Néra Njékaḭkulaje 3:14 - Maktub gə́ To gə Kəmee

¹⁴ Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

Néra Njékaḭkulaje 3:14 ပူးပေါင်းရင်းမြစ်များ

Pakɔsje 16:10

Mbata i a kya̰’m ɓee lə njé gə́ d’wəi’g lé el ləm, Yeḛ gə́ i undá dan kəmi’g lé I a kyá̰ k aree unda naŋg ndəs el ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 27:20

Mbai dɔ njékinjanéməsje gə ŋgatɔgje d’ula njuma̰ meḛ boo-dəwje’g neelé mba kar dee dəjee Barabas, nɛ Jeju ɓa ɓó gə d’aree udu.

Mark 1:24

Jeju gə́ Najaret, see ta lə síjeḛ səi aw na̰’d ra wa. See i ree mba tuji síjeḛ wa. Ma m’gəri gao, i lé to Njemeenda lə Ala ya.

Mark 15:11

Nɛ Mbai dɔ njékinjanéməsje-je lé d’ula njuma̰ mee boo-dəwje’g neelé mba kar dee d’ula Pilatə d’aree ɔr Barabas ɓa ilá tar ar dee.

Mark 15:7

Da̰gai kára ria lə Barabas si gə njéboakaiya mareeje na̰’d kəi-daŋgai’g mbata tɔl gə́ deḛ tɔl dəw loo gə́ d’ḭ gə mba tuji njéko̰ɓeeje.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 23:25

Pilatə ɔr yeḛ gə́ d’ilá daŋgai’g mbata sula gə́ yeḛ sula dəwje gə́ mee ɓee’g ar dee d’ḭ gə njéko̰ɓeeje ləm, gə mbata tɔl gə́ yeḛ tɔl dəw ləm tɔ lé ilá tar ar dee to gə́ deḛ dəjee, nɛ yeḛ ula Jeju ji dee’g mba kar dee ra səa né to gə́ meḛ dee ndigi.

Tagə́maji gə́ Ja̰ ndang 16:10

Yeḛ a kar kəm dee inja dɔ meekarabasur’g lé mbata m’isi m’aw gə́ rɔ Bɔ-dəwje’g lé ŋga ndá seḭ a koomje gogo el ŋga.

Tagə́maji gə́ Ja̰ ndang 18:40

Yen ŋga deḛ tel ra ne u-u-u gɔl kára tɔɓəi pana: Wah! Yeḛ el, nɛ Barabas ɓa. Nɛ Barabas neelé to gə́ gayim-ɓogo.

Néra Njékaḭkulaje 13:28

Deḛ d’iŋga ta kára kara dəa’g gə́ as yée el, nɛ lé bèe kara deḛ dəji Pilatə gə mba karee udu ya.

Néra Njékaḭkulaje 2:27

Mbata i a kya̰ neḛ ɓee lə njé gə́ d’wəi’g lé el ləm, Njemeenda ləi lé i a kyá̰ karee unda naŋg ndəs el ləm tɔ.

Néra Njékaḭkulaje 22:14

Yeḛ ulam pana: Ala lə ka síjeḛ ɔri undai gə kəmee gə mba kari gər torndia ləm, gə mba kari oo Njemeekarabasur lé ləma, gə mba kari oo ta gə́ təa’g ləm tɔ.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

Néra Njékaḭkulaje 5:28

See kédé lé j’ɔg sí dɔ ndoo dəwje ta gə ri dəw neelé rədədə el wa. Aa ooje, ta lə sí gə́ seḭ ndooje dəwje lé taa Jerusalem pəl-pəl. See seḭ raje togə́bè mba kar ta məs dəw neelé wa dɔ síjeḛ nja ŋga wa.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Maktub gə́ Jak ula ne ar ngan-Allaje 5:6

Seḭ gə́ ilaje ta dɔ njemeekarabasur tɔleeje ne, nɛ yeḛ aar keneŋ kərərə-kərərə ɓó ɔs sí rəw el.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Ja̰ 2:1

Ŋganəmje, ma m’ndaŋg maktub nee m’ar sí mba kar sí ɔrɔje ne rɔ kaiya kára kara el. Ɓó lé dəw kára ra kaiya ndá njera rəwta lə sí si rɔ Bɔ-dəwje’g béréré mba̰, yeḛ nja ɓa to Jeju Kristi gə́ njemeekarabasur lé.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana: