Néra Njékaḭkulaje 28:3 - Maktub gə́ To gə Kəmee

³ Pool sa ŋgəw kagje ɔm pəd, nɛ kṵji pər uru rɔ li-meewai’g aree teḛ reḛ́ ji Pool’g tia̰ keneŋ ɗigi-ɗigi.

Néra Njékaḭkulaje 28:3 ပူးပေါင်းရင်းမြစ်များ

Maktub gə́ wɔji dɔ Jɔb 20:16

Né gə́ yeḛ njibi lé tel to mas li-meewai Ndá ndo̰ li-meewai a tɔlee.

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 41:24

Aa ooje, seḭ toje gə́ né el, Kula ra sí to gə́ né gə́ kari ba, Kɔm meḛ sí dɔ sí-seḭ’g lé To né gə́ mina̰ ya.

Esai 59:5

Deḛ d’um kaw li-ŋgɔrŋgo̰d ləm, Deḛ d’ṵji jám gamagar ləm tɔ. Yeḛ gə́ sɔ kaw dee ndá wəi, Ɓó lé dəw unda kára aree tɔ ndá Li-meewai ɓa teḛ keneŋ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Matiyo 12:34

Seḭ ŋgan li-meewaije, see loo gə́ ra ɓa seḭ a kooje loo kar ta néje gə́ maji a teḛ ta sí’g keneŋ wa seḭ gə́ toje njémeeyèrje. Né gə́ taa mee dəw yal-yal ɓa taree teḛ təa’g ɓəi.

Matiyo 23:33

Seḭ ŋgan li-meewaije lé gehene ɓa to gə́ loo gə́ bo̰ néra sí a kɔs ta sí’g keneŋ ya nɛ see ɗi ɓa seḭ a raje gə mba teḛje ne ta’g wa.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Mark 16:18

d’a kwa ne lije gə ji dee peb-peb ləm, lé d’ai kuma̰ yoo lé a ra dee majel el ləma, d’a kila ji dee dɔ njérɔko̰je’g ndá njérɔko̰je lé d’a kaji kəbərə-kəbərə ya ləm tɔ.

Néra Njékaḭkulaje 28:2

Njéɓeeje neelé ra sə sí meemaji d’wa sə sí noji meenda. Deḛ tuga pər dɔ na̰’g d’ar sí lai ndibije mbata ndi ər ar kul o̰ ndiŋ-ndiŋ.

Néra Njékaḭkulaje 28:4

Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.

2 Njé gə́ Kɔrḭtə 11:23

See deḛ to kuraje lə Kristi wa. (Ma m’pata asəna gə dəw gə́ ndilee igee.) Ma lé m’to kura lə Kristi gə́ ur dɔ ɓəi gə goo kula ramje gə́ to yaa̰ unda ka̰ dee-deḛ ləm, gə goo kunda gə́ deḛ kundam yaa̰ unda dee-deḛ ləma, gə goo kisi gə́ m’isi daŋgai’g gɔl bula unda dee ləm tɔ. Ta-ta m’isi ta yoo’g ləm,

2 Njé gə́ Kɔrḭtə 6:9

ri sí ɓar yaa̰ nɛ deḛ gər sí gə́ dəwje el ləm, j’aw kɔgərɔ-kɔgərɔ nɛ d’oo sí gə́ yɔ-dəwje ləm, deḛ d’oo sí gə́ dəwje gə́ ta yoo wa dɔ dee nɛ jeḛ j’wəi ne el ɓəi ləm,