Néra Njékaḭkulaje 26:11 - Maktub gə́ To gə Kəmee

¹¹ Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ.

Néra Njékaḭkulaje 26:11 ပူးပေါင်းရင်းမြစ်များ

Pakɔsje 102:8

Ɓi ra kəm el Am m’to asəna gə yel gə́ si gə karee ba Dɔ kəi’g tar ndoi bèe.

Njekillamber 9:3

Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Matiyo 10:17

Yen, meḛ sí dɔ rɔ sí’g mbata dəwje lé d’a kwa sí kɔm sí ji njégaŋ-rəwtaje’g ləm, d’a kunda sí mee kəi-kwa-dɔ-na̰je’g lə dee ləm tɔ.

Mark 13:9

Meḛ sí dɔ rɔ sí’g. D’a teḛ sə sí loo-gaŋg-rəwtaje’g ləm, d’a kunda sí gə ndəi-kɔb mee kəi-kwa-dɔ-na̰je’g ləm tɔ. D’a kaw sə sí no̰ njéguburuɓeeje’g gə no̰ mbaije’g gə mbàm mba kar sí ɔrje ne goo ta ləm ar deeje tɔ.

Mark 3:28

Tɔgərɔ ma m’ula sí təsərə, kaiya gə́ rara gə́ dəwje ra əsé ndɔl gə́ rara gə́ dəwje d’ila dɔ loo’g kara Ala a koo loo kar mée ti mbidi dɔ’g ɓəi.

Lugu 15:17

Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa.

Lugu 21:12

D’a ɓugu ji dee dɔ sí’g ləm, d’a kula kəm sí ndòo ləm, d’a kwa sí kaw sə sí kəi-kwa-dɔ-na̰je’g ləm, d’a ɓugu sí daŋgai’g ləma, d’a kon sí kaw sə sí no̰ mbai-ɓeeje’g gə no̰ njéguburuɓeeje’g ləm tɔ gə mba rim, kédé ɓad ɓa néje nee gə́ ma m’ula sí lé a teḛ ɓəi.

Lugu 6:11

Oŋg ti meḛ dee paŋ-paŋ ar dee maḭ na̰ ta dɔ né gə́ d’a ra gə Jeju lé ŋga.

Néra Njékaḭkulaje 13:45

Loo gə́ Jibje d’oo boo-dəwje neelé ndá kəmkəḭ rusu meḛ dee njḭ-njḭ ar dee d’oma̰ gə Pool gə tamaḭ ləm, gə tajikil ləm tɔ.

Néra Njékaḭkulaje 18:6

Nɛ Jibje d’ɔsee ŋgərəŋ tajee tila yoo dəa’g. Yen ŋga Pool sugu kubu ləa bugu-bugu ula dee pana: Maji kar məs sí ɔm dɔ sí-seḭ’g ya. Ma ɓa yḛ̀ ta ləm godo ya ŋga. Un kudee ɓasinè lé m’a kḭ kaw gə́ rɔ njépole-magəje’g ŋga.

Néra Njékaḭkulaje 22:19

Ma m’ilá keneŋ m’pana: Mbaidɔmbaije, deḛ nja gər gao, to gə́ ma lé m’to gə́ njekwa deḛ gə́ d’ɔm meḛ dee dɔi’g kəi-kwa-dɔ-na̰je’g lə dee, m’ɔm dee daŋgai’g ləm, m’kunda dee gə́ ndəi ləm tɔ.

Néra Njékaḭkulaje 22:5

Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g.

Néra Njékaḭkulaje 9:1

Nɛ Sool lé rɔ gə njékwakila lə Mbaidɔmbaije lé əmə tar biriri-biriri ndəji dee kɔr.

Maktub gə́ Jak ula ne ar ngan-Allaje 2:7

See dee d’ila ndɔl dɔ ri gə́ maji lə yeḛ gə́ seḭ toje kea̰ lé el wa.

2 Piɛrə 2:16

Nɛ Ala ndaŋg Balaam dɔ kalta’g ləa, ar ko̰-mulayḛ̀je gə́ təa mundu lé ulá ta gə ndu gwɔs dəw, ɔg njetegginta neelé dɔ néra mbə’g ləa.