Néra Njékaḭkulaje 7:5 - Maktub gə́ To gə Kəmee

⁵ Yeḛ aree loo mee ɓee’g neelé gə́ nékea̰ el ləm, loo gə́ kəm kila gɔlee keneŋ nja kara aree el ləm tɔ. Nɛ yeḛ un ndia aree pana: N’a karee loo gə́ neelé gə́ nékea̰ gə ka̰ ŋgakeaje gə́ d’a gə korè gée nɛ yeḛ oji ŋgon el ɓəi.

Néra Njékaḭkulaje 7:5 ပူးပေါင်းရင်းမြစ်များ

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 13:15

Mbata dɔ naŋgje lai gə́ i oo lé m’a kari gə́ kaḭ ya doŋgɔ doi ləm, gə ka̰ ŋgakaije saar-saar gə no̰ ləm tɔ.

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

Gḭ-Néje 16:2

Sarai ula Abram pana: Aa oo, Njesigənea̰ am m’to kawkad. Ma m’ra ndòo rɔi’g mba kari aw rɔ ɓər ləm gə́ dené lé, banelə m’a kiŋga ŋganje rəa’g. Ndá Abram taa ta lə Sarai lé tɔ.

Gḭ-Néje 17:8

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Gḭ-Néje 23:4

Ma m’to dəw-dɔ-ɓee gə́ m’isi mbuna sí’g. Amje loo kára gə́ rɔ sí’g nee gə́ dɔɓar mba karm m’dubu yoo-dené ləm keneŋ kam m’oo yée nɔm’g bèe el.

Gḭ-Néje 26:3

I a si mee ɓee’g neelé waga ndá m’a nai səi ləm, m’a tɔr ndum dɔi’g ləm tɔ. Mbata dɔ naŋg ɓeeje neelé lai lé m’a kari-i gə ŋgakaije ya. M’a ra né gə́ ma man ne rɔm m’ar bɔbije gə́ Abrakam lé karee ɔr rɔd ya.

Nehemi 9:8

I oo to gə́ mee to danasur nɔḭ’g, Yee ɓa i man ne rɔi aree ləm, I un ne ndui mba kar ŋgakeaje taa ɓee lə Kana̰je Gə Hetje gə Amɔrje gə Peresje Gə Yebusje gə Girgasije gə́ né ka̰ dee-deḛ. Ndá ta gə́ i pa lé i ra née ya Mbata i to njera né gə́ danasur tɔ.

Ejekel 33:24

I ŋgon-dəw lé, deḛ gə́ d’isi dɔ nduba’g mee ɓee gə́ Israɛl’g lé pana: Abrakam nai gə karee ba nɛ yeḛ iŋga ɓee lé gə́ né kea̰, jeḛ gə́ m’bula digi-digi lé d’ar sí ɓee lé gə́ né ka̰ sí tɔ.

Tel tura Godndu 10:11

Njesigənea̰ ulam pana: Maji kam m’uba naŋg m’ḭ m’aw m’ɔr no̰ koso-dəwje! Maji kar dee d’aw taa ɓee gə́ n’un ndu neḛ n’ar bɔ deeje-je, gə mba kar dee lé,

Tel tura Godndu 11:9

gə mba kar ndɔje lə sí bula unda ne njé gə́ kédé mee ɓee gə́ Njesigənea̰ un ne ndia ar bɔ síje-je gə mba kar dee-deḛ gə ŋgaka deeje ləm tɔ, to ɓee gə́ mbà gə ubu tə̰ji to keneŋ yaa̰ ya.

Tel tura Godndu 2:5

Maji kar sí saŋgje sə dee ta el, mbata m’a kar sí né mee ɓee’g lə dee neelé el, loo gə́ ka̰ kila dabla gɔl keneŋ ya kara m’a kar sí el mbata mbal gə́ Seir lé ma m’ar Esawu gə́ né kea̰-yeḛ mba̰.

Tel tura Godndu 34:4

Njesigənea̰ ulá pana: Yee neelé ɓa to ɓee gə́ ma man rɔm mba kar Abrakam, gə Isaak gə Jakob m’pana: M’a kar ŋgaka deeje lé. Ma m’ari oo gə kəmi ya nɛ i a kandə keneŋ el tɔ.

Tel tura Godndu 9:5

To gə goo néra gə́ gə dɔ najee ləm, gə goo meekarabasur lə sí ɓa seḭ a gə ka̰dje ne mee ɓee’g lə dee gə mba kaw taaje gə́ ka̰ sí el, nɛ gə goo meeyèr lə ginkoji dəwje gə raŋg neelé ɓa Ala lə sí gə́ Njesigənea̰ tuba dee ne no̰ sí’g gə mbəa, gə mba kar ta gə́ Njesigənea̰ un ne ndia ar bɔ síje-je, Abrakam gə Isaak gə Jakob lé to ne njaŋg ya.