Néra Njékaḭkulaje 4:10 - Maktub gə́ To gə Kəmee

¹⁰ maji kar sí-seḭ lai gərje gao ləm, kar koso-dəwje gə́ Israɛl lai kara gər gao ləm tɔ. Jeju Kristi gə́ Najaret gə́ seḭ ɗareeje ɓa Ala aree unda loo teḛ dan njé gə́ d’wəi’g ɓəi lé mbɔl dɔ ria-yeḛ nja ɓa rɔ dəw neelé tel to ne kari péd-péd kəm sí’g.

Néra Njékaḭkulaje 4:10 ပူးပေါင်းရင်းမြစ်များ

Loo gə́ killa rea kəm Daniel’g 3:18

Nɛ lé bèe el kara, əi mbai, maji kari gər gao, jeḛ lé j’a ra né kar magəje ləi el ləm, j’a kwa néndaji gə́ ra gə larlɔr gə́ i uree tar lé meḛ sí’g el ya ləm tɔ.

Matiyo 2:23

Yeḛ aw si ɓee gə́ deḛ ɓaree Najaret mba kar ta gə njéteggintaje pa kédé lé aw ne lée’g béréré mbata deḛ pana: Yeḛ neelé d’a ɓaree dəw gə́ Najaret.

Lugu 18:37

Deḛ d’ulá pana: Jeju gə́ Najaret ɓa si dəs ya.

Néra Njékaḭkulaje 2:32

Yee ɓa to Jeju neelé gə́ Ala aree unda loo teḛ loo-yoo’g lé, jeḛ lai n’to gə́ njékɔrgootareeje ya.

Néra Njékaḭkulaje 2:36

Bèe ndá maji kar ŋgaka Israɛlje lai lé gər gao, to gə́ Jeju nee gə́ seḭ ɗareeje lé Ala nja undá gə́ Mbaidɔmbaije ləm, gə Kristi lé ləm tɔ.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

Néra Njékaḭkulaje 3:6

Yen ŋga Piɛrə ulá pana: Ma lé larnda əsé larlɔr godo jim’g nɛ né gə́ to jim’g lé to né gə́ m’a gə kari ya. Ma m’ulai gə ri Jeju Kristi gə́ Najaret, uba naŋg ḭta njaa!

Njé gə́ Rɔmə 1:4

nɛ teḛ gə́ yeḛ teḛ dɔkumbwa’g lé yee ɓa riba dəa to gə́ yeḛ to Ŋgon-Ala gə́ njesiŋgamoŋ gə goo Ndilmeenda.