Néra Njékaḭkulaje 27:42 - Maktub gə́ To gə Kəmee

⁴² Yen ŋga njérɔje d’wɔji-kwɔji gə mba tɔl daŋgaije nà banelə njé gə́ na̰je d’a kḭ kalè mán kaḭ.

Néra Njékaḭkulaje 27:42 ပူးပေါင်းရင်းမြစ်များ

Pakɔsje 74:20

Maji kari ə̰ji goo ta manrɔ lé Mbata looje gə́ to bigim mee ɓee’g neelé Ar gayim-dəwje taa ne loo keneŋ pəl-pəl.

Gosota-Kəmkàrje 12:10

Njemeekarabasur lé Tɔs kəmee bao-bao dɔ nékulje’g ləa, Nɛ njémeeyèrje lé Ra né gə́ bɔsɔsɔ.

Njekillamber 9:3

Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Néra Njékaḭkulaje 12:19

Herɔdə kara saŋgee tasəra, iŋgá el ndá yeḛ dəji njérɔje gə́ njéŋgəmlooje gée ɓa yeḛ un ndia gə mba kar dee d’ula kəm njéŋgəmlooje lé ndòo ɓəi. Gée gə́ gogo yeḛ ḭ Jude aw Sejare gə mba si keneŋ bəl ɓa.

Néra Njékaḭkulaje 27:24

ndá yeḛ ulam pana: Pool, maji kam m’ɓəl el, lé riri kara m’a gə kaar no̰ Sesar’g ya tɔɓəi aa oo, deḛ lai gə́ d’aw səm mee bato’g lé kara Ala ɔm dee jim’g yəg ya.

Néra Njékaḭkulaje 27:41

Nɛ d’unda tudu dɔ nagəra’g ndəs loo gə́ bato wa keneŋ, əm bato to gə́ tar jururu nɛ ɓo̰gee ɓa paŋgəm mán tuga keneŋ pum-pum aree təd kərm-kərm.

2 Njé gə́ Kɔrḭtə 11:26

Loo mbá gə́ m’aw bula lé m’uru ta yoo’g dan baa’g ləm, m’uru ta yoo’g dan gayim-ɓogoje’g ləm, m’uru ta yoo’g dan njékama’g ya ləm, m’uru ta yoo’g mbuna njépole-magəje’g ləm, m’uru ta yoo’g dan ɓee-booje’g ləm, m’uru ta yoo’g dɔdilaloo’g ləm, m’uru ta yoo’g dan mán bélm’g ləma, m’uru ta yoo’g mbuna njétakorije’g gə́ turu rɔ dee gə́ njénojije ləm lé ləm tɔ.