Néra Njékaḭkulaje 5:39 - Maktub gə́ To gə Kəmee

³⁹ Nɛ ɓó lé néra dee lé ḭ rɔ Ala’g ndá loo tujee a dum sí təs ya. Aḭje kaḭ koma̰ gə Ala el nà a kooje kea̰.

Néra Njékaḭkulaje 5:39 ပူးပေါင်းရင်းမြစ်များ

Gḭ-Néje 24:50

Yen ŋga Laba̰ gə Betuel d’ilá keneŋ pana: Né neelé ḭ rɔ Njesigənea̰’g ya. J’askəm kulai ta gə́ majel əsé yee gə́ maji lé el tɔ.

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

1 Mbaije 12:24

I a kula dee pana: Njesigənea̰ pa togə́bè pana: Maji kar sí awje aw rɔje gə ŋgako̰ síje gə́ to Israɛlje el. Maji kar nana kara tel aw mee kəi’g ləa-ləa mbata to ma nja ɓa m’ar néje neelé teḛ ya. Deḛ d’ila ŋgonkoji dɔ ta gə́ Njesigənea̰ pa lé ndá tel gə goo ta gə́ Njesigənea̰ pa lé ya tɔ.

2 Mbaije 19:22

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Maktub gə́ wɔji dɔ Jɔb 34:29

Ɓó lé yeḛ ar loo to lɔm ndá See na̰ ɓa a kaskəm kɔm ɓəl dɔ dəwje’g wa. Ɓó lé yeḛ iya kəmee ndá see na̰ ɓa askəm kée wa. Yeḛ ra né gə ginkoji dəwje gə raŋg əsé dəw gə́ kára aree asəna

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 43:13

Ma nja m’to Ala togə́bè kédé par-par Ndá dəw kára kara as kɔr né jim’g el, Né gə́ ma m’ra mba̰ lé See na̰ ɓa a telee ɓəd wa.

Esai 45:9

Meeko̰ a koso dɔ yeḛ gə́ ɔs njekubá rəw! I gə́ to jo-ɓan mbuna jo-ɓanje’g, See a̰ji a dəji njekuba pana: See ban ɓa ubam togə́bè wa. See a pa bèe wa. See jo gə́ i uba mba̰ lé a pana: Nérai majel, a pa bèe wa.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Néra Njékaḭkulaje 11:17

Bèe ndá to gə́ Ala wa sə dee noji gə́ to asəna kára ba gə noji gə́ yeḛ wa sə síjeḛ gə́ j’ɔm meḛ sí dɔ Mbaidɔmbaije Jeju Kristi lé bèe ndá ŋga, see ma m’askəm kɔs Ala lé rəw to gə́ banwa.

Néra Njékaḭkulaje 23:9

Yen ŋga d’unda bula yi-yi d’ar njéndaji-maktubje gə́ na̰je gə́ d’ḭ ɓee lə Parisiḛje d’uba naŋg d’ḭ d’ɔs gin tamaḭ gə́ kédé-kédé pana: Dəw neelé jeḛ j’oo ta gə́ majel kára kara dəa’g bèe el. Banelə ndil əsé kura gə́ dara ɓa ulá ta ya.

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

Néra Njékaḭkulaje 7:51

Seḭ dəwje gə́ njégwɔbkelkwɔije ləm, gə njémeetɔ kujita elje ləma, gə mbim-oo-ta-elje ləm tɔ lé ta-ta seḭ ɔsje Ndilmeenda rəw. Seḭ toje asəna gə bɔ síje lé bèe tɔ.

Néra Njékaḭkulaje 9:5

Yeḛ tel ilá keneŋ pana: Mbaidɔmbaije, see i to gə́ na̰ wa. Mbaidɔmbaije tel ilá keneŋ pana: Ma m’to gə́ Jeju gə́ i ula kəm ndòo lé ya. Nékad gə́ d’ɔs ne kudi ɓèsèsè-ɓèsèsè lé ɓó gad kudi gə́ gogo ndá a koso rɔi’g pal ya.

1 Njé gə́ Kɔrḭtə 1:25

Mbata mbə lə Ala lé to kəmkàr gə́ ur dɔ kəmkàr lə dəwje ləm, rəm lə Ala lé kara to siŋgamoŋ gə́ ur dɔ siŋgamoŋ lə dəwje ləm tɔ.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.