Néra Njékaḭkulaje 23:6 - Maktub gə́ To gə Kəmee

⁶ Pool gər gao to gə́ deḛ gə́ mbo̰ dɔ na̰ lé njé gə́ na̰je to gə́ Saduseḛje ləm, njé gə́ na̰je to gə́ Parisiḛje ləm tɔ ndá yeḛ ila boo-ndia naŋg no̰ njégaŋ-rəwtaje’g lə Jibje pana: Ŋgakɔmje gə́ dəwje, ma m’to gə́ Parisiḛ, ŋgolə Parisiḛje ya. Ta teḛ dɔkumbwa’g lə njé gə́ d’wəi’g gə́ m’unda məəm yel gə́ dɔ’g lé yee ɓa d’am m’aar ne loo-gaŋg-rəwta’g ɓasinè gə mbəa ya.

Néra Njékaḭkulaje 23:6 ပူးပေါင်းရင်းမြစ်များ

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Matiyo 22:23

Mee ndəa’g neelé Saduseḛje gə́ njémaḭta teḛ dɔkumbwa’g lə dəwje, rəm wɔr gə́ rɔ Jeju’g dəjee pana:

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Néra Njékaḭkulaje 22:3

Ma m’to Jib gə́ d’ojim Tarsə dɔ naŋg gə́ Silisi nɛ kodo ɓa deḛ d’odəm mee ɓee’g neelé ləm, m’isi naŋg gɔl Gamaliel’g m’ndoo ne né m’un ne gel négər gə́ wɔji dɔ godndu ka̰ bɔ síje-je lé lad ləma, m’tədkag loo gə mbata lə Ala lé to gə́ seḭje bèe ɓogənè ya ləm tɔ.

Néra Njékaḭkulaje 22:30

Bèlè lookàree ɓé-njérɔje ndigi koo ta né gə́ Jibje səgee ne lé gəd ndá yeḛ ar dee tudu kúla rəa’g un ndia ar mbai dɔ njékinjanéməsje-je gə njégaŋ-rəwtaje lə Jibje ar dee mbo̰ dɔ na̰. Tɔɓəi yeḛ ar Pool uru naŋg aree aar dan dee’g dana.

Néra Njékaḭkulaje 22:5

Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g.

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 23:15

Seḭje lé ɓasinè maji kar sí aw iŋgaje njégaŋ-rəwtaje lə Jibje awje sə dee rɔ ɓé-njérɔje’g gə mba karee ree gə Pool no̰ sí’g ɓó gə́ kar sí raje to gə́ lə né gə́ seḭ ndigije kəndje gel ta gə mba koo gəd bèe səm. Jeḛ lé loo gə́ sí ree ndá j’a sí pèrèrè gə mba kḭ tɔlee gə́ tɔl ya.

Néra Njékaḭkulaje 23:20

Yeḛ ilá keneŋ pana: Jibje d’ɔm kudu na̰’d gə mba ra ndòo rɔi’g ɓó gə kar bèlè ndá i a ree gə Pool no̰ njégaŋ-rəwtaje’g lə Jibje to gə́ lə né gə́ i a gə dəjee gin ta ləa gəd koo bèe səm.

Néra Njékaḭkulaje 23:7

Loo gə́ yeḛ pata neelé mba̰ ndá Saduseḛje gə Parisiḛje d’un kudu maḭ na̰ ta d’ɔr ne kəm na̰.

Néra Njékaḭkulaje 24:15

M’unda məəm yel dɔ Ala’g lé to gə́ deḛ bèe ya m’oo to gə́ Ala lé a kar njémeekarabasurje ləm, gə njéra nékori-korije ləm tɔ lé d’a teḛ dɔkumbwa’g gə kəm dee kəm dee.

Néra Njékaḭkulaje 24:21

Né kára ba gə́ ma m’ra lé to boo-ndum gə́ m’ila naŋg ɓəgəgə dan dee’g m’pana: Ta gə́ wɔji dɔ teḛ dɔkumbwa’g lə dəwje gə́ d’wəi lé nja d’am m’aar ne no̰ sí’g loo-gaŋg-rəwtaje’g ɓogənè gə mbəa.

Néra Njékaḭkulaje 28:20

Gelee gə́ nee ɓa ma m’ɓar sí ne gə mba koo sí ne ləm, gə mba kula sí ne taree ləm tɔ. Ndukun gə́ Ala un ar Israɛlje gə́ m’unda məəm yel dɔ’g lé ya ɓa m’isi ne gə kúla lar gwɔsm’g gə mbəa.

Njé gə́ Pilibə 3:5

Ma lé m’ra ndɔ jinaijoo ɓa d’inja tamɔdəm ɓəi ləm, ma m’to Israɛl gə́ kojikəi ləm, ma m’to ginkoji Bḛjami ləm, m’to ŋgonkoji Ǝbrəje ləma, ta gə́ wɔji dɔ godndu lé m’to ne Parisiḛ ya ləm tɔ.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

Ǝbrəje 6:19

Ta neelé gə́ j’unda meḛ sí yel gə́ dɔ’g lé to asəna gə riŋgi-to gə́ kədərə kaw-kaw gə́ jeḛ n’reḛ́ keneŋ rḛ́-rḛ́, yee ɓa jeḛ woḭ ne mbuna kubu gə́ a teḛ sə sí njal mee kəi gə́ to gə kəmee’g