Néra Njékaḭkulaje 3:16 - Maktub gə́ To gə Kəmee

¹⁶ Dəw neelé gə́ seḭ éeje ləm, gə seḭ gəreeje ləm tɔ lé ri Jeju gə́ yeḛ ɔm mée dɔ’g lé ɓa gɔlee ŋgəŋ ne, meekun gə́ yeḛ un ar Jeju lé rəa to ne kari ba péd-péd kəm sí’g lai.

Néra Njékaḭkulaje 3:16 ပူးပေါင်းရင်းမြစ်များ

Matiyo 14:29

Jeju ilá keneŋ pana: Ḭta, gə́ ree! Piɛrə al uru mán, si njaa gə́ rɔ Jeju’g lé.

Matiyo 9:22

Jeju ɔm rəd ndá ulá pana: Ŋgonəm, ndá məəi kaḭ, meekun ləi taa né ari aji ne ya. Léegəneeya, rɔ dené lé to kari péd-péd.

Tagə́maji gə́ Ja̰ ndang 14:12

Ma m’ula sí təsərə, yeḛ gə́ ɔm mée dɔm’g ndá néraje gə́ m’ra lé yeḛ a ra nja tɔ. Néraje gə́ ur dɔ njé gə́ nee kara yeḛ a ra ya tɔ mbata m’isi m’aw gə́ rɔ Bɔ-dəwje’g lé.

Tagə́maji gə́ Ja̰ ndang 7:23

Ɓó lé dəw ar dee d’inja tamɔdee gə ndɔ-kwa-rɔ gə mba kal ne dɔ godndu Moyis lé el ndá ŋga see ban ɓəi ɓa seḭ arje meḛ sí ḭ pu dɔm’g gə mba dəw gə́ m’aree aji kəbərə ar darəa to kari péd-péd gə ndɔ-kwa-rɔ lé ɓəi wa.

Néra Njékaḭkulaje 14:9

Yeḛ si naŋg ur mbia oo ne ta gə́ Pool pa. Pool lé ar kəmee wəi dəa’g sḭ ée ne gə́ dəw gə́ mée to yel gə́ dɔ kaji’g,

Néra Njékaḭkulaje 16:18

Yeḛ ra togə́bè as ndɔ bula ndá mee Pool ea̰ yaa̰ aree pa gə ndil lé pana: M’un ndum m’ari gə ri Jeju Kristi mba kari unda loo mée’g teḛ. Léegəneeya yeḛ unda loo mée’g teḛ tɔ.

Néra Njékaḭkulaje 3:6

Yen ŋga Piɛrə ulá pana: Ma lé larnda əsé larlɔr godo jim’g nɛ né gə́ to jim’g lé to né gə́ m’a gə kari ya. Ma m’ulai gə ri Jeju Kristi gə́ Najaret, uba naŋg ḭta njaa!

Néra Njékaḭkulaje 3:8

Yeḛ uba naŋg ja̰gjaŋ ḭta ndá yeḛ ɔd ɔs njaa. Yeḛ andə sə dee na̰’d mee kəi-Ala’g ləm, yeḛ njaa ləm, yeḛ tal jagəra-jagəra ləma, yeḛ pidi Ala ləm tɔ.

Néra Njékaḭkulaje 4:10

maji kar sí-seḭ lai gərje gao ləm, kar koso-dəwje gə́ Israɛl lai kara gər gao ləm tɔ. Jeju Kristi gə́ Najaret gə́ seḭ ɗareeje ɓa Ala aree unda loo teḛ dan njé gə́ d’wəi’g ɓəi lé mbɔl dɔ ria-yeḛ nja ɓa rɔ dəw neelé tel to ne kari péd-péd kəm sí’g.

Néra Njékaḭkulaje 4:30

ula jii ndiŋ ar dee gə mba kar dee d’ɔr ne rɔko̰je ləm, gə ra ne némɔrije ləma, gə ra ne néje gə́ dumkoo ləm tɔ gə ri Jeju, kura ləi gə́ i undá gə kəmee lé ya.

Néra Njékaḭkulaje 4:7

Deḛ d’ar Piɛrə gə Ja̰ d’ḭ d’aar dan dee’g, tɔɓəi deḛ dəji dee ta pana: See siŋgamoŋ gə́ ban əsé see ri na̰ ɓa seḭ raje ne né togə́bè wa.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.