Néra Njékaḭkulaje 3:17 - Maktub gə́ To gə Kəmee

¹⁷ Ŋgakɔmje, ɓasinè ma m’gər gao, né gə́ seḭ raje lé seḭ raje dɔ mbə’g ləm, mbaije lə sí kara deḛ ra dɔ mbə’g ya ləm tɔ.

Néra Njékaḭkulaje 3:17 ပူးပေါင်းရင်းမြစ်များ

Gḭ-Néje 21:26

Abimelek tel ilá keneŋ pana: Njera né neelé ma m’gəree el. I kara pa taree am m’oo kédé el tɔ ndá ma lé ɓogənè ɓa taree oso mbim’g nee ɓəi.

Gḭ-Néje 39:8

Yeḛ mbad kɔḭ ula dené lə ɓéeje lé pana: Aa oo, ɓémje lé oo səm goo né gə́ kára kara mee kəi’g el ləm, yeḛ ɔm néje ləa lai jim’g ləm tɔ.

Gḭ-Néje 44:15

Jisəb dəji dee pana: See ɗi ɓa seḭ raje bèe wa. See seḭ gərje to gə́ dəw gə́ to gə́ ma bèe lé askəm saŋg né gə́ to loo-kiya’g el wa.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Bula lə Israɛlje 22:6

Ma m’ra ndòo rɔi’g, maji kari gə́ ree, pata ila ne ndɔl dɔ dəwje’g neelé am mbata siŋga dee ur dɔm’g, banelə yee ɓa m’a kaskəm rɔ ne sə dee ləm, m’a kaskəm tuba dee ne mee ɓee’g ləm tɔ, mbata ma m’gər gao, yeḛ gə́ i tɔr ndui dəa’g ndá ndutɔr nai səa ləm, yeḛ gə́ i ila ndɔl dəa’g kara ndɔl wa dəa ləm tɔ.

Lugu 23:13

Tɔɓəi Pilatə mbo̰ mbai dɔ njékinjanéməsje-je ləm, gə mbaije gə́ njégaŋ-rəwtaje ləma, gə koso-dəwje ləm tɔ mbo̰ dee dɔ na̰’d ula dee pana:

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Tagə́maji gə́ Ja̰ ndang 15:21

Nɛ d’a ra sə sí néje lai togə́bè mbata lə rim-ma lé nja mbata deḛ gər yeḛ gə́ njekulam lé el.

Tagə́maji gə́ Ja̰ ndang 16:3

D’a ra togə́bè mbata deḛ gər Bɔ-dəwje lé el ləm, deḛ gərm-ma lé el ləm tɔ.

Tagə́maji gə́ Ja̰ ndang 7:52

Deḛ tel d’ilá keneŋ pana: See i to gə́ dəw gə́ Galile’g tɔ ŋga wa. Woḭ mee maktub oo mbata njetegginta kára kara a kḭ Galile el.

Néra Njékaḭkulaje 13:27

Mbata njéɓeeje gə́ Jerusalem gə mbaije lə dee-deḛ lé gər Jeju sur el ndá d’ila ne ta dəa’g d’ar ta gə́ njéteggintaje tura kəm sí’g gə ndɔ-kwa-rɔ kwa-rɔ lé aw ne lée’g béréré.

Néra Njékaḭkulaje 22:5

Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g.

Néra Njékaḭkulaje 26:9

Ma lé kédé m’ula rɔm ndubu gə mba kar ri Jeju gə́ Najaret neelé udu bo̰, yee ɓa ma m’oo gə́ né gə́ kəm ra.

Néra Njékaḭkulaje 28:21

Deḛ d’ilá keneŋ pana: Jeḛ j’iŋga maktub kára kara gə́ ḭ Jude gə́ wɔji dɔi bèe el ləm, əsé gə ŋgoko̰ sí kára kara gə́ ree rɔ sí’g ɔr sor nérai gə́ majel əsé ɓar rii gə ta gə́ majel bèe el ləm tɔ.

Néra Njékaḭkulaje 7:40

ar dee d’ula Aaro̰ pana: Maji karee ra magə-poleje gə́ d’a njaa no̰ neḛje’g, mbata Moyis nee gə́ ar neḛ n’undaje loo mee ɓee gə́ Ejiptə teḛ lé neḛ n’gərje né gə́ teḛ dəa’g el.

Njé gə́ Rɔmə 11:2

Dəwje ləa gə́ yeḛ gər dee kédé lé Ala unda dee ɓad el. See seḭ gərje el wa. Maktub gə́ to gə kəmee ɔr sor Eli loo gə́ yeḛ no̰ no̰ nee dɔ Israɛlje’g pana:

1 Njé gə́ Kɔrḭtə 2:8

Kəmkàr neelé dəw kára kara mbuna mbaije gə́ dɔ naŋg nee ɓasinè lé kəmee inja dɔ’g bərəŋ el mbata ɓó lé kəm dee inja dɔ’g ndá d’a ɗar Mbaidɔmbaije gə́ njero̰duba togə́bè el.

2 Njé gə́ Kɔrḭtə 3:14

Nɛ kəmkàr lə dee tel loondul kəm dee’g kɔl-kɔl ya. Mbata saar ɓogənè kara loo gə́ deḛ tura maktub Manrɔ gə́ Ləw lé kubu neelé dəb kəm dee’g bigim ɓó ḭ kəm dee’g bəl el ɓəi mbata Kristi ɓa askəm kɔr kubu neelé kila kɔrɔ.

Njé gə́ Epesə 4:18

Kəmkàr lə dee lé loondul dəb dɔ’g rigim ləm, kəmə gə́ ka̰ Ala lé deḛ gər ndiaa el ləm tɔ mbata d’wa meḛ dee kədərə dɔ mbə gə́ nai meḛ dee’g ɓəi.

Njé gə́ Pilibə 1:22

Ɓó lé kisi kəmba ɓa gə kuma̰ mba tɔl ne kula ram lé ɓəi ndá né gə́ ma m’ndigi ra lé m’oo loo pea el.

1 Timote 1:13

Ma lé kédé m’to gə́ njekila ndɔl dəa’g ləm, gə njekula kəmee ndòo ləma, gə njera né gə́ ga̰gma̰d ləm tɔ. Nɛ yeḛ ar mée oso lemsé dɔm’g mbata né gə́ ma m’ra lé m’ra dɔ mbə’g loo gə́ ma m’nai gə́ njetaree gə́ tar ɓəi.