Néra Njékaḭkulaje 24:26 - Maktub gə́ To gə Kəmee

²⁶ Yeḛ unda mée yel dɔ Pool’g pana: A tɔs ta neḛ gə lar ɓəi. Togə́bè ɓa yeḛ ula ne kula ɓar ne Pool ta teg-teg gə mba kwɔji ne səa ta.

Néra Njékaḭkulaje 24:26 ပူးပေါင်းရင်းမြစ်များ

2 Sôrta Gḭka Israɛlje 19:7

Ɓasinè, maji kar ɓəl lə Njesigənea̰ ɔm dɔ sí’g, undaje kəmkàr dɔ rɔ sí’g mbata rɔ Njesigənea̰, Ala lə sí lé néra gə́ kori-kori godo keneŋ ləm, yeḛ ɔr kəm dəwje gə goo maji lə deḛ gə́ raga ba el ləma, yeḛ ndigi néndogo-gel el ləm tɔ.

Maktub gə́ wɔji dɔ Jɔb 15:34

Mee kəi lə njéhulaije a kwa ŋgɔ njag-njag ləm, Pər a roo kəi-kubu lə njéndogo-gel mar deeje ləm tɔ.

Teḛ-Raga 23:8

Seḭ a taaje néndogo-gel el mbata néndogo-gel lé ar kəm njékəmkàrje lé tɔ ləm, tuji ta lə njéra né gə́ dɔ najee-je kari ba ləm tɔ.

Gosota-Kəmkàrje 17:23

Njemeeyèr lé taa néndogo-gel gə́ d’aree gə goo ŋgəḭ Mba tuji ne rəw ta gaŋg gə́ gə dɔ najee.

Gosota-Kəmkàrje 17:8

Né gə́ dəw un ndogo ne maree lé To asəna gə jər gə́ gadee ur kugu kəm deḛ gə́ njékiŋgaje’g Néje lai gə́ yeḛ ra lé ndá a teḛkɔr ya.

Gosota-Kəmkàrje 19:6

Dəw gə́ boo lé dəwje bula bɔr bèlee, Yeḛ gə́ njekun né kar lé dəwje bula d’wa səa kura tɔ.

Gosota-Kəmkàrje 29:4

Mbai lé ar ɓee to njaŋg gə goo néra gə́ gə dɔ najee, Nɛ yeḛ gə́ taa né gə́ taa négədɓee gə́ gə dɔ najee el lé tuji ne ɓee gə́ tuji.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Esai 56:11

Deḛ lé to gə́ bisije gə́ mal sɔ né ra dee Nɛ nésɔ as dee el, Deḛ to gə́ njékulbadje gə́ gər né kára el, Deḛ lai njaa goo torndu dee-deḛ’g ya, Ar nana kara ra né gə mba kiŋga ne né Gə́ wɔji dəa-dəa ya goo kára ba kiao.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Ojee 4:18

D’ai né d’aree oso kəm dee’g ndá léegəneeya d’ḭ d’aw d’ya̰ rɔ dee dan néra kaiya’g. Mbaije lə dee ya kara mal nérɔkul ra dee ŋgwɔd-ŋgwɔd tɔ.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Matiyo 17:3

Tɔɓəi Moyis gə Eli teḛ kəm dee’g wai d’aar d’wɔji səa ta.

Néra Njékaḭkulaje 24:17

Ma lé m’godo ɓee ləm as ləb bula ɓa m’tel m’ree gə mba kun né kwa ne noji gə njéndooje gə́ mee ɓee’g ləm ləm, gə mba kun né kar Ala ləm tɔ.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.

1 Samel 8:3

Ŋgalə Samel njaa gə goo rəw gə́ bɔ deeje njaa keneŋ el. Deḛ d’ya̰ rɔ dee dan kəmkəḭ’g ləm, deḛ taa nétɔstaje d’al ne dɔ rəwta gə́ gaŋg gə dɔ najee ləm tɔ.