Néra Njékaḭkulaje 27:43 - Maktub gə́ To gə Kəmee

⁴³ Nɛ njekɔrno̰ njérɔje gə́ tɔl-tɔl lé ndigi kaji Pool ndá yeḛ ɔg dee dɔ né gə́ d’wɔji-kwɔji ra’g lé tɔ. Yeḛ un ndia ar deḛ gə́ gər kalé mán ndá d’a kɔm mán kalè teḛ raga kédé ɓa

Néra Njékaḭkulaje 27:43 ပူးပေါင်းရင်းမြစ်များ

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Néra Njékaḭkulaje 23:10

To gə́ tamaḭ lə dee oso mbo-boo bèe ŋga ɓé-njérɔje lé ɓəl pana: Dəwje neelé d’a kḭ kwa Pool tiee mbidi-mbidi ndá yeḛ un ndia ar njérɔje ree d’ɔree dan dee’g gə mba kaw səa gadloo’g lə dee.

Néra Njékaḭkulaje 23:24

Maji kar dee d’ar Pool kundaje kea̰-yeḛ tɔ ɓó gə mba kar dee d’aw ne səa gə loo-kulee yururu teḛ ne səa rɔ Pelis gə́ njeguburuɓee’g lé.

Néra Njékaḭkulaje 27:11

Njekɔrno̰ njérɔje gə́ tɔl-tɔl lé oo ta lə njebato gə njekwa ŋgabee ɓó oo ta lə Pool gə́ né el.

Néra Njékaḭkulaje 27:3

Ndɔ gə́ njekorè gée, j’wa naŋg Sido̰, Julius gə́ njera meemaji gə Pool lé un ndia aree gə mba karee aw kəi lə baokuraje ləa gə mba kiŋga né gə́ ban-un jén kara ji dee’g.

Néra Njékaḭkulaje 27:31

Pool oo ndá ula njekɔrno̰ njérɔje gə́ tɔl-tɔl gə njérɔje ləa pana: Ɓó lé dəwje neelé nai mee bato’g el ndá seḭ a teḛje dəw el.

Néra Njékaḭkulaje 27:42

Yen ŋga njérɔje d’wɔji-kwɔji gə mba tɔl daŋgaije nà banelə njé gə́ na̰je d’a kḭ kalè mán kaḭ.

2 Njé gə́ Kɔrḭtə 11:25

deḛ kundam gə kag kɔb-kɔb gɔl munda ləm, deḛ tilam gə kɔri-ər gɔl kára ləm, to ndii dɔm’g gɔl munda ləma, m’to dan mán bélm’g m’ar loondul dɔm’g jib ɓa loo àr dɔm’g yərərə ɓəi ləm tɔ.