Néra Njékaḭkulaje 5:17 - Maktub gə́ To gə Kəmee

¹⁷ Nɛ ŋgɔ-njekinjanéməs gə deḛ lai gə́ d’isi səa gə́ to gə́ ɓee lə Saduseḛje lé kəmkəḭ rusu meḛ dee njḭ-njḭ.

Néra Njékaḭkulaje 5:17 ပူးပေါင်းရင်းမြစ်များ

Maktub gə́ wɔji dɔ Jɔb 5:2

Dəw gə́ gər né el lé tuji dan oŋg’d ləa ləm, Mbə-dəw lé wəi dan meekḭ jugugu’g ləa ləm tɔ.

Gosota-Kəmkàrje 14:30

Mee dəw gə́ to lɔm lé to kəmə lə darəa, Nɛ kəmkəḭ to né gə́ sɔ siŋga rɔ dəw.

Gosota-Kəmkàrje 27:4

Meekḭ jugugu to néra gə́ bɔsɔsɔ ləm, Oŋg al dɔ loo sula ləm tɔ, Nɛ see na̰ ɓa askəm kar gəs no̰ ra jaŋg’d wa.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Matiyo 27:18

Mbata yeḛ gər gao, kəmkəḭ ɓa d’ila ne Jeju jia’g.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Tagə́maji gə́ Ja̰ ndang 12:10

Mbai dɔ njékinjanéməsje-je d’wɔji-kwɔji tɔl Lajarə tɔ,

Tagə́maji gə́ Ja̰ ndang 12:19

Parisiḛje d’ula na̰ pana: Lée ka̰ sí-seḭ godo ŋga, mbata aa ooje, koso-dəwje lai d’ɔm na̰ gée’g tururu mba̰.

Néra Njékaḭkulaje 13:45

Loo gə́ Jibje d’oo boo-dəwje neelé ndá kəmkəḭ rusu meḛ dee njḭ-njḭ ar dee d’oma̰ gə Pool gə tamaḭ ləm, gə tajikil ləm tɔ.

Néra Njékaḭkulaje 15:5

Yen ŋga njé gə́ na̰je gə́ d’ḭ ɓee lə Parisiḛje gə́ d’un meḛ dee lé d’uba naŋg d’ḭta pana: Kar njépole-magəje d’inja tamɔd dee ləm, kar dee d’aa dɔ godndu Moyis kər-kər ləm tɔ lé yee ɓa gə́ né gə́ kəm ra ya.

Néra Njékaḭkulaje 17:5

Nɛ Jibje lé kəmkəḭ rusu meḛ dee njḭ-njḭ ar dee d’ɔr njémeeyèrje gə́ na̰je mbuna dalm-dəwje’g d’ɔm dee goo dee’g gə mba kar dee pələ meḛ dəwje d’ar dee d’aw dɔ na̰’d pum-pum ɓó gə kar ɓee ləŋg ne. Deḛ saŋg Pool gə Silas saar d’aw ɓee lə Jaso̰ mba kɔr dee kaw sə dee no̰ koso-dəwje’g.

Néra Njékaḭkulaje 4:26

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Mbaidɔmbaije gə yeḛ gə́ wa dəa gə ubu lé.

Néra Njékaḭkulaje 4:6

ar An gə́ to gə́ ŋgɔ-njekinjanéməs gə Kayipə gə Ja̰ gə Aleja̰drə gə deḛ lai gə́ to gə́ ɓee lə mbai dɔ njékinjanéməsje-je lé d’isi keneŋ ya tɔ.

Néra Njékaḭkulaje 5:16

Koso-dəwje d’ḭ gə ɓee-ɓee gə́ mbɔr Jerusalem’g, d’unda kunda njérɔko̰je gə deḛ gə́ ndilje gə́ yèr d’ula kəm dee ndòo pir-pir d’odo dee ree sə dee ndá d’aji mbad-mbad ya tɔ.

Néra Njékaḭkulaje 7:9

Deḛ gin ka síje lé kəm dee əḭ dɔ Jisəb’g ar dee d’wá ndogee gə mba kar dee d’aw səa Ejiptə,

Njé gə́ Galati 5:21

gə kəmkəḭ ləm, gə kaw gə́ dəw-kido ləm, gə néra gə́ ndəl-ndəl ləma, gə néje gə́ raŋg gə́ as sə dee togə́bè lé ləm tɔ. Ma m’ula sí təsərə to gə́ ma m’ula sí kédé tɔɓəi tɔ, dəwje gə́ ra néje gə́ togə́bè lé d’a kila gɔl dee ɓeeko̰’g lə Ala kiŋga nédɔjije keneŋ pai godo.

Maktub gə́ Jak ula ne ar ngan-Allaje 4:5

See seḭ ə̰jije meḛ sí’g to gə́ maktub gə́ to gə kəmee lé pa gə mḭdé ba wa. Maktub neelé pana: Ala aḭ bada dɔ Ndil gə́ yeḛ ula meḛ sí’g.

1 Piɛrə 2:1

Bèe ndá meeyèrje gə́ ɓəd-ɓəd ləm, gə gosɔyèr gə́ ɓəd-ɓəd ləm, gə meekas gə́ ria-ria ləm, gə kəmkəḭ ləma, gə ta gə́ tədje ləm tɔ lé uba deeje ya̰ deeje.