Néra Njékaḭkulaje 28:4 - Maktub gə́ To gə Kəmee

⁴ Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.

Néra Njékaḭkulaje 28:4 ပူးပေါင်းရင်းမြစ်များ

Gḭ-Néje 3:1

Gosɔ lə li lé to yaa̰ ur dɔ ka̰ daje gə́ wala lai gə́ Njesigənea̰ Ala unda dee lé. Yeḛ dəji dené lé pana: See Ala pana: Seḭ a sɔje kandə kagje lai gə́ to mee ndɔ’g lé el, see pa togə́bè tɔgərɔ ya wa.

Gosota-Kəmkàrje 28:17

Dəw gə́ ta məs maree wa dəa lé aḭ njal teḛ bwa-yoo’g, Maji kar dəw ɔgee el.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 43:20

Daje gə́ mee wala’g ləm, Gə tàlje ləma, gə miruje ləm tɔ lé D’a kula rɔnduba dɔm’g Mbata m’ar manje to dɔdilaloo’g ləm, M’ar baa to ndag-mbo’g ləm tɔ Gə mba kar dəwje ləm gə́ m’ɔr dee m’unda dee gə kəmee lé d’ai.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Matiyo 23:35

mba kar məs njémeekarabasurje gə́ un kudee ka̰ Abel’g saar teḛ ne ka̰ Jakari gə́ to ŋgolə Baraki gə́ seḭ tɔleeje dan mee kəi-Ala’g no̰ loo-nékinjaməs’g lé wa dɔ sí ya.

Matiyo 27:25

Boo-dəwje lai lé d’ilá keneŋ pana: Maji kar məsee lé ɔm sí’g gə dɔ ŋgan meḛ síjeḛ’g lai ya tɔ.

Lugu 13:2

Jeju ila dee keneŋ pana: See meḛ sí ndaji ta pana: Njé gə́ Galile’g lé to njékaiyaje d’ur dɔ njé gə́ Galile gə́ raŋg lai ɓa ar né gə́ togə́bè teḛ ne dɔ dee’g gə mbəa wa.

Lugu 13:4

Esé deḛ gə́ dɔg-gir-dee-jinaijoo gə́ kəi gə́ Siloe gə́ ŋgal gə́ duu dɔ loo lé təd unda dee tɔl dee lé see deḛ ɓa gə́ dəwje gə́ ta wa dɔ dee ur dɔ njéɓeeje gə́ Jerusalem gə́ raŋg wa.

Tagə́maji gə́ Ja̰ ndang 7:24

Né gə́ ooje puduru ba lé maji kar sí gaŋgje rəwta dɔ’g el nɛ gaŋgje rəwta gə dɔ najee ɓa.

Néra Njékaḭkulaje 28:2

Njéɓeeje neelé ra sə sí meemaji d’wa sə sí noji meenda. Deḛ tuga pər dɔ na̰’g d’ar sí lai ndibije mbata ndi ər ar kul o̰ ndiŋ-ndiŋ.

Néra Njékaḭkulaje 28:3

Pool sa ŋgəw kagje ɔm pəd, nɛ kṵji pər uru rɔ li-meewai’g aree teḛ reḛ́ ji Pool’g tia̰ keneŋ ɗigi-ɗigi.

Néra Njékaḭkulaje 28:5

Pool biri li undá ilá dan pər’g bib, nɛ rɔ Pool to̰ njaam el.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.