Néra Njékaḭkulaje 24:16 - Maktub gə́ To gə Kəmee

¹⁶ Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Néra Njékaḭkulaje 24:16 ပူးပေါင်းရင်းမြစ်များ

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Njé gə́ Rɔmə 2:15

Néra dee tɔji sí to gə́ néra gə́ godndu wɔji lé to meḛ dee’g ya. Ta gə́ meḛ dee’g ɓa ɔr gée ləm, takə̰jije gə́ meḛ dee’g lé ila ta dɔ dee’g əsé ɔr ta dɔ dee’g ləm tɔ.

Njé gə́ Rɔmə 9:1

Ma gə́ m’to ka̰ Kristi lé kankəmta ɓa m’ula sí ɓó gə́ taŋgɔm ɓa m’ula sí el. Ndilmeenda ɓa oso gelm’g am m’oo ne tapam gə́ ta gə́ tɔgərɔ ya.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

1 Njé gə́ Kɔrḭtə 4:4

nɛ yee gə́ nee ɓa ɔr ta dɔm’g el tɔ. Mbaidɔmbaije ɓa gə́ njekɔrkəmta ləm.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

1 Timote 3:9

Maji kar dee d’wa goo ta meekun gə́ to loo-kiya’g gə mee kára ba bərəŋ tɔ.

2 Timote 1:3

Ala gə́ kamje-je ra kula d’aree ləm, ma kara m’ra kula gə meekara m’aree ləm tɔ lé m’rəa oiyo mbata məəm olé dɔi’g am m’ɓar rii ta-ta loo ra tamaji’g ləm, loondul’g ləm, gə dan kàrá ləm tɔ.

Titə 1:15

Deḛ gə́ d’àr lé d’oo néje gə́ d’àr gə́ looje lai. Deḛ gə́ mina̰ lé d’ɔs kankəmta rəw tɔ ndá néje gə́ mina̰ ɓa d’oo gə́ looje lai tɔ. Kəmkàr lə dee ləm, gə ta gə́ meḛ dee’g ləm tɔ lé mina̰ ya.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 13:18

Raje tamaji mbata lə sí, ta gə́ meḛ sí lé ar meḛ sí oso naŋg po̰, mbata jeḛ ndiŋga rɔ sí mba ra néje lai gə goo rəbee.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

1 Piɛrə 2:19

Mbata dəw gə́ né rəa dɔ buguru’g, nɛ yeḛ ai mée keneŋ sam-sam mbata mée ɓa ulá aree ila ne ŋgonkoji dɔ Ala’g lé ndá yee ɓa gə́ noji ya.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

1 Piɛrə 3:21

Man neelé wɔji dɔ batɛm gə́ seḭ ajije ne ɓasinè. Batɛm neelé ɔr né gə́ mina̰ rɔ sí’g el nɛ to né gə́ ar meḛ sí oso naŋg lemsé gə́ majee dɔ rɔ sí’g no̰ Ala’g, gə goo teḛ gə́ Jeju Kristi unda loo teḛ dan njé gə́ d’wəi’g lé.