Néra Njékaḭkulaje 25:8 - Maktub gə́ To gə Kəmee

⁸ Pool un tapa gə mba taa ne dɔ rəa ndá yeḛ pana: M’ra né kára gə́ kəm kar taree wa ne dɔm el ɓó m’ra né m’orè ne godndu lə Jibje naŋg el ləm, m’ila ndɔl dɔ kəi-Ala’g el ləma, əsé gə dɔ Sesar’g el ləm tɔ.

Néra Njékaḭkulaje 25:8 ပူးပေါင်းရင်းမြစ်များ

Gḭ-Néje 40:15

Mbata d’ɔrm ɓee’g lə Ǝbrəje gə ɓogo. Tɔɓəi loo gə́ nee kara m’ra né kára kara gə́ askəm kar dee d’ilam daŋgai’g el tɔ.

Jeremi 37:18

Jeremi dəji mbai Sedesias tɔɓəi pana: See kaiya ɗi ɓa m’ra nɔḭ’g ləm, gə no̰ kuraje’g ləi ləma, gə no̰ koso-dəwje’g nee ləm tɔ ɓa seḭ ilamje ne daŋgai’g gə mbəa wa.

Loo gə́ killa rea kəm Daniel’g 6:22

Daniel ila mbai’g lé pana: Ǝi mbai, maji kari si gə ləbi-ləbi gə nɔḭ ya!

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 24:12

Ma lé deḛ d’iŋgam mee kəi-Ala’g əsé mee kəi-kwa-dɔ-na̰je’g əsé gə mee ɓee-boo’g ɓa ma m’aar maḭta gə dəw kára kara keneŋ el ləm, ma mbo̰ boo-dəwje dɔ na̰’d m’sula dee ne el ləm tɔ.

Néra Njékaḭkulaje 24:14

M’ɔr ta nee m’wɔji ne dɔm-ma ya, m’wa Ala lə bɔmje-je məəm’g gə goo rəw gə́ deḛ ɓa ɓaree rəw gə́ to lée’g el. M’ɔm məəm dɔ taje lai gə́ deḛ ndaŋg mee maktub godndu’g ləm, gə ka̰ njéteggintaje ləm tɔ.

Néra Njékaḭkulaje 24:6

Yeḛ naa loo saar gə mba kaw kula sul dɔ kəi-Ala’g lə sí, nɛ jeḛ j’ubá keneŋ j’wá. Jeḛ ndigi gaŋgta dəa’g gə goo godndu lə síjeḛ ya,

Néra Njékaḭkulaje 25:10

Pool ilá keneŋ pana: Loo-gaŋg-rəwta lə Sesar ɓa m’a kaar keneŋ ləm, lée nee ɓa d’a kɔr kəm ta ləm keneŋ. Ma m’ra né gə́ lée’g el kára kara gə Jibje el, i kara i gər gao ya.

Néra Njékaḭkulaje 28:17

Ndɔ gə́ njekɔm’g munda lé Pool ɓar ŋgatɔgje lə Jibje lé rəa’g. Loo gə́ d’wa dɔ na̰ ndá yeḛ ula dee pana: Ŋgakɔmje gə́ dəwje, ma lé m’ila ndɔl dɔ dəwje’g el ləm, gə dɔ néjiɓee’g lə ka síjeḛ el ləm tɔ nɛ deḛ d’wam d’ilam daŋgai ɓee gə́ Jerusalem ləm, d’ulam ne ji njé gə́ Rɔm’g ləm tɔ.

Néra Njékaḭkulaje 28:21

Deḛ d’ilá keneŋ pana: Jeḛ j’iŋga maktub kára kara gə́ ḭ Jude gə́ wɔji dɔi bèe el ləm, əsé gə ŋgoko̰ sí kára kara gə́ ree rɔ sí’g ɔr sor nérai gə́ majel əsé ɓar rii gə ta gə́ majel bèe el ləm tɔ.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.