Néra Njékaḭkulaje 24:27 - Maktub gə́ To gə Kəmee

²⁷ Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 24:27 ပူးပေါင်းရင်းမြစ်များ

Teḛ-Raga 23:2

Seḭ a ndolèje goo koso-dəwje mba ra ne né gə́ majel sə dee na̰’d el ləm, seḭ a kɔmje ta lə sí na̰’d gə koso-dəwje loo gaŋgta’g mba tuji ne gin ta gə́ gə dɔ najee lé el ləm tɔ.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Jeremi 38:13

Deḛ lel Jeremi gə kúla mee bwa-mán’g lé teḛ səa raga. Bèe ɓa Jeremi si ne gad kəi-daŋgai’g.

Mark 15:15

Pilatə ndigi kar rɔ boo-dəwje lé lel dee dəa’g ndá yeḛ ila Barabas tar ar dee, tɔɓəi yeḛ ar dee kunda Jeju gə ndəi-kɔb ɓa yeḛ wá ulá ji dee’g gə mba kar dee d’aw ɗaree.

Néra Njékaḭkulaje 12:3

Tɔɓəi loo gə́ yeḛ oo to gə́ né neelé taa kəm Jibje rəgm ndá yeḛ ar dee d’wa Piɛrə. To ndɔ naḭ gə́ wɔji dɔ muru gə́ nétiee godo keneŋ lé.

Néra Njékaḭkulaje 23:35

Loo gə́ yeḛ gər to gə́ yeḛ to gə́ dəb ɓeeko̰ gə́ Silisi ndá yeḛ ulá pana: M’a ŋgina njésəgije njen ree ɓa m’a koo ta ləi ɓəi. Yeḛ un ndia ar dee gə mba kar dee ŋgəmee kəi-gad’g lə Herɔdə.

Néra Njékaḭkulaje 25:1

Loo gə́ Pestus andə dəb ɓeeko̰’g neelé ndá yeḛ ra ndɔ munda ɓa ḭ Sejare ɔd aw Jerusalem ɓəi.

Néra Njékaḭkulaje 25:14

To gə́ d’isi keneŋ ndɔ dee aḭ bula lé ndá Pestus ɔr ta lə Pool ar mbai lé ulá ne pana: Pelis ula dəw kára daŋgai’g yá̰ keneŋ.

Néra Njékaḭkulaje 25:4

Pestus ila dee keneŋ pana: Pool lé deḛ ŋgəmee Sejare nu, tɔɓəi ma kara m’a gə tel kaw keneŋ ɓasinè ya tɔ.

Néra Njékaḭkulaje 25:9

Pestus ndigi ra né gə́ a lel kəm Jibje ndá yeḛ dəji Pool pana: See i ndigi kaw Jerusalem mba kar dee gaŋg rəwta néje neelé dɔi’g nɔm’g keneŋ wa.

Néra Njékaḭkulaje 26:32

Agripa ula Pestus pana: Dəw neelé ɓó lé ɓar ri Sesar el ndá to kəm kila tar ya.

Néra Njékaḭkulaje 28:30

Pool si kəi-kwa’g lé as ləb joo ya doŋgɔ bugum. Deḛ lai gə́ ree gə mba kée lé yeḛ wa dee gə́ rəa’g tɔ.

Njé gə́ Galati 1:10

Ɓasinè lé see dəwje ɓa ma m’saŋg loo mba kar dee d’ɔr ta ləm maji əsé Ala wa. See ma m’saŋg loo mba taa kəm dəwje wa. Ɓó lé m’ra né mba taa ne kəm dəwje ɓəi ndá m’a to kura lə Kristi el.