Néra Njékaḭkulaje 27:1 - Maktub gə́ To gə Kəmee

¹ Loo gə́ d’wɔji-kwɔji gə mba kar sí j’uru mee bato’g gə mba kaw Itali ndá d’ila Pool gə daŋgai mareeje gə́ na̰je ji Julius’g gə́ to njekɔrno̰ njérɔje gə́ tɔl gə́ ɓar dee ka̰ Augustə.

Néra Njékaḭkulaje 27:1 ပူးပေါင်းရင်းမြစ်များ

Gḭ-Néje 50:20

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

Pakɔsje 33:11

Néje gə́ Njesigənea̰ wɔji mée’g gə mba ra lé To saar gə no̰ ləm, Néje gə́ yeḛ wɔji-kwɔji ra lé Yeḛ ra mbata lə njéboakojije lə na̰ gə goo na̰ goo na̰ ya ləm tɔ.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Nɔ̰-ndôo gə́ wɔji dɔ Jerusalem 3:27

Maji yaa̰ kar dəw ula dəa Odo ne néməməna̰ Loo gə́ yeḛ nai ne basa ɓəi lé.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Lugu 23:47

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.

Lugu 7:2

Kura lə ɓé-njérɔje gə́ kára bèe gə́ yeḛ ndigee yaa̰ lé oso gə rɔko̰ ar ta yée nai tebdé bèe ba.

Néra Njékaḭkulaje 10:1

Dəw kára bèe si Sejare ria lə Kɔrnəi, yeḛ to ɓée boo-njérɔje gə́ d’aḭ tɔl gə́ deḛ ɓar dee Itali.

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Néra Njékaḭkulaje 16:10

Gée gə́ gogo gə́ Pool oo némḭdi neelé ndá léegəneeya jeḛ n’saŋg rəw gə mba kaw Masedoinə mbata jeḛ n’la̰ji meḛ sí’g to gə́ Mbaidɔmbaije ɓar sí mba kar sí j’aw j’ila mber tagə́maji keneŋ.

Néra Njékaḭkulaje 18:2

Yeḛ iŋga Jib kára keneŋ ria Akila gə́ ɓee-kojee to gə́ Po̰t. Yeḛ gə dené ləa Prisil d’ḭ Itali ree pəd ya ɓəi mbata Klodə un ndia ar Jibje lai gə mba kar dee sa rɔ dee Rɔm’g. Yeḛ aw rɔ dee’g

Néra Njékaḭkulaje 19:21

Gée gə́ gogo ndá Pool wɔji-kwɔji kunda mee dəb ɓeeko̰ gə́ Masedoinə gə Akai gaŋg kaw Jerusalem. Yeḛ pa mée’g pana: Loo gə́ ma m’teḛ keneŋ ndá lé riri kara m’a kaw gə nɔm kaw Rɔm ya.

Néra Njékaḭkulaje 21:32

Léegəneeya yeḛ ɔr njérɔje gə njékɔrno̰ njérɔje gə́ tɔl-tɔl lé ɔm dee dəa’g aḭ aw iŋga dee ne. Loo gə́ d’oo ɓé-njérɔje gə njérɔje gə́ d’aw səa lé ndá d’əw rɔ dee kunda Pool.

Néra Njékaḭkulaje 22:26

Loo gə́ njekɔrno̰-njérɔje gə́ tɔl-tɔl lé oo ta neelé ndá yeḛ aw rɔ ɓé-njérɔje’g gə mba kulá karee oo pana: See i a ra ban ŋga gə rɔi wa. Mbata dəw neelé to dəw gə́ Rɔm.

Néra Njékaḭkulaje 23:11

Mee tilee gə́ njekorè gée lé Mbaidɔmbaije teḛ dɔ Pool’g təsərə ulá pana: Wa rɔi kɔgərɔ! Mbata goo ta ləm gə́ i ɔr Jerusalem neelé lé riri kara i a kɔr Rɔm togə́bè ya tɔ.

Néra Njékaḭkulaje 23:17

Yen ŋga Pool ɓar njekɔrno̰ njérɔje gə́ tɔl-tɔl lé kára ulá pana: Aw gə basa neelé rɔ ɓé-njérɔje’g mbata yeḛ aw gə ta gə mba kulá.

Néra Njékaḭkulaje 24:23

Yen ɓa yeḛ un ndia ar njekɔrno̰ njérɔje gə́ tɔl-tɔl lé gə mba karee ŋgəm Pool nɛ kəmee ɓa a kunda gée’g ɓó a kɔg njé’g ləa gə́ d’a gə ree gə mba ra né la ne səa lé el.

Néra Njékaḭkulaje 25:12

Yen ŋga loo gə́ Pestus gə njékoo səa goo taje lé dəji ne na̰ ta mbuna na̰’g ndá yeḛ tel ila Pool keneŋ pana: I pana: I a ra kaḭ ɓee lə Sesar ndá i a kaw no̰ Sesar’g ya tɔ.

Néra Njékaḭkulaje 25:25

Ma lé m’oo né kára gə́ yeḛ ra gə́ as yée el tɔɓəi to gə́ yeḛ nja kara ɓar mbai ndá ma m’wɔji-kwɔji gə mba karee aw iŋgá ya tɔ.

Néra Njékaḭkulaje 27:11

Njekɔrno̰ njérɔje gə́ tɔl-tɔl lé oo ta lə njebato gə njekwa ŋgabee ɓó oo ta lə Pool gə́ né el.

Néra Njékaḭkulaje 27:43

Nɛ njekɔrno̰ njérɔje gə́ tɔl-tɔl lé ndigi kaji Pool ndá yeḛ ɔg dee dɔ né gə́ d’wɔji-kwɔji ra’g lé tɔ. Yeḛ un ndia ar deḛ gə́ gər kalé mán ndá d’a kɔm mán kalè teḛ raga kédé ɓa

Néra Njékaḭkulaje 27:6

Lée neelé njekɔrno̰ njérɔje gə́ tɔl-tɔl lé iŋga bato gə́ ḭ Aleja̰dri gə́ si aw gə́ Itali ar sí j’ɔm na̰ mée’g.

Néra Njékaḭkulaje 28:1

Loo gə́ jeḛ n’teḛ ta yoo’g mba̰ ndá kəm sí inja dɔ dɔgoré-loo’g neelé ar sí n’gər to gə́ ria lə Maltə.

Néra Njékaḭkulaje 28:16

Loo gə́ jeḛ n’teḛ Rɔm mba̰ ndá d’un ndu dee d’ar Pool gə mba karee wa kəi sí keneŋ, nɛ njerɔ kára sí səa gə mba kaa dəa tɔ.

Ǝbrəje 13:24

Raje njekɔrno̰ síje lapia amje ləm, raje deḛ gə́ to gə kəmee lai lapia amje ləm tɔ. Deḛ gə́ d’isi Itali lé pana: M’ra sí lapia m’ar neḛje tɔ.