Néra Njékaḭkulaje 28:20 - Maktub gə́ To gə Kəmee

²⁰ Gelee gə́ nee ɓa ma m’ɓar sí ne gə mba koo sí ne ləm, gə mba kula sí ne taree ləm tɔ. Ndukun gə́ Ala un ar Israɛlje gə́ m’unda məəm yel dɔ’g lé ya ɓa m’isi ne gə kúla lar gwɔsm’g gə mbəa.

Néra Njékaḭkulaje 28:20 ပူးပေါင်းရင်းမြစ်များ

Jeremi 40:1

Loo gə́ Nebujaradan, mbai dɔ njéŋgəmlooje ya̰ Jeremi aree ḭ mee ɓee gə́ Rama mba̰ ndá Njesigənea̰ ula Jeremi ta. Loo gə́ yeḛ ar dee d’aw gə mba saŋgee ndá d’iŋga Jeremi gə́ teá gə kúla lar mbuna ɓərje’g lai gə́ d’ḭ sə dee Jerusalem gə Juda d’aw sə dee gə́ Babilɔn.

Néra Njékaḭkulaje 10:29

Gelee gə́ nee ɓa ma m’oo né gə́ a kɔgm ree kəi lə sí el mbata seḭ ulaje kula ɓarmje lé. Ma m’dəji sí gə mba koo né gə́ seḭ ulaje ne kula ɓarmje ne gə mbəa lé.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 21:33

Yen ŋga ɓé-njérɔje ree pər gə́ rəa’g ubá wá ar dee teá gə kúla lar gun joo. Tɔɓəi yeḛ dəji pana: See yeḛ to gə́ nawa əsé kula rəa to ɗi wa.

Néra Njékaḭkulaje 23:6

Pool gər gao to gə́ deḛ gə́ mbo̰ dɔ na̰ lé njé gə́ na̰je to gə́ Saduseḛje ləm, njé gə́ na̰je to gə́ Parisiḛje ləm tɔ ndá yeḛ ila boo-ndia naŋg no̰ njégaŋ-rəwtaje’g lə Jibje pana: Ŋgakɔmje gə́ dəwje, ma m’to gə́ Parisiḛ, ŋgolə Parisiḛje ya. Ta teḛ dɔkumbwa’g lə njé gə́ d’wəi’g gə́ m’unda məəm yel gə́ dɔ’g lé yee ɓa d’am m’aar ne loo-gaŋg-rəwta’g ɓasinè gə mbəa ya.

Néra Njékaḭkulaje 24:15

M’unda məəm yel dɔ Ala’g lé to gə́ deḛ bèe ya m’oo to gə́ Ala lé a kar njémeekarabasurje ləm, gə njéra nékori-korije ləm tɔ lé d’a teḛ dɔkumbwa’g gə kəm dee kəm dee.

Néra Njékaḭkulaje 26:29

Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.

Néra Njékaḭkulaje 28:17

Ndɔ gə́ njekɔm’g munda lé Pool ɓar ŋgatɔgje lə Jibje lé rəa’g. Loo gə́ d’wa dɔ na̰ ndá yeḛ ula dee pana: Ŋgakɔmje gə́ dəwje, ma lé m’ila ndɔl dɔ dəwje’g el ləm, gə dɔ néjiɓee’g lə ka síjeḛ el ləm tɔ nɛ deḛ d’wam d’ilam daŋgai ɓee gə́ Jerusalem ləm, d’ulam ne ji njé gə́ Rɔm’g ləm tɔ.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 6:20

Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.

Njé gə́ Pilibə 1:13

Tɔgərɔ ya, mee gadloo-si njérɔje ləm, gə looje gə́ raŋg’d lai ləm tɔ lé deḛ d’oo gao to gə́ m’isi daŋgai’g mbata lə Kristi ya.

Njé gə́ Kolosə 4:18

Ma Pool m’ra sí lapia neelé gə jim-ma ya. Arje meḛ sí olé dɔ kúla gə́ deḛ tɔm ne. Maji kar sí sije dan noji’g ya!

2 Timote 1:10

Nɛ yeḛ riba dɔ noji neelé ɓasinè ar sí loo gə́ yeḛ ar Jeju Kristi Mbaikaji lə sí ree ləm, aree ila ne tuji dɔ yoo’g ləma, ar kəm dəwje inja dɔ kəmə’g gə dɔ kankəmrɔ dee gə́ a to gə no̰ gə goo Tagə́maji ləm tɔ.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

Piləmɔ̰ 1:10

Ma m’randoo rɔi’g mbata lə ŋgonəm Onesimə gə́ ma m’ojee loo gə́ m’isi gə kúla lar bura ɓəi.

Piləmɔ̰ 1:13

Ma m’ndigi ŋgəmee rɔm’g mba karee ra né am tori’g, loo gə́ ma m’isi gə kúla gwɔsm’g mbata lə Tagə́maji lé.