Néra Njékaḭkulaje 28:22 - Maktub gə́ To gə Kəmee

²² Jeḛ lé ta gə́ i ə̰ji məəi’g lé ɓa jeḛ ndigi koo tai’g ya, mbata jeḛ n’gər gao, looje lai gə́ njékɔrkəm rɔ deeje neelé d’isi keneŋ ndá d’ɔs dee rəw-rəw ya.

Néra Njékaḭkulaje 28:22 ပူးပေါင်းရင်းမြစ်များ

Esai 42:20

Seḭ ooje néje bula Nɛ seḭ ɔmje meḛ sí dɔ’g el, Mbi sí to tag nɛ Seḭ ooje ne ta el.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Néra Njékaḭkulaje 15:5

Yen ŋga njé gə́ na̰je gə́ d’ḭ ɓee lə Parisiḛje gə́ d’un meḛ dee lé d’uba naŋg d’ḭta pana: Kar njépole-magəje d’inja tamɔd dee ləm, kar dee d’aa dɔ godndu Moyis kər-kər ləm tɔ lé yee ɓa gə́ né gə́ kəm ra ya.

Néra Njékaḭkulaje 24:14

M’ɔr ta nee m’wɔji ne dɔm-ma ya, m’wa Ala lə bɔmje-je məəm’g gə goo rəw gə́ deḛ ɓa ɓaree rəw gə́ to lée’g el. M’ɔm məəm dɔ taje lai gə́ deḛ ndaŋg mee maktub godndu’g ləm, gə ka̰ njéteggintaje ləm tɔ.

Néra Njékaḭkulaje 26:5

Deḛ gər gao, ɓó lé deḛ ndigi kulai kara deḛ ya d’a kulai to m’wa gel ɓee lə Parisiḛje gə́ kwa, deḛ gə́ to kudu-dəwje gə́ njédɔmoŋgje dɔ rəw kwa Ala’g lə sí meḛ dee’g d’unda mar deeje gə́ raŋg lai lé.

Néra Njékaḭkulaje 5:17

Nɛ ŋgɔ-njekinjanéməs gə deḛ lai gə́ d’isi səa gə́ to gə́ ɓee lə Saduseḛje lé kəmkəḭ rusu meḛ dee njḭ-njḭ.

Njé gə́ Rɔmə 1:8

Kédé gə́ dɔtar ɓa ma m’ra Ala ləm oiyo gə ri Jeju Kristi mbata lə sí lai mbata ta meekun lə sí lé nea̰ oso gə loo mbidi-mbidi ya.

1 Njé gə́ Kɔrḭtə 11:19

Tɔgərɔ ya, si gə́ seḭ sije gə kudu sí kudu sí lé ɓa gə́ kuma̰ koo ne deḛ gə́ to gə́ majikojije gəd-gəd mbuna sí’g.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.