Néra Njékaḭkulaje 3:13 - Maktub gə́ To gə Kəmee

¹³ Ala lə Abrakam gə Isaak gə Jakob, Ala lə ka síjeḛ lé ɓa ula rɔnduba dɔ kura’g ləa Jeju, yeḛ gə́ seḭ uláje ji Pilatə’g ləm, seḭ mbadeeje ləm tɔ nɛ yeḛ lé wɔji-kwɔji kilá tar.

Néra Njékaḭkulaje 3:13 ပူးပေါင်းရင်းမြစ်များ

Teḛ-Raga 3:13

Moyis ulá pana: M’a kaw rɔ Israɛlje’g ŋga, m’a kula dee pana: Ala lə bɔ síje-je ɓa ulam rɔ sí’g. Nɛ ɓó lé deḛ dəjim pana: See ria lə na̰ wa ndá ŋga, see ta ɗi ɓa m’a kila dee keneŋ wa.

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Teḛ-Raga 3:6

Yeḛ pa tɔɓəi pana: Ma m’to Ala lə bɔbije, Ala lə Abrakam ləm, gə Isaak ləma, gə Jakob ləm tɔ. Moyis dəb kəmee naŋg mbata yeḛ ɓəl kaa loo gə́ rɔ Ala’g lé ya.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Matiyo 20:19

ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 22:32

Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ. Bèe ndá Ala lé to ka̰ njé gə́ d’isi kəmba lé ɓó to ka̰ njé gə́ d’wəi lé el.

Matiyo 27:2

Deḛ d’wá teá ndər-ndər, ndɔree d’aw səa rɔ Pilatə gə́ to njeguburuɓee lé.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Mark 15:11

Nɛ Mbai dɔ njékinjanéməsje-je lé d’ula njuma̰ mee boo-dəwje’g neelé mba kar dee d’ula Pilatə d’aree ɔr Barabas ɓa ilá tar ar dee.

Lugu 22:57

Nɛ yeḛ maḭtaree pana: Dené, ma m’gəree el.

Lugu 23:4

Pilatə ula mbai dɔ njékinjanéməsje-je gə boo-dəwje lé pana: Ma m’oo ta kára kara gə́ wa dɔ dəw neelé el.

Lugu 6:37

Gaŋje ta dɔ mar síje’g el ndá Ala kara a gaŋgta dɔ sí’g el tɔ, ilaje ta dɔ mar síje’g el ndá Ala a kila ta dɔ sí’g el tɔ, ɔrje ta dɔ mar síje’g ndá Ala a kɔr ta dɔ sí’g tɔ.

Tagə́maji gə́ Ja̰ ndang 12:16

Njékwakiláje gər gin néje neelé kédé sur el ɓəi. Nɛ loo gə́ d’ula rɔnduba Jeju’g mba̰ ndá meḛ dee olé dɔ ta gə́ ndaŋg mee maktub’g d’wɔji ne dəa ləm, gə d’aw ne lée’g béréré dəa’g ləm tɔ.

Tagə́maji gə́ Ja̰ ndang 18:40

Yen ŋga deḛ tel ra ne u-u-u gɔl kára tɔɓəi pana: Wah! Yeḛ el, nɛ Barabas ɓa. Nɛ Barabas neelé to gə́ gayim-ɓogo.

Tagə́maji gə́ Ja̰ ndang 19:11

Jeju ilá keneŋ pana: Ɓó lé d’ḭ gə dɔmoŋ loo gə́ tar’g d’ula dɔi’g el ndá i a kaskəm ra səm né kára kara gə dɔrɔi el tɔ. Gelee gə́ nee ɓa yeḛ gə́ ulam jii’g lé kaiya ləa ur dɔ kaḭ’g ɓəi.

