Néra Njékaḭkulaje 7:15 - Maktub gə́ To gə Kəmee

¹⁵ Jakob ḭ aw Ejiptə ɓa wəi keneŋ, bɔ síjeḛ-je kara d’wəi keneŋ ya tɔ.

Néra Njékaḭkulaje 7:15 ပူးပေါင်းရင်းမြစ်များ

Gḭ-Néje 46:1

Israɛl uba naŋg ḭ aw gə néje lai gə́ to kea̰. Yeḛ teḛ Beer-Seba ndá yeḛ inja nékinjanéməsje keneŋ ar Ala lə bɔbeeje gə́ Isaak.

Gḭ-Néje 47:30

Loo gə́ m’a toɓi mbuna kamje-je’g ndá i a kunm ɓee gə́ Ejiptə nee teḛ səm raga ndá i a kaw dubum mee dɔɓar’g lə kamje-je ɓa. Jisəb ndigi təa’g pana: M’a ra səi gə goo tapai ya.

Gḭ-Néje 49:33

Loo gə́ Jakob tɔl ta ndəji gə́ yeḛ ndəji ŋganeeje bém ndá yeḛ odo gɔlee rəw ɔm dɔ tira’g ar ndilee teḛ aw ɓa aw iŋga dəwje ləa ɓəi.

Pakɔsje 105:23

Gelee gə́ nee ɓa Israɛl lé aw ne mee ɓee gə́ Ejiptə, Jakob ra ne ɓee mee ɓee gə́ Kam’g lé tɔ.

Teḛ-Raga 1:6

Gée gə́ gogo Jisəb wəi ləm, ŋgakea̰je lai d’wəi ləma, njéboakojije lə deḛ lai kara d’wəi ləm tɔ.

Teḛ-Raga 13:19

Moyis ar dee d’odo siŋga rɔ Jisəb d’aw ne, mbata Jisəb lé kédé ɓa karee wəi ɓəi ndá yeḛ ar Israɛlje man rɔ dee d’aree, tɔɓəi ula dee pana: Ala a kila kəm sí toro’g ya, ndá seḭ a kodoje siŋgamje ji sí’g kawje ne loo gə́ əw’g.

Bula lə Israɛlje 20:15

Bausije-je d’aw mee ɓee gə́ Ejiptə ləm, jeḛ j’isije keneŋ kur sí əw ləm tɔ. Nɛ njé gə́ Ejiptə lé ra sə sí majel, jeḛ gə bɔ síje-je lé tɔ.

Tel tura Godndu 10:22

Bula lə bɔ síje-je gə́ d’aw Ejiptə lé d’as rɔ-siri ba ɓa d’aw nɛ ɓasinè Ala lə sí gə́ Njesigənea̰ ar sí telje bulaje digi-digi to gə́ kéréméje gə́ dara bèe ya.

Tel tura Godndu 26:5

Tɔɓəi debee neelé a kun ta pa no̰ Njesigənea̰ Ala’g lə sí tɔɓəi pana: Bɔ síjeḛ-je lé to gə́ dəw gə́ Aram gə́ njekilatar, yeḛ aw Ejiptə gə koso-dəwje gə́ lam ba bèe gə mba si keneŋ, lé gə́ neelé ɓa yeḛ tel to ginkoji dəwje gə́ boo keneŋ ləm, gə́ siŋga dee to yaa̰ ləma, gə́ bula digi-digi ləm tɔ.

Jujé 24:32

Siŋgarɔ Jisəb gə́ Israɛlje d’odo d’ḭ ne ɓee gə́ Ejiptə lé deḛ dubu mee ɓee’d gə́ Sikem, mee dəb loo-ndɔ’d gə́ Jakob ndogo gə ŋgaka Hamɔrje gə́ to bɔ Sikəmje lé as larnda tɔl (100) tɔ, yee ɓa dɔ naŋg neelé to ne ka̰ ŋgaka Jisepje ya.

Jujé 24:4

Ma m’ar Isaak oji Jakob gə Esawu ləm, m’ar Esawu mbal gə́ Seir gə́ né kea̰-yeḛ, nɛ Jakob gə ŋganeeje ɓa d’aw Ejiptə tɔ.