Néra Njékaḭkulaje 7:26 - Maktub gə́ To gə Kəmee

²⁶ Bèlè lookàree yeḛ teḛ dɔ dəwje joo gə́ d’aar kunda na̰. Yeḛ naa dee gə ta gə́ kul, ula dee pana: Dəwje, seḭ toje ŋgako̰ na̰je, see ban ɓa seḭ aar raje na̰ majel togə́bè wa.

Néra Njékaḭkulaje 7:26 ပူးပေါင်းရင်းမြစ်များ

Gḭ-Néje 13:8

Abram ula Lɔt pana: M’ra ndòo rɔi’g, maji kar ta tḭ-na̰ oso mbuna sí-jeḛ səi’g el ləm, mbuna njéŋgəm nékulje ləm gə njéŋgəm nékulje ləi’g el ləm tɔ, mbata jeḛ n’to ŋgako̰ na̰je.

Gḭ-Néje 45:24

Yeḛ un ndia ar ŋgakea̰je mba kar dee d’aw ndá d’aw ya tɔ. Bèe ɓa yeḛ ndəji dee pana: Maji kar sí kɔlje na̰ gə rəw el.

Pakɔsje 133:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ǝi, aa oo, kar deḛ gə́ to ŋgako̰ na̰je d’isi na̰’d lé To gə́ nérɔlel gə́ garee godo!

Gosota-Kəmkàrje 18:19

Gɔl ŋgako̰ na̰je gə́ tḭ na̰ lé Kədərə yaa̰ unda gɔl ɓee-boo ləm, Takɔlje lə dee kara To asəna gə pəgərə-larje gə́ ta kəi-gad’g lə mbai ləm tɔ.

Matiyo 14:22

Léegəneeya yeḛ ula njékwakiláje ar dee d’ḭ kédé d’ɔm na̰ mee to’g mba gaŋg mán kaw turá. Yeḛ nai gogo mba kula boo-dəwje kar dee sanéna̰ tel d’aw ɓéeje lə dee.

Néra Njékaḭkulaje 7:25

Yeḛ ə̰ji ta mée’g pana: Ŋgako̰ neḛ d’a gər gao to gə́ Ala a gə kɔm dee tar gə ji neḛ, nɛ deḛ gər bèe el.

Njé gə́ Pilibə 2:1

Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí

Njé gə́ Pilibə 2:3

Raje né kára kara mbata ba̰ ta gə́ wa meḛ sí el ləm, əsé gə mba kunda ne rɔ sí kəm dəwje’g el ləm tɔ nɛ maji kar sí osoje kul tədje ne kag na̰.