Néra Njékaḭkulaje 7:51 - Maktub gə́ To gə Kəmee

⁵¹ Seḭ dəwje gə́ njégwɔbkelkwɔije ləm, gə njémeetɔ kujita elje ləma, gə mbim-oo-ta-elje ləm tɔ lé ta-ta seḭ ɔsje Ndilmeenda rəw. Seḭ toje asəna gə bɔ síje lé bèe tɔ.

Néra Njékaḭkulaje 7:51 ပူးပေါင်းရင်းမြစ်များ

2 Mbaije 17:14

Nɛ deḛ d’oo ta el, deḛ d’uba gwɔb kelkwɔi to gə́ bɔ deeje gə́ d’ɔm meḛ dee dɔ Njesigənea̰, Ala’g lə dee el lé d’uba ne gwɔb kelkwɔi bèe tɔ.

2 Sôrta Gḭka Israɛlje 30:8

Maji kar sí toje njégwɔbkelkwɔije to gə́ bɔ síje-je bèe el nɛ ya̰je rɔ sí arje Njesigənea̰, reeje ne mee kəi’g ləa gə́ yeḛ unda gə kəmee saar gə no̰ ləm, raje né arje Njesigənea̰, Ala lə sí ləm tɔ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

Nehemi 9:16

Nɛ dee bɔ síje-je lé tel to njébeeleje ləm, D’uba gwɔbkelkwɔije ləm tɔ. Deḛ d’un mbi dee rəw dɔ godnduije’g ləm,

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Pakɔsje 75:5

Ma m’ula deḛ gə́ njépidi rɔ deeje lé m’pana: Pidije rɔ sí el. Njémeeyèrje lé kara m’ula dee m’pana: Undaje dɔ sí gə́ tar el!

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Teḛ-Raga 32:9

Njesigənea̰ ula Moyis pana: Ma m’oo to gə́ dəwje neelé to njégwɔbkelkwɔije ya.

Teḛ-Raga 33:3

Ɔdje awje par gə́ dɔ naŋg’d neelé loo gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ. Nɛ ma nja m’a kaw mbuna sí’g el nà banelə m’a tuji sí rəbə mbata seḭ toje njégwɔbkelkwɔije.

Teḛ-Raga 33:5

Njesigənea̰ ula Moyis pana: Ula Israɛlje lé pana: Seḭ toje dəwje gə́ njégwɔbkelkwɔije ya, ɓó lé m’a njaa mbuna sí’g kurm əw lam ba bèe ya kara m’a tuji sí ya. Bèe ndá ɓasinè lé tɔrje néra basaje gə néra ma̰dje lai gə́ rɔ sí’g ndá m’a koo ne né gə́ kəm kam m’ra sə sí ɓəi.

Teḛ-Raga 34:9

Yeḛ pana: Mbaidɔmbaije, ɓó lé ma m’taa kəmi rəgm ndá ma m’ra ndòo rɔi’g mba kari orè sə sí rəw na̰’d més mbata dəwje neelé to njégwɔbkelkwɔije ya, ar məəi oso lemsé dɔ néra sí gə́ gə goo rəbee’g el ləm, gə dɔ kaiya ra síjeḛ’g ləm tɔ ndá wa sí gə́ rɔi’g gə́ nédɔjije ləi ya.

Esai 48:4

Mbata ma m’gər gao, Seḭ toje njédɔkədərəje ləm, Gwɔb sí to gə́ kag-lar ləma, Ŋgono̰ sí to gə́ larkas ləm tɔ.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 6:10

See na̰ ɓa m’a kulá ta Esé see na̰ ɓa m’a karee To njekɔrgoota ləm kar dee d’oo wa. Aa ooje, mbi dee udu jig-jig D’askəm kur mbi dee koo ne ta el. Aa ooje, ta lə Njesigənea̰ Tel to gə́ nérɔkul mbata lə dee ləm, Rɔ dee lel dee keneŋ el ləm tɔ.

Ejekel 2:4

Deḛ to ŋganje gə́ kəm dee to gəsəsə ləm, meḛ dee ndər ləm tɔ, neḛ n’ulam gə́ rɔ dee’g mba kam m’ula dee m’pana: Mbaidɔmbaije gə́ Njesigənea̰ ɓa pa bèe.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ejekel 44:9

Mbaidɔmbaije gə́ Njesigənea̰ pa togə́bè pana: Dəw-dɔ-ɓee gə́ rara kara gə́ mée tɔ kujita el ləm, gə́ lal kinja tamɔdee ləm tɔ lé a kandə mee kəi’g lə neḛ gə́ to gə kəmee lé el, dəw-dɔ-ɓee gə́ si mbuna Israɛlje’g lé a kandə keneŋ el tɔ.

