Néra Njékaḭkulaje 28:11 - Maktub gə́ To gə Kəmee

¹¹ J’isi ɓee lə dee naḭ sí munda ɓa j’uru mee bato gə́ ḭ Aleja̰dri gə́ ree ra naḭ kuli dɔgoré-loo’g, bato neelé deḛ tɔ néndaji gə́ nékɔr gin ria gə́ wɔji dɔ Nduŋgaje gə́ to ŋgako̰ na̰je keneŋ.

Néra Njékaḭkulaje 28:11 ပူးပေါင်းရင်းမြစ်များ

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Junas 1:16

Dəwje neelé kaar dee wa dee paḭ ar dee ɓəl Njesigənea̰, tɔɓəi deḛ d’inja nékinjaməs d’ar Njesigənea̰ ləm, d’un ndu dee d’aree ləm tɔ.

Junas 1:5

Njébatoje neelé ɓəl yaa̰ ar nana kara no̰ ɓar magə ləa-ləa ya, tɔɓəi deḛ d’odo néje gə́ mee bato’g lé d’ɔm dan mán baa-boo’g ɓa gə mba kya̰ bato lé karee wɔilɔ pélé. Nɛ Junas lé uru mee bato gə́ bər to keneŋ ar ɓi tɔlee pərəg tɔ.

Néra Njékaḭkulaje 13:6

Loo gə́ deḛ d’unda mee dɔgoré-loo gaŋg saar teḛ Papos ndá d’iŋga njembeḛ kára to Jib gə́ njetegginta gə́ ŋgɔm gə́ ria lə Bar-Jeju.

Néra Njékaḭkulaje 27:6

Lée neelé njekɔrno̰ njérɔje gə́ tɔl-tɔl lé iŋga bato gə́ ḭ Aleja̰dri gə́ si aw gə́ Itali ar sí j’ɔm na̰ mée’g.

Néra Njékaḭkulaje 28:10

D’ula rɔnduba dɔ sí’g, tɔɓəi loo gə́ j’a gə kḭ kya̰ dee ndá deḛ d’ar sí né gə́ lal sí tɔ.

Néra Njékaḭkulaje 28:12

Jeḛ j’wa naŋg Sirakusə j’isi keneŋ ndɔ sí munda.

Néra Njékaḭkulaje 6:9

Njé gə́ na̰je gə́ to barkəm njékwa dɔ na̰je gə́ deḛ ɓar dee Ŋgankojije ləm, gə mbuna barkəm njékwa dɔ na̰je gə́ Sirèn’g gə Aleja̰drə ləma, gə Jibje gə́ Silisi gə Asi ləm tɔ lé d’unda na̰’d bura maḭta gə Etien.

1 Njé gə́ Kɔrḭtə 8:4

Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən.