Néra Njékaḭkulaje 7:32 - Maktub gə́ To gə Kəmee

³² Neḛ n’to Ala lə bɔbeeje-je, Ala lə Abrakam gə Isaak, gə Jakob. Moyis unda bala tigi-tigi, oo loo kaa loo gə́ keneŋ el.

Néra Njékaḭkulaje 7:32 ပူးပေါင်းရင်းမြစ်များ

Gḭ-Néje 26:24

Njesigənea̰ teḛ dəa’g loondul’g ulá pana: Ma m’to Ala lə bɔbije gə́ Abrakam ndá ɓəl el mbata ma m’nai səi. M’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé ləm tɔ gə mbata lə kura ləm gə́ Abrakam lé ya.

Gḭ-Néje 50:24

Jisəb ula ŋgakea̰je pana: M’a gə kwəi ŋga! Nɛ tɔgərɔ Ala a tɔs kəmee dɔ sí’g bao-bao ləm, yeḛ a kar sí ḭje mee ɓee’g neelé mba kawje mee ɓee gə́ yeḛ un ndia gə mba kar Abrakam, gə Isaak, gə Jakob kédé lé ya.

1 Mbaije 19:13

Loo gə́ Eli oo ndá yeḛ on kəmee gə kubu ləa gə́ boi yul ləm, yeḛ teḛ aar ta bolè mbal’g ləm tɔ. Aa oo, ndu dəw teḛ oso mbia’g togə́bè pana: Eli, see ɗi ɓa i ree ra loo gə́ nee’g wa.

Maktub gə́ wɔji dɔ Jɔb 4:14

Ɓəl undam badə gaŋgm am m’unda bala ləm, Siŋgarɔmje lai yə ləm tɔ.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Teḛ-Raga 3:6

Yeḛ pa tɔɓəi pana: Ma m’to Ala lə bɔbije, Ala lə Abrakam ləm, gə Isaak ləma, gə Jakob ləm tɔ. Moyis dəb kəmee naŋg mbata yeḛ ɓəl kaa loo gə́ rɔ Ala’g lé ya.

Teḛ-Raga 33:20

Njesigənea̰ pana: I askəm koo kəm el mbata ma lé dəw gə́ kəmee oso dɔm’g ndá a si kəmba el ŋga.

Teḛ-Raga 4:5

Njesigənea̰ pana: Yee ɓa i a ra togə́bè mba kar dee d’ɔm ne meḛ dee dɔi’g to gə́ Njesigənea̰ Ala lə bɔ deeje-je teḛ dɔi’g ya, Ala lə Abrakam gə Isaak gə Jakob tɔ.

Matiyo 17:6

Loo gə́ d’oo ndu dəw gə́ ɓar neelé ndá njékwakiláje d’unda naŋg mburug dəb kəm dee naŋg ɓəl ndəb ne pəd-pəd.

Matiyo 22:32

Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ. Bèe ndá Ala lé to ka̰ njé gə́ d’isi kəmba lé ɓó to ka̰ njé gə́ d’wəi lé el.

Matiyo 22:46

Dəw kára kara as teḛ təa ja̰ kila ta gə́ yeḛ dəji dee neelé el nja saar. Un kudee mee ndəa’g neelé dəw kára kara ila ɗigi kaaree’g dəjee ne ta el ŋga.

Lugu 5:8

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Néra Njékaḭkulaje 3:13

Ala lə Abrakam gə Isaak gə Jakob, Ala lə ka síjeḛ lé ɓa ula rɔnduba dɔ kura’g ləa Jeju, yeḛ gə́ seḭ uláje ji Pilatə’g ləm, seḭ mbadeeje ləm tɔ nɛ yeḛ lé wɔji-kwɔji kilá tar.

Néra Njékaḭkulaje 7:31

Loo gə́ Moyis un kəmee ɓèd oo né neelé ndá karee wá paḭ. Yeḛ rəm wɔr gə́ mbɔr ŋgon kag’d lé gə mba tən koo ndá yeḛ oo ndu Mbaidɔmbaije gə́ ulá ta pana:

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.