Néra Njékaḭkulaje 25:16 - Maktub gə́ To gə Kəmee

¹⁶ M’ila dee keneŋ m’pana: Gin njé gə́ Rɔm lé deḛ ra né gə́ togə́bè el. Dəw gə́ rara ɓa lé ta oso dəa’g kara d’a kaw səa kəm njésəgeeje mba karee ɔr ta ləa gə mba taa ne rəa ɓad ɓa ɓó d’a kila ta dəa’g gə mḭdé el ɓəi.

Néra Njékaḭkulaje 25:16 ပူးပေါင်းရင်းမြစ်များ

Gḭ-Néje 39:19

Loo gə́ yeḛ oo ta gə́ dené ləa ulá pana: Aa oo, né gə́ ɓər ləi ra səm ɓa to nee ndá oŋg ḭ mee ɓé-Jisepje’g pu ar mée nuŋga kəd-kəd.

Gosota-Kəmkàrje 18:13

Dəw gə́ ila ta’g ɓad ɓa oo ginee ɓəi lé Ra némbə ar rɔkul dəb ne dəa’g.

Gosota-Kəmkàrje 18:17

Yeḛ gə́ pata ləa kédé loo gaŋg rəwta’g lé D’oo gə́ ta gə́ tɔgərɔ, Nɛ yeḛ gə́ njeta ləa ree pa kea̰ ndá D’ur gelee maji tɔ.

Lugu 12:11

Loo gə́ d’a ndɔr sí kaw sə sí mee kəi-kwa-dɔ-na̰je’g ləm, əsé no̰ mbai dɔ njégaŋgtaje’g ləma, əsé no̰ njéko̰ɓeeje’g ləm tɔ ndá maji kar sí arje meḛ sí pélé wəs-wəs dɔ ta gə́ seḭ a gə kɔrje mba taaje ne dɔ sí el ləm, əsé ta gə́ seḭ a paje keneŋ el ləm tɔ,

Tagə́maji gə́ Ja̰ ndang 7:51

Godndu lə sí lé see a kila ta dɔ dəw’g lal koo ne né gə́ debee neelé ra wa.

Néra Njékaḭkulaje 23:30

Ma m’oo to gə́ Jibje d’wɔji mba kumee rəw, yee ɓa m’ulá ne rɔi’g ləm, m’ula njésəgeeje gə mba kar dee d’aw nɔḭ’g mba kar dee-deḛ nja d’ɔr taree d’ari oo ləm tɔ. Lapia.

Néra Njékaḭkulaje 23:35

Loo gə́ yeḛ gər to gə́ yeḛ to gə́ dəb ɓeeko̰ gə́ Silisi ndá yeḛ ulá pana: M’a ŋgina njésəgije njen ree ɓa m’a koo ta ləi ɓəi. Yeḛ un ndia ar dee gə mba kar dee ŋgəmee kəi-gad’g lə Herɔdə.

Néra Njékaḭkulaje 26:1

Agripa ula Pool pana: M’ya̰ loo m’ari gə mba kari ɔr ta ləi gə mba taa ne dɔi ŋga. Yen ɓa Pool ula jia paar un kudu kula dee ta gə mba taa ne rəa pana:

Tel tura Godndu 17:4

Loo gə́ seḭ a kooje əsé d’a kula sí taree gə́ kula kara, léegəneeya seḭ a saŋgje gelee gəd gə mba kooje. Ɓó lé ta gə́ pa lé to tɔgərɔ, ɓó lé né neelé dəw ra tɔgərɔ, ɓó lé néra gə́ mina̰ neelé dəw ra mee ɓee’g lə Israɛlje ndá,