Néra Njékaḭkulaje 23:15 - Maktub gə́ To gə Kəmee

¹⁵ Seḭje lé ɓasinè maji kar sí aw iŋgaje njégaŋ-rəwtaje lə Jibje awje sə dee rɔ ɓé-njérɔje’g gə mba karee ree gə Pool no̰ sí’g ɓó gə́ kar sí raje to gə́ lə né gə́ seḭ ndigije kəndje gel ta gə mba koo gəd bèe səm. Jeḛ lé loo gə́ sí ree ndá j’a sí pèrèrè gə mba kḭ tɔlee gə́ tɔl ya.

Néra Njékaḭkulaje 23:15 ပူးပေါင်းရင်းမြစ်များ

2 Samel 13:5

Jonadab ulá pana: Maji kari to dɔ tira’g ləi ndoo rɔko̰. Loo gə́ bɔbije a ree mba kooi ndá i a kulá pana: M’ra ndòo rɔi’g mba kari ar Tamar, kɔnanəm ɓa ree mba kam nésɔ, maji karee ra nésɔ lé kəm’g nee ya am ɓa m’a taa jia’g ɓəi.

Pakɔsje 21:11

I a kar ginkadɔg deeje sané pá dɔ naŋg nee ləm, Ginkoji dee kara a kudu bo̰ mbuna dəwje’g ləm tɔ.

Gosota-Kəmkàrje 1:16

Mbata gɔl dee un dee pélé-pélé gə́ loo néra gə́ majel’g ləm, Deḛ d’ɔs rɔ dee ɓad Gə mba kila məs ləm tɔ.

Gosota-Kəmkàrje 4:16

Mbata deḛ toɓi el ya saar njen Ra né gə́ majel ya ɓa, Ɓi oso kəm dee’g el ya saar njen D’ar dəw kára oso ya ɓa tɔ,

Esai 59:7

Gɔl dee un dee pélè-pélè Gə́ dɔ néra gə́ majel’g ləm, D’ɔs rɔ dee ɓad Gə mba kila məs dəw gə́ ta wa dəa el lé ləm tɔ, Takə̰jije lə dee to takə̰ji néra gə́ kori-kori ləm, Tuji gə tuji-boo to rəw-kaw dee’g ləm tɔ.

Tagə́maji gə́ Ja̰ ndang 18:12

Kudu-njérɔje gə ɓé-njérɔje gə njékaa dɔ looje lə Jibje lé d’uba Jeju d’wá gə kúla.

Néra Njékaḭkulaje 22:30

Bèlè lookàree ɓé-njérɔje ndigi koo ta né gə́ Jibje səgee ne lé gəd ndá yeḛ ar dee tudu kúla rəa’g un ndia ar mbai dɔ njékinjanéməsje-je gə njégaŋ-rəwtaje lə Jibje ar dee mbo̰ dɔ na̰. Tɔɓəi yeḛ ar Pool uru naŋg aree aar dan dee’g dana.

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 23:6

Pool gər gao to gə́ deḛ gə́ mbo̰ dɔ na̰ lé njé gə́ na̰je to gə́ Saduseḛje ləm, njé gə́ na̰je to gə́ Parisiḛje ləm tɔ ndá yeḛ ila boo-ndia naŋg no̰ njégaŋ-rəwtaje’g lə Jibje pana: Ŋgakɔmje gə́ dəwje, ma m’to gə́ Parisiḛ, ŋgolə Parisiḛje ya. Ta teḛ dɔkumbwa’g lə njé gə́ d’wəi’g gə́ m’unda məəm yel gə́ dɔ’g lé yee ɓa d’am m’aar ne loo-gaŋg-rəwta’g ɓasinè gə mbəa ya.

Néra Njékaḭkulaje 25:3

mba karee ndigi sə dee ɓó mba karee ar Pool ree Jerusalem. Nɛ deḛ lé d’wa rɔ dee kir-kir gə mba kumee rəw ɓó gə tɔlee.