara’g aw par gə́ tarəwkəi’g par gə́ naŋg. Mum taa mee kəi lé pəl-pəl ar rɔnduba lə Njesigənea̰ ndogó ɔr loo jol-jol mee gadloo’g lé.

Ejekel 11:23

Rɔnduba lə Njesigənea̰ ḭ mee ɓee-boo’g aw aar dɔ mbal’d gə́ to par gə́ bər lə ɓee-boo lé.

Ejekel 3:23

Ma m’ḭta m’aw mee wəl-loo’g lé ndá aa oo, rɔnduba lə Njesigənea̰ teḛ keneŋ to gə́ m’oo kédé mbɔr baa gə́ Kebar’g lé. Yen ŋga m’oso m’dəb kəm naŋg.

Misee 3:8

Nɛ ma lé gə goo ndil Njesigənea̰ ndá Siŋgam to kɔgərɔ-kɔgərɔ, Néra gə́ gə dɔ najee gə siŋgamoŋ taa rɔm pəl-pəl Gə mba karm m’riba ne dɔ néramajel lə Jakobje ləm, Gə kaiya ra Israɛlje ləm tɔ.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

Tagə́maji gə́ Ja̰ ndang 11:41

Yen ŋga deḛ nduburu biri mbal lé. Jeju ila kəmee gə́ tar pana: Bɔm, m’rai oiyo mbata tamaji gə́ m’ra lé taa né jii’g am ya.

Tagə́maji gə́ Ja̰ ndang 12:41

Esai pata néje neelé loo gə́ yeḛ oo rɔnduba ləa gə kəmee lé ɓa aree pa ne ta gə́ wɔji dəa ya.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Néra Njékaḭkulaje 4:8

Yen ŋga Ndilmeenda rusu mee Piɛrə njḭ-njḭ aree ula dee pana: Seḭ mbai-ɓeeje gə ŋgatɔg Israɛlje lé

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

Néra Njékaḭkulaje 6:3

Bèe ndá ŋgako̰ síje, maji kar sí ɔrje diŋgamje siri mbuna sí’g, deḛ gə́ dəwje d’ɔr ta lə dee maji ləm, gə́ Ndilmeenda taa meḛ dee pəl-pəl ləma, gə́ to gə́ njékəmkàrje ləm tɔ lé mba kar sí j’ɔm kula neelé ji dee’g.

Néra Njékaḭkulaje 6:5

Ta neelé lel dəwje lai gə́ mbo̰ dɔ na̰ neelé ya. Togə́bè deḛ d’ɔr ne Etien, yeḛ gə́ meekun ləa dum dɔ loo ləm, gə Ndilmeenda taa mée pəl-pəl ləm tɔ. D’ɔr Pilibə gə Prokɔr gə Nikanɔr gə Timo̰ gə Parmenas gə Nikola, dəw gə́ Antiɔs gə́ tel rəa gə́ Jib lé tɔ.

Néra Njékaḭkulaje 6:8

Etien lé meenoji gə siŋgamoŋ rusu mée njḭ-njḭ aree ra ne néje gə́ dumkoo ləm, gə boo-némɔrije ləm tɔ mbuna koso-dəwje’g lé.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

2 Piɛrə 1:17

Mbata Ala Bɔbeeje lé ula mbai dəa’g ləm, gə ula rɔnduba dəa’g ləm tɔ loo gə́ ndu njedo̰gɔr-rɔnduba lé ɓar ne pana: Yeḛ neelé to ŋgonəm gə́ m’undá dan kəm’g, yeḛ taa kəm rəgm ya.

Loo gə́ killa rea kəm Ja̰’g 21:11

Rɔnduba lə Ala dəb dəa’g ləm, yee ndɔḭ wər-wər asəna gə jər gə́ gadee dum ndogo ləm, asəna gə jər gə́ ɓaree jaspə gə́ ndɔḭ mbənənə-mbənənə to gə́ jər gə́ ɓaree Kristal bèe ləm tɔ.