Néra Njékaḭkulaje 7:25 - Maktub gə́ To gə Kəmee

²⁵ Yeḛ ə̰ji ta mée’g pana: Ŋgako̰ neḛ d’a gər gao to gə́ Ala a gə kɔm dee tar gə ji neḛ, nɛ deḛ gər bèe el.

Néra Njékaḭkulaje 7:25 ပူးပေါင်းရင်းမြစ်များ

2 Mbaije 5:1

Naaman gə́ to ɓé-njérɔje lə mbai gə́ Siri lé taa kəm mbai ləa rəgm ləm, mbai ləa kara ila riɓar gə́ boo dəa’g ləm tɔ mbata mbɔl dəa yeḛ ɓa Njesigənea̰ ar Aramje d’un ne baŋga ya. Dəw neelé to gə́ bao-rɔ ya nɛ ba̰ji ɓa gaŋgee.

Pakɔsje 106:7

Bɔ síje-je gə́ mee ɓee gə́ Ejiptə lé D’oo némɔrije ləi gə́ né el ləm, D’ar meḛ dee wəi dɔ némeemajije’g ləi gə́ d’ɔs goo na̰ goo na̰ lé ləma, Deḛ d’ɔs ta ləi rəw mbɔr baa-boo-kad gə́ ria lə Baa-Kas lé ləm tɔ.

Teḛ-Raga 2:12

Yeḛ aa loo yo gə́ nee nɛ loo gə́ oo dəw kára el ndá yeḛ tɔl dəw gə́ Ejiptə neelé tɔɓəi iya ninee dan nagəra’g.

Mark 9:32

Nɛ njékwakiláje gər ta gə́ yeḛ pa lé el tɔɓəi deḛ ɓəl, d’oo loo kila ɗigi kaaree’g dəjee taree el tɔ.

Lugu 18:34

Nɛ ta neelé deḛ gər ginee el. To ta gə́ to loo-kiya’g kəm dee’g ar dee d’oo rəbee gər gəd el nja saar lé.

Lugu 9:45

Nɛ njékwakiláje gər rəw ta neelé sur el, to ta gə́ to loo-ŋgəḭ’g mbata lə dee ɓəi, nà banelə d’a kḭ gər rəbee. Tɔɓəi deḛ ɓəl kila ɗigi kaaree’g dəjee ne taree tɔ.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 15:4

Loo gə́ deḛ teḛ Jerusalem mba̰ ndá Eglisə ləm, gə njékaḭkulaje ləma, gə ŋgatɔgje ləm tɔ lé d’wa dee gə́ rɔ dee’g ɓa, d’ɔr sor néje lai gə́ Ala ra sə dee d’ar dee d’oo.

Néra Njékaḭkulaje 15:7

Tamaḭ gə́ boo oso mbuna dee’g ar Piɛrə uba naŋg ḭta ula dee pana: Ŋgakɔmje gə́ dəwje, seḭ gərje gao to gə́ kédé gə́ dɔtar lé Ala ɔrm dan sí’g gə mba kar njépole-magəje d’oo tagə́maji tam’g ɓó gə kar dee d’un ne meḛ dee.

Néra Njékaḭkulaje 21:19

Yeḛ ra dee lapia mba̰ ɓa yeḛ ɔr sor néje lai-lai gə́ Ala ra mbuna njétareeje’g gə goo kula’g ləa lé.

Néra Njékaḭkulaje 7:24

Yeḛ oo dəw gə́ Ejiptə gə́ ra kədərə gə dəw gə́ Israɛl ndá yeḛ ɔd aw taa dəa tɔl ne dəw gə́ Ejiptə, dal ne ba̰ lə maree gə́ rəa majel lé.

Néra Njékaḭkulaje 7:26

Bèlè lookàree yeḛ teḛ dɔ dəwje joo gə́ d’aar kunda na̰. Yeḛ naa dee gə ta gə́ kul, ula dee pana: Dəwje, seḭ toje ŋgako̰ na̰je, see ban ɓa seḭ aar raje na̰ majel togə́bè wa.

Njé gə́ Rɔmə 15:18

Tapam gə néram gə́ Kristi ɓa am siŋgam mba kam m’ra gə mba kɔr ne njépole-magəje kar dee d’ila ŋgonkoji dɔ Ala’g lé yee ɓa ma m’pa ɓó né gə́ raŋg el.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.

Njéga̰g-Rəwtaje 15:12

Deḛ d’ulá pana: Jeḛ n’reeje gə mba tɔi kilai ji Pilistije’g. Samso̰ tel ula dee pana: Ubuje rɔ sí amje to gə́ seḭ a tɔlmje el ɓa.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.