Néra Njékaḭkulaje 27:5 - Maktub gə́ To gə Kəmee

⁵ Loo gə́ jeḛ gaŋg baa-boo-kad gə́ unda kaar koŋgo gə́ Silisi gə Pampili pəji-pəji lé ndá jeḛ n’teḛ Myra gə́ to dɔ naŋg gə́ Lisi.

Néra Njékaḭkulaje 27:5 ပူးပေါင်းရင်းမြစ်များ

Néra Njékaḭkulaje 13:13

Pool gə njéboalookawje ləa d’uru mee bato’g Papos d’isi d’aw gə́ Perjə gə́ to dɔ naŋg gə́ Pampili. Nɛ Ja̰ uba dee ya̰ dee ɔs tel gə́ Jerusalem.

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 15:38

Nɛ Pool ndigi karee aw sə dee el mbata kédé lé yeḛ uba dee ya̰ dee Pampili ləm, yeḛ mbad nai sə dee loo-kula’g lə dee ləm tɔ.

Néra Njékaḭkulaje 15:41

Yeḛ aw gə loo-loo Siri gə Silisi ula diŋgam mee Eglisəje’g.

Néra Njékaḭkulaje 2:10

gə Prigi gə Pampili gə Ejiptə ləm, gə njé gə́ dɔ naŋg gə́ Libi gə́ to mbɔr Sirèn’g ləma, gə njé gə́ Rɔm kara d’aar sə sí na̰’d ləm tɔ lé Jibje ləm, gə deḛ gə́ tel rɔ dee gə́ Jibje ləm,

Néra Njékaḭkulaje 21:39

Pool tel ilá keneŋ pana: Ma m’to Jib, dəw gə́ Tarsə dəb ɓeeko̰ gə́ Silisi. M’to gə́ njeɓee gə́ kojikəi ya ɓó ri ɓee ləm iya el. Ma m’ra ndòo rɔi’g gə mba kari ya̰ rəw am m’ula koso-dəwje neelé ta ya.

Néra Njékaḭkulaje 22:3

Ma m’to Jib gə́ d’ojim Tarsə dɔ naŋg gə́ Silisi nɛ kodo ɓa deḛ d’odəm mee ɓee’g neelé ləm, m’isi naŋg gɔl Gamaliel’g m’ndoo ne né m’un ne gel négər gə́ wɔji dɔ godndu ka̰ bɔ síje-je lé lad ləma, m’tədkag loo gə mbata lə Ala lé to gə́ seḭje bèe ɓogənè ya ləm tɔ.

Néra Njékaḭkulaje 6:9

Njé gə́ na̰je gə́ to barkəm njékwa dɔ na̰je gə́ deḛ ɓar dee Ŋgankojije ləm, gə mbuna barkəm njékwa dɔ na̰je gə́ Sirèn’g gə Aleja̰drə ləma, gə Jibje gə́ Silisi gə Asi ləm tɔ lé d’unda na̰’d bura maḭta gə Etien.

Njé gə́ Galati 1:21

Gée gə́ gogo ma m’ḭ m’aw ɓeeko̰ gə́ Siri gə Silisi tɔ.