Néra Njékaḭkulaje 23:5 - Maktub gə́ To gə Kəmee

⁵ Pool tel pana: Ŋgakɔmje, ma m’gəree gə́ ŋgɔ-njekinjanéməs el mbata deḛ ndaŋg mee maktub’g pana: Seḭ a paje ta gə́ majel dɔ mbai lə koso-dəwje’g lə sí el.

Néra Njékaḭkulaje 23:5 ပူးပေါင်းရင်းမြစ်များ

Teḛ-Raga 22:28

Seḭ a ŋginaje ɓa gə mba kamje dɔ kó lə sí gə́ doŋgɔr el ləm, gə kul nduú lə sí gə́ doŋgɔr el ləm tɔ. Seḭ a kamje ŋgandər ŋgan síje gə́ diŋgam tɔ.

Njekillamber 10:20

Maji kari ila ndɔl dɔ mbai’g dan takə̰ji’g ləi el ləm, maji kari ila ndɔl dɔ bao’g mee kəi-toi’g el ləm tɔ. Mbata yelje d’a kun ndui ləm, néje gə́ gə bag dee d’a kun taje ləi kas ne loo ləm tɔ.

Néra Njékaḭkulaje 23:4

Deḛ gə́ d’isi mbɔr Pool’g dəb lé d’ilá keneŋ pana: Yeḛ gə́ to gə́ ŋgɔ-njekinjanéməs lə Ala ya, see i ila ndɔl dəa’g wa.

Néra Njékaḭkulaje 24:17

Ma lé m’godo ɓee ləm as ləb bula ɓa m’tel m’ree gə mba kun né kwa ne noji gə njéndooje gə́ mee ɓee’g ləm ləm, gə mba kun né kar Ala ləm tɔ.

2 Piɛrə 2:10

Deḛ gə́ d’ya̰ rɔ dee d’ar mal néje gə́ yèr gə́ ula pər meḛ dee’g ləm, gə d’ila ndɔl dɔ dəw dɔ deeje’g ləm tɔ lé bo̰ néra dee a kɔs ta dee’g kunda njé gə́ raŋg lai. Deḛje neelé to njédumje ləm, gə njébeeleje ləm tɔ ndá deḛ taji njérɔndubaje gə́ taji ɓó deḛ ndəd kəm dee el.