Ləbije 26:41

kaiya ra dee gə́ togə́bè ɓa a karm ma nja kara m’a kɔs dee ne rəw ləm, m’a ndɔr dee ne kɔm dee ne ɓee’g lə njéba̰je lə dee ləm tɔ. Yen ɓa deḛ gə́ meḛ dee tɔ kujita el lé d’a tel kula ne dɔ dee ləm, d’a kuga ne ɓaŋg néra kori-korije lə dee ləm tɔ.

Bula lə Israɛlje 27:14

mbata seḭ alje ta tam’g dɔdilaloo gə́ Sin, loo gə́ koso-dəwje maḭta d’ɔs ne ta ləm rəw nɛ seḭje lé seḭ ṵdamje gə kəmee kəm dee’g mbata mán lé el. Manje neelé to mán gə́ wɔji dɔ loo gə́ seḭ maḭje ta ɔsje ne ta rəw mee ɓee gə́ Kades gə́ to dɔdilaloo gə́ Sin lé.

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

Néra Njékaḭkulaje 7:27

Nɛ yeḛ gə́ aar ra maree majel lé un ta ɔs ne Moyis rəw pana: See na̰ ɓa undai gə́ mbai gə́ njegaŋ-rəwta lə sí wa.

Néra Njékaḭkulaje 7:35

Moyis neelé gə́ deḛ d’ɔsee rəw pana: See na̰ ɓa undá gə́ mbai gə́ njegaŋ-rəwta’g lə dee wa lé yeḛ nja Ala lé ulá gə́ mbai ləm, gə njekɔm dee tar ləm tɔ ar kura ləa gə́ dara gə́ teḛ kəmee’g dan ŋgon kag’d lé aw la səa tɔ.

Néra Njékaḭkulaje 7:39

Bɔ síje-je ndigi kila ŋgonkoji dəa’g el ləm, deḛ d’ɔsee rəw ləma, d’ar meḛ dee tel to par gə́ Ejiptə’g ləm tɔ

Néra Njékaḭkulaje 7:9

Deḛ gin ka síje lé kəm dee əḭ dɔ Jisəb’g ar dee d’wá ndogee gə mba kar dee d’aw səa Ejiptə,

Njé gə́ Rɔmə 2:25

Ɓó lé i unda godndu dan kəmi’g ndá kinja tamɔd ləi to gə́ né ya, nɛ ɓó lé i al ta ta godndu’g ndá kinja tamɔd ləi lé to né gə́ gə mḭdé ba ya tɔ.

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

Tel tura Godndu 10:16

Bèe ndá kinja gə́ seḭ a kinjaje tamɔd sí lé to wɔji dɔ dɔɓəŋgərə sí gə́ a kya̰je bura karje Njesigənea̰ ɓa ɓó maji kar sí toje ne njégwɔbkelkwɔije el.

Tel tura Godndu 30:6

Ala lə sí gə́ Njesigənea̰ a kinja tamɔd sí gə́ wɔji dɔ dɔɓəŋgərə sí ləm, gə dɔɓəŋgərə ŋgan meḛ síje ləm tɔ, bèe ɓa seḭ a ndigije ne Ala lə sí gə́ Njesigənea̰ dɔɓəŋgərə sí’g ləm, gə rɔ sí bura ləm tɔ gə mba kar sí síje ne kəmba ya.

Tel tura Godndu 31:27

Mbata ma m’gər sí gə́ njékaltaje gə njégwɔbkelkwɔije gao ya. Ɓó lé seḭ alje ta ɔsje ne Njesigənea̰ rəw loo gə́ m’isi ne kəmba mbuna sí’g ya ɓəi, ŋga ɓəd ɓa loo gə́ m’wəi mba̰ ndá seḭ a raje kaareeje ur dɔ yee gə́ nee el ɓəi wa.

Tel tura Godndu 9:13

Njesigənea̰ ulam pana: Ma m’oo koso-dəwje neelé ndá deḛ to gə́ njégwɔbkelkwɔije.

Tel tura Godndu 9:6

Bèe ndá maji kar sí ooje maji to gə́ to gə goo néra gə́ gə dɔ najee lə sí ɓa Ala lə sí gə́ Njesigənea̰ ar sí ne ɓee gə́ maji neelé gə mba kar sí taaje gə́ ka̰ sí el, mbata seḭ toje koso-dəwje gə́ toje njégwɔbkelkwɔije ya.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Kolosə 2:11

Seḭ gə́ ɔmje na̰’d gə Kristi lé kinja tamɔd gə́ wɔji dɔ sí lé to yeḛ gə́ ji dəw ɓa ra el, nɛ to ka̰ Kristi gə́ wɔji dɔ goré ne néra sí gə dakasrɔ sí bura, ɔr unda ila kɔ.