Néra Njékaḭkulaje 5:14 - Maktub gə́ To gə Kəmee

¹⁴ Bula lə deḛ gə́ d’un meḛ dee d’ar Mbaidɔmbaije lé diŋgamje gə denéje, ḭ dɔ maree’g gə́ kédé-kédé.

Néra Njékaḭkulaje 5:14 ပူးပေါင်းရင်းမြစ်များ

2 Samel 6:19

Tɔɓəi yeḛ kai koso-dəwje gə́ Israɛl lai, diŋgamje gə denéje lé nana kara yeḛ aree pil muru kára ləm, gə kɔr da ləm, gə mbə gə́ d’ila ləma, gə Kandə-nduú ləm tɔ. Ndá koso-dəwje lai d’ḭ d’aw, nana kara aw kəi ləa kəi ləa ya.

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Nehemi 8:2

Bèe ɓa Esdras, njekinjanéməs ree gə maktub godndu lé no̰ koso-dəwje gə́ to diŋgamje gə denéje gə ŋganje gə́ d’askəm koo ta gər ginee. To ndɔ gə́ dɔtar mee naḭ gə́ njekɔm’g siri.

Teḛ-Raga 35:22

Diŋgamje kara ree to gə́ denéje ree bèe ya, deḛ lai gə́ d’wɔji meḛ dee’g lé d’odo néje gə́ ta ndarje’g ləm, gə mbaiŋgiraje ləm, gə ŋgamaje ləm, gə niŋgáje ləma, gə néje gə́ raŋg ɓəd-ɓəd gə́ ra gə larlɔr ləm tɔ, nana kara ar nékarnoji gə́ to larlɔr gə́ yeḛ ɔr unda gə kəmee ar Njesigənea̰ lé.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Néra Njékaḭkulaje 11:24

Mbata Barnabas lé to majikoji ləm, Ndilmeenda taa mée pəl-pəl ləma, yeḛ to njemeekun gə́ dum dɔ loo ləm tɔ. Togə́bè ɓa boo-dəwje bula nam ne kaar Mbaidɔmbaije’g lé.

Néra Njékaḭkulaje 2:41

Deḛ gə́ taa ta ləa lé d’aree ra dee batɛm. Ndá mee ndəa’g neelé bula lə njémeekunje ḭ dɔ maree’g as tɔl-dɔg-loo-munda d’ɔm dɔ mar deeje’g.

Néra Njékaḭkulaje 2:47

Deḛ pidi ne Ala ləm, deḛ taa kəm dəwje rəgm ləm tɔ. Ndá deḛ gə́ d’aji lé Mbaidɔmbaije orè ne mareeje gə́ Eglisə’g gə ndəa-ndəa.

Néra Njékaḭkulaje 22:4

Deḛ gə́ taa ta neelé m’ula kəm dee ndòo m’ar dee d’wəi ne ləm, m’wa diŋgamje gə denéje m’tɔ dee m’ɔm dee daŋgai’g ləm tɔ.

Néra Njékaḭkulaje 4:4

Nɛ njé gə́ na̰je bula gə́ d’oo ta lə dee lé d’ɔm meḛ dee dɔ’g ar bula lə diŋgamje aḭ tɔl-dɔg-loo-mi.

Néra Njékaḭkulaje 6:7

Ta lə Ala lé oso gə loo mbidi-mbidi ar bula lə njétaamee-Kristije ḭ dɔ maree’g gə́ kédé-kédé mee ɓee gə́ Jerusalem ləm, boo-njékinjanéməsje kara d’ila ne koji dɔ meekun’g lé ləm tɔ.

Néra Njékaḭkulaje 8:12

Nɛ loo gə́ deḛ d’ɔm meḛ dee dɔ Pilibə’g mbata tagə́maji gə́ yeḛ ndoo dee gə́ wɔji ne dɔ ɓeeko̰ lə Ala ləm, gə ri Jeju Kristi lé ləm tɔ ndá deḛ ra dee ne batɛm, diŋgamje ləm, gə denéje ləm tɔ.

Néra Njékaḭkulaje 8:3

Nɛ Sool lé sané Eglisə kad-kad. Yeḛ ta̰d mee kəije lə dee pḛ́-pḛ́ tɔr diŋgamje gə denéje ndad-ndad, aw ɓugu dee daŋgai’g.

Néra Njékaḭkulaje 9:2

Yeḛ aḭ haar aw rɔ ŋgɔ-njekinjanéməs’g dəjee maktub gə mba kaw ne kəi-kiŋga-na̰je’g gə́ to Damas, bèe ɓa ɓó lé yeḛ a kiŋga diŋgamje əsé denéje gə́ d’un rəw goo Mbaidɔmbaije’g ndá yeḛ a twa dee tɔ dee gə kúla kaw sə dee Jerusalem.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Néra Njékaḭkulaje 9:35

Dəw-mee-ɓeeje gə́ Lidə gə deḛ gə́ Saron lai d’ée ndá d’un meḛ dee d’ar Mbaidɔmbaije lé tɔ.

Néra Njékaḭkulaje 9:42

Ta neelé oso mbi dəwje lai gə́ d’isi Jope, ar dəwje bula d’un ne meḛ dee d’ar Mbaidɔmbaije.

2 Njé gə́ Kɔrḭtə 6:15

See Kristi a kɔm na̰’d gə Belial’g loo gə́ ra wa. Majikojije gə deḛ gə́ to gə́ majikojije el lé see né lə dee a to gə́ na̰’d loo gə́ ra wa.

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.