Néra Njékaḭkulaje 26:25 - Maktub gə́ To gə Kəmee

²⁵ Pool ilá keneŋ pana: Pestus, i gə́ maji dum lé to kɔr ɓa ram el ɓòo. Nɛ ta néje lai gə́ m’pa lé to gə́ kankəmta ləm, to ta gə́ to gə goo rəbee ya ləm tɔ.

Néra Njékaḭkulaje 26:25 ပူးပေါင်းရင်းမြစ်များ

Jeremi 29:26

Njesigənea̰ undai gə́ njekinjanéməs tor Jeojoda, njekinjanéməs’g gə mba kar njekaa-dɔ-loo si mee kəi’g lə Njesigənea̰ mba koo ne goo dəw gə́ rara gə́ to mbə gə́ unda rəa gə́ njetegginta ləm, gə mba kari ilá kəi-daŋgai’g ila ɗa gɔlee’g ləm tɔ.

Lugu 1:3

Gelee gə́ nee ɓa loo gə́ ma kara m’tel rɔm goo néje’g neelé lai un kudee ləw-ləw ba gə́ dɔtar am m’oo njai-njai ndá m’ra taree m’aree orè goo na̰-na̰ gə mba kari-i Teopil, i gə́ njemaji dum lé

Tagə́maji gə́ Ja̰ ndang 8:49

Jeju tel ila dee keneŋ pana: Ndil gə́ yèr godo məəm’g, ma lé m’ula rɔnduba dɔ Bɔm’g nɛ seḭ ɓa seḭ ulaje sul dɔm’g ya.

Néra Njékaḭkulaje 23:26

Ma Klodə Lisias m’ndaŋg maktub nee m’ari-i Pelis, njeguburuɓee gə́ maji dum, m’rai lapia ɓoo.

Néra Njékaḭkulaje 24:3

Pelis, i gə́ maji dum lé i nja ar loo kul dɔ sí’g yururu, ar sí jeḛ ndá ne meḛ sí kaḭ tɔ. I nja to gə́ njegɔl ɓeeko̰ lə dəwje neelé karee sa rəw mbata i aa dɔ dee kər-kər ya. Néraije lai gə́ i ra lé loo lai gə ndɔ dee ndɔ dee, deḛ d’ɔs ne rii ta dee’g gə pa tébé-tébé bèe.

Titə 1:9

Kankəmta gə́ deḛ ndée ɓa maji karee wa mée dɔ’g, yee ɓa yeḛ a kaskəm ndəji dee ne ta ndoo gə́ àr lé ləm, a kal ne gin njémaḭtaje ləm tɔ.

1 Piɛrə 3:15

Nɛ waje Kristi dɔɓəŋgərə sí’g gə kəmee, éeje ne gə́ Mbaidɔmbaije tɔ. Waje dɔ gɔl rɔ sí mba kar nana ɓa gə́ a dəji sí ta dɔ né gə́ seḭ undaje meḛ sí yel dɔ’g ndá seḭ a kila deeje keneŋ gə kəmkàree ləm, gə ndu gwɔs sí gə́ kul yururu ləm tɔ.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.