Néra Njékaḭkulaje 26:28 - Maktub gə́ To gə Kəmee

²⁸ Agripa ula Pool pana: Nai lam bèe gə mba kari ula ta məəm’g telm ne gə́ njetaamee-Kristi to ŋga.

Néra Njékaḭkulaje 26:28 ပူးပေါင်းရင်းမြစ်များ

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Matiyo 10:18

D’a ndɔr sí kɔm sí ji njéguburuɓeeje’g ləm, gə ji mbaije ləm tɔ gə mba kar sí ɔrje ginta ləm kəm dee’g ləm, gə kəm njépole-magəje’g ləm tɔ.

Mark 6:20

Nɛ yeḛ askəm tɔlee el mbata Herɔdə lé ɓəl Ja̰ ləm, yeḛ gəree gə́ dəw gə́ njemeekarabasur gə njemeenda ləm tɔ. Yeḛ aḭ bada dəa’g tɔɓəi loo gə́ yeḛ ɓaree gə mba koo ta ləa lé ndá ta ləa lelee ya nɛ yeḛ maḭ gə́ rəa dəa’g ta-ta tɔ.

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 24:25

Nɛ loo gə́ Pool pata wɔji ne dɔ meekarabasur ləm, gə kunda kəmkàr dɔ rɔ’g ləma, gə rəwta-gaŋg gə́ a gə ree ləm tɔ ndá Pelis ɓəl ulá pana: Sa rɔi ɓasinè aw. Loo gə́ m’a kiŋga loo ɓa m’a kula-kula ɓari ɓəi.

Néra Njékaḭkulaje 26:27

Mbai Agripa, see i ɔm məəi dɔ njéteggintaje’g wa. Ma m’gər gao, i ɔm məəi dɔ dee’g ya.

Néra Njékaḭkulaje 26:29

Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

1 Piɛrə 4:16

Ɓó lé nana ɓa si dan némeeko̰’g mbata yeḛ to njetaamee-Kristi ndá maji karee ula ne rɔnduba dɔ Ala’g ɓó ra ne kəmkul el, mbata yeḛ askəm kunda ri njetaamee-Kristi neelé dəa’g ya.