Néra Njékaḭkulaje 5:5 - Maktub gə́ To gə Kəmee

⁵ Loo gə́ ta neelé oso mbi Ananias’g ndá yeḛ oso naŋg vad wəi. Ɓəl unda deḛ lai gə́ d’oo né neelé badə gaŋg dee.

Néra Njékaḭkulaje 5:5 ပူးပေါင်းရင်းမြစ်များ

2 Mbaije 2:24

Yeḛ tel kəmee aa dee gərərə ndá yeḛ man dee gə ri Njesigənea̰. Yen ŋga ko̰ da-ursje joo d’unda loo mee kag-kɔr’g teḛ d’ar dee-deḛ basaje gə́ rɔ-sɔ-gir-dee-joo mbuna mar deeje’g lé doo gə́ toɓəl.

1 Sôrta Gḭka-Israɛlje 13:12

Dabid ɓəl Njesigənea̰ mee ndəa’g neelé aree pana: Bèe ŋga see m’a ra to gə́ ban ɓa gə mba kar sa̰duk-manrɔ lə Njesigənea̰ lé ree ne rɔm’g wa.

1 Sôrta Gḭka-Israɛlje 15:13

Mbata seḭ nja mee ndɔ gə́ dɔtar’g lé seḭ godoje loo gə́ Njesigənea̰ ar sí j’uduje lé, mbata jeḛ lé jeḛ n’sa̰geeje gə goo godndu lé el.

Pakɔsje 119:120

Ɓəl gə́ i ula məəm’g lé undam badə gaŋgm, Rəwta-gaŋgje ləi kara d’am m’ɓəl yaa̰ tɔ.

Pakɔsje 64:9

Ndo̰ dee lé to gin koso lə dee, Deḛ lai gə́ d’oo dee lé d’unda ne dɔ dee widi-widi.

Jeremi 5:14

Gelee gə́ nee ɓa Njesigənea̰ Gə́ njeboo-néje gə́ dara pa ne pana: Mbata ta gə́ seḭ paje neelé Aa ooje, ma m’ndigi kar ta ləm To to gə́ pər bèe tam’g ləm, Ma m’ndigi kar koso-dəwje neelé To to gə́ kir gə mba kar pər neelé roo dee ləm tɔ.

Ejekel 11:13

Loo gə́ m’aw m’tegginta ndá Pelatia, ŋgolə Benaja oso vad wəi. Ma m’oso rəb m’dəb kəm naŋg tɔɓəi m’ra né gə ndum wəl m’pana: Ai-i Mbaidɔmbaije gə́ Njesigənea̰ see i a kar ges Israɛlje gə́ nai lé d’udu guduru bèe ya wa.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Néra Njékaḭkulaje 13:11

Aa oo, ɓasinè, ji Mbaidɔmbaije a dar dɔi ndá i a to njekəmtɔ kuree əw waga ɓó a koo kàr el. Léegəneeya loondul dəb dəa’g bigim aree mam loo bab-bab mba saŋg dəwje kar dee ndɔree.

Néra Njékaḭkulaje 2:43

Deḛ kára-kára lai meḛ dee to kərm ndá njékaḭkulaje ra néje gə́ dum kəm dəwje ləm, gə némɔrije ləm tɔ.

Néra Njékaḭkulaje 5:13

Dəwje gə́ raŋg ɓəl kuru mbuna dee’g nɛ koso-dəwje pidi dee tar wəg-wəg.

1 Njé gə́ Kɔrḭtə 4:21

See ri ɓa seḭ ndigije wa. See m’a kaw rɔ sí’g gə ndəi əsé m’a kaw rɔ sí’g gə meenoji ləm, gə ndu noji ləm tɔ wa.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 13:2

Loo gə́ m’aw gə́ rɔ sí’g kédé njekɔm’g gɔl joo ləm lé ma m’ula sí taree mba̰ ya nɛ ɓogənè gə́ ma m’godo mbuna sí’g kara ma m’ula deḛ lai gə́ ra kaiya kédé ləm, gə deḛ gə́ raŋg lai ləm tɔ lé ɓó lé m’a tel mbuna sí’g ndá né gə́ m’a gə ra lé m’a ra njaŋg ɓó m’a kər ne kəm dəw el.

2 Njé gə́ Kɔrḭtə 7:11

Aa ooje, nékəmndoo nee gə́ gə goo rəw gə́ Ala wɔji lé see ar sí ɔsje ne rɔ sí ɓad el wa. Seḭ ɔsje rɔ sí ɓad gə mba kɔr ne naji dɔ sí’g ləm, seḭ osoje gə oŋg biriŋ ləm, seḭ síje gə meekaarkərm ləm, mal koo kəm ra sí ŋgwɔd-ŋgwɔd ləm, seḭ ula rɔ sí ndubu mba gɔl ta ləma, seḭ arje bo̰ néra dəw lé ɔs təa’g ləm tɔ. Seḭ amje m’oo to gə́ ta neelé né kára kara taŋ sí keneŋ el.

Tel tura Godndu 13:11

Seḭ a tiláje gə kɔri-ər kaareeje wəi mbata yeḛ saŋg loo kar sí ubaje Ala lə sí gə́ Njesigənea̰ yá̰je, yeḛ gə́ ar sí undaje loo mee ɓee gə́ Ejiptə kəi-kula-ɓər’g teḛje lé.

Tel tura Godndu 21:21

Bèe ɓa koso-dəwje lai gə́ mee ɓee-boo’g ləa lé d’a tilá gə kɔri-ər tɔlee. Seḭ a raje togə́bè mba kɔrje ne né gə́ majel mbuna sí’g gə mba kar Israɛlje lai d’oo ndá d’a ɓəl ne tɔ.

Jujé 22:20

Akan, ŋgolə Jera lé see yeḛ al ta ta godndu gə́ wɔji dɔ néje gə́ kəm tuji dee pugudu-pugudu lé el wa. See yee ɓa ar oŋg lə Njesigənea̰ ḭ ne səa pu dɔ koso-dəwje gə́ Israɛl lai lé el wa. Yeḛ ɓa tuji gə karee ba mbata kalta ləa el.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 11:5

Ɓó lé nana ɓa ndigi ra sə dee némeeyèr ndá pər a teḛ ta dee’g roo ne njéba̰je lə dee. Ɓó lé nana ɓa gə́ ndigi ra sə dee némeeyèr ndá yoo-pər neelé ɓa gə́ kuma̰ yoo dee ya.