Néra Njékaḭkulaje 25:6 - Maktub gə́ To gə Kəmee

⁶ Pestus ra ndəa jinaijoo əsé dɔg jén ɓa tel aw Sejare ɓəi. Bèlè lookàree yeḛ unda loo teḛ si loo-gaŋg-rəwta’g ləa ndá un ndia ar dee gə mba kar dee ree gə Pool.

Néra Njékaḭkulaje 25:6 ပူးပေါင်းရင်းမြစ်များ

Matiyo 27:19

Loo gə́ Pilatə si dɔ kalimbai gaŋg-rəwta’g ɓəi ndá dené ləa ula-kula ar dee d’ulá pana: Maji kari ar ta oso dɔ sí-seḭ gə njemeekarabasur’g neelé el, mbata ɓogənè lé ni gə́ kurai ya m’ni dəa’g.

Tagə́maji gə́ Ja̰ ndang 19:13

Loo gə́ Pilatə oo ta neelé ndá yeḛ unda loo gə Jeju teḛ səa raga, yeḛ rəm si dɔ kalimbai gaŋg-rəwta’g, lé neelé ɓaree Pabe, ɓaree gə ta Ǝbrə Gabata.

Néra Njékaḭkulaje 25:1

Loo gə́ Pestus andə dəb ɓeeko̰’g neelé ndá yeḛ ra ndɔ munda ɓa ḭ Sejare ɔd aw Jerusalem ɓəi.

Néra Njékaḭkulaje 25:10

Pool ilá keneŋ pana: Loo-gaŋg-rəwta lə Sesar ɓa m’a kaar keneŋ ləm, lée nee ɓa d’a kɔr kəm ta ləm keneŋ. Ma m’ra né gə́ lée’g el kára kara gə Jibje el, i kara i gər gao ya.

Néra Njékaḭkulaje 25:17

Yen ɓa deḛ ree loo gə́ nee’g ndá ma m’tila el tɔ. Bèlè lookàree ndá ma m’teḛ m’isi loo-gaŋg-rəwta’g ləm, tɔɓəi m’un ndum m’ar dee gə mba kar dee ree gə dəw neelé tɔ.

Néra Njékaḭkulaje 25:4

Pestus ila dee keneŋ pana: Pool lé deḛ ŋgəmee Sejare nu, tɔɓəi ma kara m’a gə tel kaw keneŋ ɓasinè ya tɔ.

Néra Njékaḭkulaje 25:5

Maji kar mbaije lə sí d’aw səm na̰’d ndá ɓó lé dəw neelé ra né gə́ askəm kar taree wa dəa ndá d’a səgee ne ya.

Néra Njékaḭkulaje 8:40

Pilibə lé kubà ndá uba Ajot, ḭ keneŋ aw Sejare. Ɓeeje lai gə́ yeḛ dəs keneŋ lé yeḛ ila mber tagə́maji lé keneŋ.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

Maktub gə́ Jak ula ne ar ngan-Allaje 2:6

Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.