Néra Njékaḭkulaje 26:31 - Maktub gə́ To gə Kəmee

³¹ Loo gə́ deḛ d’isi sa rɔ dee ŋgədəŋ ndá deḛ d’ula na̰ pana: Dəw neelé ra né gə́ as yoo əsé daŋgai el.

Néra Njékaḭkulaje 26:31 ပူးပေါင်းရင်းမြစ်များ

2 Samel 24:17

Loo gə́ Dabid oo kura gə́ dara gə́ tɔl koso-dəwje lé ndá yeḛ ula Njesigənea̰ pana: Aa oo, ma nja m’ra kaiya. Ma nja taree wa dɔm nɛ badə-kosoje neelé ɗi ɓa deḛ ra wa. Maji kar jii wɔi dɔm-ma gə dɔ njémeekəije’g lə bɔm ɓa.

Jeremi 26:16

Ŋgan-mbaije gə koso-dəwje lai d’ula njékinjanéməsje gə njéteggintaje pana: Dəw neelé kəm karee wəi el. Mbata yeḛ ula sí ta gə ri Ala lə sí gə́ Njesigənea̰ ɓa.

Lugu 23:4

Pilatə ula mbai dɔ njékinjanéməsje-je gə boo-dəwje lé pana: Ma m’oo ta kára kara gə́ wa dɔ dəw neelé el.

Néra Njékaḭkulaje 23:29

Ma m’oo to gə́ tamaḭ gə́ wɔji dɔ godndu lə dee-deḛ ɓa deḛ səgee ne nɛ m’oo to gə́ yeḛ ra gə́ as yée əsé kwa daŋgai el.

Néra Njékaḭkulaje 23:9

Yen ŋga d’unda bula yi-yi d’ar njéndaji-maktubje gə́ na̰je gə́ d’ḭ ɓee lə Parisiḛje d’uba naŋg d’ḭ d’ɔs gin tamaḭ gə́ kédé-kédé pana: Dəw neelé jeḛ j’oo ta gə́ majel kára kara dəa’g bèe el. Banelə ndil əsé kura gə́ dara ɓa ulá ta ya.

Néra Njékaḭkulaje 25:25

Ma lé m’oo né kára gə́ yeḛ ra gə́ as yée el tɔɓəi to gə́ yeḛ nja kara ɓar mbai ndá ma m’wɔji-kwɔji gə mba karee aw iŋgá ya tɔ.

Néra Njékaḭkulaje 28:18

Njé gə́ Rɔm lé loo gə́ deḛ dəji gin néram ndá deḛ ndigi kilam tar mbata d’iŋga né kára rɔm gə́ as yoo el.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.