Tagə́maji gə́ Ja̰ ndang 19:12

Un gelee keneŋ nee ya Pilatə saŋg rəw gə mba kundá kilá tar. Nɛ Jibje ra né u-u-u pana: Ɓó lé i unda dəw neelé ilá tar ndá i a to baokura lə Sesar el ya. Nana ɓa gə́ wa rəa gə́ mbai lé ndá yeḛ to njeba̰ lə Sesar ya.

Tagə́maji gə́ Ja̰ ndang 19:15

Nɛ deḛ ra né u-u-u pana: Ɔd səa aw ɗaree gə́ ɗar ya! Pilatə dəji dee pana: See mbai lə sí lé nja m’a ɗaree wa. Mbai dɔ njékinjanéməsje-je d’ilá keneŋ pana: Sesar ya gə́ mbai lə sí ɓó mbai lə sí gə́ gə́ raŋg godo ŋga.

Tagə́maji gə́ Ja̰ ndang 7:39

Yeḛ pa togə́bè wɔji ne dɔ Ndil gə́ a taa meḛ deḛ gə́ d’a kɔm meḛ dee dəa’g lé tɔ. Mbata Ndil lé ree el ɓəi mbata d’ula rɔnduba dɔ Jeju’g el ɓəi tɔ.

Néra Njékaḭkulaje 22:14

Yeḛ ulam pana: Ala lə ka síjeḛ ɔri undai gə kəmee gə mba kari gər torndia ləm, gə mba kari oo Njemeekarabasur lé ləma, gə mba kari oo ta gə́ təa’g ləm tɔ.

Néra Njékaḭkulaje 24:14

M’ɔr ta nee m’wɔji ne dɔm-ma ya, m’wa Ala lə bɔmje-je məəm’g gə goo rəw gə́ deḛ ɓa ɓaree rəw gə́ to lée’g el. M’ɔm məəm dɔ taje lai gə́ deḛ ndaŋg mee maktub godndu’g ləm, gə ka̰ njéteggintaje ləm tɔ.

Néra Njékaḭkulaje 3:12

Piɛrə oo togə́bè ndá yeḛ ula koso-dəwje neelé pana: Seḭ dəwje gə́ Israɛl, see gelee ban ɓa kaar sí wa sí paḭ dɔ né gə́ teḛ togə́bè’g lé wa. See gelee ban ɓa seḭ oreeje kəm sí dɔ síjeḛ’g ya ndəŋ, to gə́ lə ne gə́ jeḛ nja n’ra gə siŋgamoŋ lə sí əsé meenda lə sí ɓa j’ar dəw neelé njaa ne bèe wa.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

Néra Njékaḭkulaje 4:30

ula jii ndiŋ ar dee gə mba kar dee d’ɔr ne rɔko̰je ləm, gə ra ne némɔrije ləma, gə ra ne néje gə́ dumkoo ləm tɔ gə ri Jeju, kura ləi gə́ i undá gə kəmee lé ya.

Néra Njékaḭkulaje 7:32

Neḛ n’to Ala lə bɔbeeje-je, Ala lə Abrakam gə Isaak, gə Jakob. Moyis unda bala tigi-tigi, oo loo kaa loo gə́ keneŋ el.

Njé gə́ Rɔmə 9:5

gə ndukunje ləa ləm, ginka deḛ gə́ to gə kəmee ləma, Kristi gə́ to gə́ dəw dɔ néje lai kara darəa ḭ rɔ dee’g ləm tɔ. Maji kar Ala tɔr ndia dəa’g gə mba kar dəa ai səgərə saar-saar gə no̰. Amen.

Ǝbrəje 2:9

Nɛ jeḛ j’oo Jeju, yeḛ gə́ Ala undá aree nai lam bèe a kas kuraje gə́ dara. Jeju lé ya̰ rəa ar yoo mba kar mbɔl dɔ noji lə Ala lé ɓa yeḛ wəi ne ila ne ɗigi kaar yoo’g mbata lə dəwje lai. Nɛ ɓasinè d’ula dɔgugu rɔnduba dəa’g ləm, d’ila ne riɓar dəa’g ləm tɔ.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,