Néra Njékaḭkulaje 24:10 - Maktub gə́ To gə Kəmee

¹⁰ Loo gə́ njeguburuɓee lé kəb jia ar Pool gə mba karee ɔr ta ləa ndá Pool ilá keneŋ pana: Ma m’gər gao, as ləb bula i to gə́ njegaŋ-rəwta lə ginkoji dəwje neelé, yee ɓa m’aar ne nɔḭ’g gə meekai sam-sam gə mba kɔr ta taa ne dɔ rɔm ya.

Néra Njékaḭkulaje 24:10 ပူးပေါင်းရင်းမြစ်များ

Lugu 12:11

Loo gə́ d’a ndɔr sí kaw sə sí mee kəi-kwa-dɔ-na̰je’g ləm, əsé no̰ mbai dɔ njégaŋgtaje’g ləma, əsé no̰ njéko̰ɓeeje’g ləm tɔ ndá maji kar sí arje meḛ sí pélé wəs-wəs dɔ ta gə́ seḭ a gə kɔrje mba taaje ne dɔ sí el ləm, əsé ta gə́ seḭ a paje keneŋ el ləm tɔ,

Lugu 12:14

Jeju tel ila dəw gə́ neelé pana: I dəw nee, see na̰ ɓa ɔrm undam gə́ njera rəwta lə sí əsé njekunda kəm né lə sí dana kai sí wa.

Lugu 18:2

Yeḛ ula dee pana: Mee ɓee-boo gə́ kára bèe lé njegaŋ-rəwta gə́ si keneŋ ɓəl Ala el ləm, yeḛ ndəb gə mba kəm dəw kára kara el ləm tɔ.

Néra Njékaḭkulaje 12:17

Piɛrə yə jia ta dee gə mba kar dee d’əw rɔ dee pata ndá yeḛ ɔr sor né gə́ Mbaidɔmbaije ra ɔree ne daŋgai’g lé ar dee d’oo. Yeḛ ula dee pana: Ɔrje soree arje Jak gə ŋgako̰ síjeḛ lé ar deeje d’oo tɔ. Tɔɓəi yeḛ unda loo teḛ ɔd aw loo gə́ raŋg.

Néra Njékaḭkulaje 13:16

Yen ŋga Pool uba naŋg ḭta ula jia paar pana: Seḭ dəwje gə́ Israɛl, gə seḭ gə́ ɓəlje Ala lé ooje maji.

Néra Njékaḭkulaje 18:15

nɛ ɓó lé to gə́ tamaḭ gə́ wɔji dɔ ta əsé dɔ ri néje əsé gə dɔ ta godndu lə sí ndá to ta gə́ wɔji dɔ sí-seḭ ya ɓó ma m’ndigi gaŋgta dɔ néje gə́ togə́bè’g el.

Néra Njékaḭkulaje 19:33

Yen ŋga deḛ d’ɔr Aleja̰drə mbuna boo-dəwje’g neelé, yeḛ to dəw gə́ Jibje ya d’ɔsee ɓɔḭ-ɓɔḭ gə́ kédé. Aleja̰drə lé yə jia ta dee’g ar dee d’oo to gə́ yeḛ ndigi kula koso-dəwje neelé ta.

Néra Njékaḭkulaje 21:40

Ɓé-njérɔje un ndia aree ndá Pool aar tar dɔ loo-tuga-kaw-tar gə́ wɔji dɔ gadloo’g lé ɓa yə jia ta koso-dəwje’g neelé. Loo to ndiŋ ndá paul un ta pa gə ta Ǝbrə pana:

Néra Njékaḭkulaje 23:24

Maji kar dee d’ar Pool kundaje kea̰-yeḛ tɔ ɓó gə mba kar dee d’aw ne səa gə loo-kulee yururu teḛ ne səa rɔ Pelis gə́ njeguburuɓee’g lé.

Néra Njékaḭkulaje 26:1

Agripa ula Pool pana: M’ya̰ loo m’ari gə mba kari ɔr ta ləi gə mba taa ne dɔi ŋga. Yen ɓa Pool ula jia paar un kudu kula dee ta gə mba taa ne rəa pana:

1 Piɛrə 3:15

Nɛ waje Kristi dɔɓəŋgərə sí’g gə kəmee, éeje ne gə́ Mbaidɔmbaije tɔ. Waje dɔ gɔl rɔ sí mba kar nana ɓa gə́ a dəji sí ta dɔ né gə́ seḭ undaje meḛ sí yel dɔ’g ndá seḭ a kila deeje keneŋ gə kəmkàree ləm, gə ndu gwɔs sí gə́ kul yururu ləm tɔ.

1 Samel 2:25

Ɓó lé dəw ra kaiya ɔs ne maree rəw ndá Ala a gaŋg rəwta dəa’g ya. Nɛ ɓó lé yeḛ ra kaiya ɔs ne Njesigənea̰ rəw ndá see na̰ ɓa a ra rəwta ləa wa. Nɛ deḛ ndigi koo tapa bɔ deeje lé el mbata Njesigənea̰ ndigi kar dee d’wəi.