Néra Njékaḭkulaje 7:47 - Maktub gə́ To gə Kəmee

⁴⁷ Nɛ Salomo̰ ɓa ra kəiee neelé aree tɔ.

Néra Njékaḭkulaje 7:47 ပူးပေါင်းရင်းမြစ်များ

2 Samel 7:13

Yeḛ nja ɓa a ra kəi gə mba rim ləm, tɔɓəi m’a kar kalimbai ɓeeko̰ ləa to njaŋg saar gə no̰ ləm tɔ.

1 Mbaije 5:1

Salomo̰ o̰ ɓee dɔ ɓeeko̰je’g lai ya tɔɓəi, un kudee ta baa’g saar teḛ ne ɓeeje’g lə Pilistije ləm, saar teḛ ne rəw-nim-ɓee gə́ Ejiptə ləm tɔ. Deḛ ra né d’ar Salomo̰ gə mee ləbje lai gə́ yeḛ si ne kəmba ya.

1 Mbaije 6:1

Mee ləb gə́ tɔl-sɔ gə dəa rɔ-jinaijoo (480) gə́ orè goo kunda gə́ Israɛlje d’unda ne loo mee ɓee gə́ Ejiptə teḛ lé ɓa Salomo̰ unda ne kəi gə́ wɔji dɔ Njesigənea̰, mee ləb gə́ njekɔm’g sɔ gə́ yeḛ o̰ ne ɓee dɔ Israɛlje’g, mee naḭ Jip gə́ to naḭ gə́ njekɔm’g joo lé tɔ.

1 Mbaije 8:20

Ta gə́ Njesigənea̰ pa lé yeḛ aree aw lée’g béréré mba̰. Yee ɓa ma m’taa ne tor bɔm Dabid, m’isi ne dɔ kalimbai’g lə Israɛlje, to gə́ Njesigənea̰ pa ne kédé lé, bèe ɓa ma m’unda ne kəi neelé mba kar ri Njesigənea̰, Ala lə Israɛlje ɓar dɔ’g tɔ.

1 Sôrta Gḭka-Israɛlje 17:1

Loo gə́ Dabid si mee kəi’g ləa ndá yeḛ ula Natan, njetegginta pana: Aa oo, ma lé m’isi mee kəi’d gə́ ra gə kag-sɛdrə nɛ sa̰duk-manrɔ lə Njesigənea̰ ɓa to mee kəi-kubu’g.

2 Sôrta Gḭka Israɛlje 3:1

Salomo̰ un kudu kunda kəi lə Njesigənea̰ mee ɓee gə́ Jerusalem, dɔ mbal’d gə́ Morija, loo gə́ Njesigənea̰ teḛ dɔ bɔbeeje Dabid’g ar Dabid wa dɔ gɔlee loo-kunda-kó’g lə Ornan gə́ to dəw gə́ Yebus lé.