Néra Njékaḭkulaje 7:39 - Maktub gə́ To gə Kəmee

³⁹ Bɔ síje-je ndigi kila ŋgonkoji dəa’g el ləm, deḛ d’ɔsee rəw ləma, d’ar meḛ dee tel to par gə́ Ejiptə’g ləm tɔ

Néra Njékaḭkulaje 7:39 ပူးပေါင်းရင်းမြစ်များ

1 Mbaije 2:27

Togə́bè ɓa Salomo̰ ɔr Abiatar loo kulaje’g ləa gə́ wɔji dɔ kinja néməs kar Njesigənea̰ lé gə mba kar ta gə́ Njesigənea̰ pa wɔji ne dɔ njémeekəije lə Eli mee ɓee gə́ Silo lé aw ne lée’g béréré tɔ.

Pakɔsje 106:16

Loo-si dee lé deḛ ra kəmkəḭ dɔ Moyis’g Gə dɔ Aaro̰ gə́ Njesigənea̰ ɔr dee unda dee gə kəmee lé.

Teḛ-Raga 16:3

Israɛlje d’ula dee pana: Kar sí j’wəije ji Njesigənea̰’g mee ɓee gə́ Ejiptə lé ɓa maji, loo gə́ j’isi ta ŋgoro naḭ da’g ləm, j’o̰je muru j’ar meḛ sí ndan ne tub-tub ləm tɔ. Mbata seḭ lé ɔr síje teḛje sə sí dɔdilaloo’g neelé mba kar koso-dəwje neelé d’wəi yoo-ɓoo ya.

Teḛ-Raga 17:3

Koso-dəwje gə́ d’aar keneŋ lé kunda mán ra dee yaa̰ ar dee jém ta d’im ne rɔ dee dɔ Moyis’g. Deḛ pana: See ban ɓa i ɔr sí ar sí j’unda loo mee ɓee gə́ Ejiptə n’teḛje gə mba kar sí j’wəije yoo-kunda-mán, jeḛ gə ŋgan síje gə nékulje lə sí na̰’d nee wa.

Bula lə Israɛlje 11:5

Meḛ sí olé dɔ ka̰jije gə́ j’usɔ Ejiptə gə́ lal ndogo ləm, kosoje ləm, wasje ləm, kam basarje ləm, ŋgureeje ləma, gə lay ləm tɔ.

Bula lə Israɛlje 21:5

Koso-dəwje lé meḛ dee ila kas rəw-kaw dee’g ndá deḛ pata gə́ yèr d’ɔs ne Ala gə Moyis rəw pana: See ban ɓa seḭ ar sí j’undaje loo mee ɓee gə́ Ejiptə n’teḛje mba kar sí j’wəije dɔdilaloo’g wa. Mbata muru godo ləm, mán kara godo ləm tɔ, tɔɓəi nésɔ gə́ kəmndoo neelé teḛ baḭ əm sí’g boi.

Néra Njékaḭkulaje 7:27

Nɛ yeḛ gə́ aar ra maree majel lé un ta ɔs ne Moyis rəw pana: See na̰ ɓa undai gə́ mbai gə́ njegaŋ-rəwta lə sí wa.

1 Njé gə́ Kɔrḭtə 14:32

Kankəm njéteggintaje lé d’ula dɔ dee no̰ njétegginta mar deeje’g.

Njéga̰g-Rəwtaje 11:2

Dené lə Galaad lé oji səa ŋganje gə́ diŋgam ar loo gə́ deḛ tɔg mba̰ ndá deḛ tuba Jepte d’ulá pana: I a kiŋga nénduba mee kəi’g lə bɔ síjeḛje el mbata i to ŋgon mee dené gə́ raŋg.