Néra Njékaḭkulaje 7:34 - Maktub gə́ To gə Kəmee

³⁴ Neḛ n’oo kəmtondoo lə koso-dəwje lə neḛ gə́ d’isi Ejiptə ləm, n’oo ndu no̰je lə dee ləm tɔ ndá neḛ n’ree gə mba kɔm dee tar. Ɓasinè aw n’a gə kulai Ejiptə’g ya.

Néra Njékaḭkulaje 7:34 ပူးပေါင်းရင်းမြစ်များ

Gḭ-Néje 11:5

Njesigənea̰ risi uru naŋg gə mba koo ɓee neelé ləm, gə kəi gə́ duu dɔ loo gə́ ŋgan dəwje gə́ diŋgam d’unda lé ləm tɔ.

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

Gḭ-Néje 18:21

Gelee gə́ nee ɓa m’a gə rəm gə́ naŋg mba koo see néra dee aw gə goo kaa né gə́ ɓar saar teḛ rɔm’g nee ya wa. Ɓó lé to togə́bè el ndá m’a gər gao ya.

Nehemi 9:9

I oo némeeko̰ lə bɔ síje-je gə́ d’isi Ejiptə ləm, I oo ndu no̰ lə dee ta baa-boo-kad gə́ ɓaree Baa-Kas ləm tɔ.

Pakɔsje 105:26

Yeḛ ula Moyis, kura ləa Deḛ gə Aaro̰ gə́ yeḛ nja ɔr dee.

Pakɔsje 106:44

Loo gə́ deḛ ra ndòo rəa’g ndá Yeḛ oo kəmtondoo lə dee ya.

Pakɔsje 144:5

Njesigənea̰, maji kari rəm gə dara ləi gə́ naŋg ɓó gə ur ne naŋg, Ɔrɔ ne mbalje gə ŋgaw jii gə mba kar sa uba keneŋ ŋgɔg-ŋgɔg.

Teḛ-Raga 3:14

Ala ula Moyis pana: MA M’TO YEḚ GƎ SI GƎN. Tɔɓəi yeḛ pa pana: Yee ɓa i a kula Israɛlje pana: Yeḛ gə́ ria lə MA M’TO YEḚ GƎ SI GƎN lé ɓa ulam rɔ sí’g ya.

Teḛ-Raga 4:31

Togə́bè ɓa koso-dəwje lé d’ɔm ne meḛ dee dɔ’g. Deḛ d’oo gao to gə́ Njesigənea̰ ila kəmee dɔ Israɛlje’g ləm, yeḛ oo kəmtondoo lə dee ləm tɔ, ndá deḛ d’unda barmba dəb kəm dee naŋg tɔ.

Esai 64:1

To gə́ pər gə́ mbudu o̰ kag gə́ tudu bèe ləm, To gə́ kṵji mán gə́ olé teḛ bèe ləm tɔ lé, Njéba̰je ləi d’a koo rii ləm, Ginkoji dəwje gə raŋg d’a kunda bala nɔḭ’g ləm tɔ.

Ojee 12:13

Jakob aḭ aw ɓee gə́ Aram ləm, Israɛl ra kula mba taa ne dené Gə mba taa ne dené lé ɓa Yeḛ ul ne koso-nékulje.

Misee 6:4

See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Tagə́maji gə́ Ja̰ ndang 3:13

Dəw kára ḭ naŋg nee aw dara el ɓəi, nɛ yeḛ gə́ ḭ dara ree dɔ naŋg neelé to Ŋgon-dəw gə́ si dara ya.

Tagə́maji gə́ Ja̰ ndang 6:38

Mbata ma m’ḭ dara m’ree naŋg nee gə mba ra né gə́ njekulam ɓa wɔji mée’g ɓó né gə́ məəm-ma ɓa wɔji el.

Njéga̰g-Rəwtaje 2:18

Loo gə́ Njesigənea̰ ar dee njegaŋ-rəwta mba̰ ndá Njesigənea̰ nai gə njegaŋ-rəwta neelé tɔɓəi yeḛ ɔr dee ji njéba̰je’g lə dee ɔm dee tar mee ndəa gə́ njegaŋ-rəwta neelé si ne kəmba ɓəi, mbata Njesigənea̰ lé oo ndu no̰ nékəmndoo gə́ ra dee loo gə́ deḛ tuma̰ ne ŋgururu-ŋgururu no̰ deḛ gə́ njéra sə dee majelje’d gə́ d’ula kəm dee ndòo lé.