Néra Njékaḭkulaje 28:2 - Maktub gə́ To gə Kəmee

² Njéɓeeje neelé ra sə sí meemaji d’wa sə sí noji meenda. Deḛ tuga pər dɔ na̰’g d’ar sí lai ndibije mbata ndi ər ar kul o̰ ndiŋ-ndiŋ.

Néra Njékaḭkulaje 28:2 ပူးပေါင်းရင်းမြစ်များ

Esdras 10:9

Ndɔ munda gogo lé diŋgamje lai gə́ Juda gə Bḛjami d’wa dɔ na̰ Jerusalem. To ndɔ gə́ njekɔm’g rɔ-joo mee naḭ gə́ njekɔm’g jinaikara’g. Koso-dəwje lai d’isi ndaa-loo gə́ takəi-Ala’g, d’unda bala tigi-tigi mbata lə ta neelé ləm, gə mbata lə ndi gə́ ər yaa̰ ləm tɔ.

Ləbije 19:18

Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰.

Ləbije 19:34

Dəw-dɔ-ɓee gə́ si mbuna sí’g lé seḭ a kéeje asəna gə kojiɓee mbuna sí’g bèe ya, seḭ a kṵdáje dan kəm sí’g to gə́ seḭ raje ne gə rɔ sí bèe mbata kédé lé seḭje kara toje gə́ dəw-dɔ-ɓeeje mee ɓee gə́ Ejiptə tɔ. Ma m’to Njesigənea̰, Ala lə sí.

Matiyo 10:42

Nana ɓa gə́ a kun ŋgo-kai-mán gə́ kul kar dəw kára mbuna ŋganəmje’g neelé mbata yeḛ to njekwakilam ndá ma m’ula sí təsərə, debee neelé nékiŋga gə́ wɔji dəa ndá a lal nda̰ bèe el.

Tagə́maji gə́ Ja̰ ndang 18:18

Kuraje gə njékaa dɔ looje gə́ d’aar keneŋ lé d’unda yel pər d’isi ndibi mbata kul o̰. Piɛrə kara si sə dee keneŋ si ndibi tɔ.

Néra Njékaḭkulaje 27:3

Ndɔ gə́ njekorè gée, j’wa naŋg Sido̰, Julius gə́ njera meemaji gə Pool lé un ndia aree gə mba karee aw kəi lə baokuraje ləa gə mba kiŋga né gə́ ban-un jén kara ji dee’g.

Néra Njékaḭkulaje 28:3

Pool sa ŋgəw kagje ɔm pəd, nɛ kṵji pər uru rɔ li-meewai’g aree teḛ reḛ́ ji Pool’g tia̰ keneŋ ɗigi-ɗigi.

Néra Njékaḭkulaje 28:4

Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.

Njé gə́ Rɔmə 1:14

Ma m’to njeɓaŋ lə Grekje gə deḛ gə́ to Grekje el ləm, ma m’to njeɓaŋ lə njégosokəmkàrje gə ka̰ mbəje ləm tɔ.

Njé gə́ Rɔmə 14:1

Yeḛ gə́ ra tɔg dɔ meekun’g ləa el ndá waje gə́ rɔ sí’g ɓó maḭje na̰ ta dəa’g tareeje ne el.

Njé gə́ Rɔmə 14:3

Maji kar yeḛ gə́ sɔ néje lai-lai lé ndɔl yeḛ gə́ ɔr kəm nésɔje lé el ləm, əsé yeḛ gə́ ɔr kəm nésɔje lé maji karee im yeḛ gə́ sɔ néje lai-lai el lé taree ne el ləm tɔ, mbata Ala nja wá gə́ rəa’g.

Njé gə́ Rɔmə 2:27

I gə́ sí gə maktub gə́ ɔr gin godndu ɓa i inja tamɔdi nɛ i al ta ta godndu’g lé see dəw gə́ njekḭja tamɔdee el gə́ taa ta godndu ra née ɔm ne mée dɔ’g jəb-jəb lé see yeḛ a kɔr ta kwai ne el wa.

1 Njé gə́ Kɔrḭtə 14:11

Bèe ndá ɓó lé ma m’gər tapa lə dəw el ndá ma m’to gə́ dəw-dɔ-ɓee kəmee’g ləm, yeḛ gə́ njepata lé kara to gə́ dəw gə́ dəw-dɔ-ɓee kəm-ma’g ləm tɔ.

2 Njé gə́ Kɔrḭtə 11:27

M’ula rɔm ndubu m’ra ne kula gə́ kədərə ləm, gɔl bula ɓi wa kəm loondul’g el ləm, m’wəi yoo-ɓoo gə yoo-kunda-mán ləm, m’ɔg məəm ɓoo gɔl bula ləm, m’wəi yoo-kul ləma, nékɔn-rɔ ləm godo ləm tɔ.

Njé gə́ Kolosə 3:11

Grek əsé Jib godo nee ləm, njekḭja tamɔd əsé yeḛ gə́ lal kinja godo ləm, dəw-dɔ-ɓee əsé dəw walá godo ləma, ɓər əsé ŋgonkoji godo ləm tɔ, nɛ Kristi ɓa gə́ dəw kára ba dan dee’g lai.

Ǝbrəje 13:2

Arje meḛ sí wəi dɔ kwa na̰ mbá’g pə-pə el, mbata njé gə́ na̰je d’wa mar deeje mbá ɓa d’ɔs ne dɔ dee rɔ kuraje gə́ dara’g ɓəi.