Néra Njékaḭkulaje 6:3 - Maktub gə́ To gə Kəmee

³ Bèe ndá ŋgako̰ síje, maji kar sí ɔrje diŋgamje siri mbuna sí’g, deḛ gə́ dəwje d’ɔr ta lə dee maji ləm, gə́ Ndilmeenda taa meḛ dee pəl-pəl ləma, gə́ to gə́ njékəmkàrje ləm tɔ lé mba kar sí j’ɔm kula neelé ji dee’g.

Néra Njékaḭkulaje 6:3 ပူးပေါင်းရင်းမြစ်များ

Teḛ-Raga 18:21

Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ.

Esai 28:26

Ala ləa ndée rəw gə́ kəm karee njaa keneŋ ləm, Yeḛ tɔjee néje gə́ kəm ra ləm tɔ.

Esai 28:6

Yeḛ a kar takə̰ji néra gə́ gə dɔ najee Wa meḛ deḛ gə́ d’isi loo-gaŋg-rəwta’g ləma, Yeḛ a to siŋgamoŋ mbata lə deḛ Gə́ d’ɔs njéba̰je rəw saar d’unda dee tarəwɓee’g ləa ləm tɔ.

Matiyo 23:8

Nɛ seḭje lé ar deeje ɓar sí Mbai, mbai el. Mbata Mbai lə sí to gə́ kára ba kiao ndá seḭ toje gə́ ŋgako̰ na̰je ba.

Tagə́maji gə́ Ja̰ ndang 21:23

Yen ŋga taree oso gə loo mbidi-mbidi mbuna ŋgako̰ deeje’g ar dee pana: Njekwakila Jeju neelé a kwəi pai godo. Nɛ ta kwəi gə́ yeḛ a kwəi pai godo lé ɓa Jeju pa bèe el, nɛ ta gə́ yeḛ ula Piɛrə lé ɓa nee: Ɓó lé neḛ ndigi karee si bèe saar mba kar neḛ n’tel n’ree n’iŋgá lé see ta ɗi ləa ɓa to keneŋ wa.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 1:21

Bèe ndá ar sí j’ɔrje dəw kára mbuna deḛ gə́ to njéboalookawje lə síjeḛ loo gə́ Mbaidɔmbaije Jeju nai ne sə sí gə kəmee ɓəi lé

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 16:2

Ŋgako̰ na̰je gə́ d’isi Listrə gə Ikɔnə d’ɔr ta ləa maji.

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Néra Njékaḭkulaje 22:12

Dəw kára si Damas ria lə Ananias, yeḛ to njemeenda gə́ un godndu lad ləm, Jibje lai gə́ d’isi Damas lé d’ɔr goo ta ləa maji ləm tɔ.

Néra Njékaḭkulaje 28:14

ɓa j’aw j’iŋga ŋgako̰ síjeḛ keneŋ. Deḛ ra ndòo rɔ sí’g mba kar sí j’isi sə dee as ndɔ sí siri. Bèe ɓa j’ḭ j’aw saar n’teḛ Rɔm ɓəi.

Néra Njékaḭkulaje 6:2

Njékaḭkulaje gə́ dɔg-gir-dee-joo lé ɓar boo-njétaamee-Kristije dɔ na̰’d d’ula dee pana: Kar sí j’ya̰ ta lə Ala gə mba to gə́ njékai-nésɔje togə́bè ɓa to né gə́ kəm ra el.

Néra Njékaḭkulaje 6:5

Ta neelé lel dəwje lai gə́ mbo̰ dɔ na̰ neelé ya. Togə́bè deḛ d’ɔr ne Etien, yeḛ gə́ meekun ləa dum dɔ loo ləm, gə Ndilmeenda taa mée pəl-pəl ləm tɔ. D’ɔr Pilibə gə Prokɔr gə Nikanɔr gə Timo̰ gə Parmenas gə Nikola, dəw gə́ Antiɔs gə́ tel rəa gə́ Jib lé tɔ.

Néra Njékaḭkulaje 6:6

Deḛ d’unda dee no̰ njékaḭkulaje’g tɔɓəi loo gə́ deḛ ra tamaji ta Ala’g lé ndá d’ila ne ji dee dɔ dee’g.

Néra Njékaḭkulaje 9:30

Loo gə́ ŋgako̰ na̰je d’oo ndá deḛ d’undá d’aw səa Sejare d’aree aw njal teḛ Tarsə.

1 Njé gə́ Kɔrḭtə 12:8

Tɔgərɔ ya, Ndil ɓa ar kəmkàr rusu mee dəw kára njḭ-njḭ. Ndil nja ɓa ar dəw gə́ raŋg pata gosonégər tɔ.

1 Njé gə́ Kɔrḭtə 16:3

Loo gə́ m’a teḛ mba̰ ndá m’a kiŋga dəwje gə́ seḭ ɔr deeje lé m’a kula dee gə maktub ji dee’g mba kar dee d’odo nénojije lə sí lé d’aw ne Jerusalem.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.

Tel tura Godndu 1:13

Ɔrje dəwje gə́ to njékəmkàrje gə njégosonégərje gə́ seḭ gər deeje mbuna ginkojije’g lə sí mba kam m’unda dee dɔ sí’g.

1 Timote 5:10

Néra majije ləa ɓa d’a kɔr gin rəa ya, ɓó lé yeḛ aa dɔ ŋganeeje kər-kər ləm, wa mbá bur-bur ləm, gə togo gɔl deḛ gə́ to gə kəmee ləm, gə la gə njéndooje ləma, gə ra kula nojije gə́ gə ria-ria ləm tɔ ndá maji ndaŋg ria mee maktub’g ya.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

3 Ja̰ 1:12

Dəwje lai d’ɔr goo ta lə Demetriyus maji ləm, néreaje lai gə́ wa bua kankəmta lé ɔr ta ləa maji ləm tɔ. Jeḛ kara jeḛ j’ɔr goo ta ləa gə́ majee ya ndá i gər gao takɔr lə sí lé to kankəmta ya.