Néra Njékaḭkulaje 22:25 - Maktub gə́ To gə Kəmee

²⁵ Loo gə́ d’ɔr ndəi piao ndá Pool dəji njekɔrno̰ njérɔje gə́ tɔl-tɔl gə́ aar keneŋ lé pana: See d’un ndu dee d’ar sí gə mba kar sí kundaje dəw gə́ Rɔm gə́ ta wa dəa el ɓəi lé gə ndəi wa.

Néra Njékaḭkulaje 22:25 ပူးပေါင်းရင်းမြစ်များ

Matiyo 10:17

Yen, meḛ sí dɔ rɔ sí’g mbata dəwje lé d’a kwa sí kɔm sí ji njégaŋ-rəwtaje’g ləm, d’a kunda sí mee kəi-kwa-dɔ-na̰je’g lə dee ləm tɔ.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Matiyo 8:8

Nɛ ɓé-njérɔje lé tel ulá pana: Mbai, m’askəm kari andə gel jala’g ləm el. Maji kari pata gə tai ya kára ba ndá rɔ kura ləm a to kari péd-péd.

Néra Njékaḭkulaje 10:1

Dəw kára bèe si Sejare ria lə Kɔrnəi, yeḛ to ɓée boo-njérɔje gə́ d’aḭ tɔl gə́ deḛ ɓar dee Itali.

Néra Njékaḭkulaje 16:37

Nɛ Pool ula njékulaje neelé pana: Jeḛ gə́ n’to gə́ njé gə́ Rɔm gə́ kojikəi ya, deḛ d’unda sí gə ndəi-kɔb kəm dəwje bura lal gaŋgta gə́ bèe ya, d’ɔm sí ne daŋgai’g d’ar sí j’isi ne ɓam ɓəi ndá see ban ɓa deḛ ndigi kɔr sí gə goo ŋgəḭ ba ɓəi wa. Bèe el ɓəi. Maji kar dee-deḛ nja ree gə rɔ dee ɓa d’ɔm sí tar ɓəi.

Néra Njékaḭkulaje 22:26

Loo gə́ njekɔrno̰-njérɔje gə́ tɔl-tɔl lé oo ta neelé ndá yeḛ aw rɔ ɓé-njérɔje’g gə mba kulá karee oo pana: See i a ra ban ŋga gə rɔi wa. Mbata dəw neelé to dəw gə́ Rɔm.

Néra Njékaḭkulaje 23:17

Yen ŋga Pool ɓar njekɔrno̰ njérɔje gə́ tɔl-tɔl lé kára ulá pana: Aw gə basa neelé rɔ ɓé-njérɔje’g mbata yeḛ aw gə ta gə mba kulá.

Néra Njékaḭkulaje 23:27

Dəw neelé Jibje d’wá gə dɔ dee nja d’a gə tɔlee gə dɔrɔ dee ɓa m’teḛ dɔ dee’g wai gə njérɔje ndá m’wá wɔgədɔ m’ɔree ji dee’g, nɛ ma m’oo to gə́ yeḛ to gə́ njeɓee gə́ Rɔm.

Néra Njékaḭkulaje 25:16

M’ila dee keneŋ m’pana: Gin njé gə́ Rɔm lé deḛ ra né gə́ togə́bè el. Dəw gə́ rara ɓa lé ta oso dəa’g kara d’a kaw səa kəm njésəgeeje mba karee ɔr ta ləa gə mba taa ne rəa ɓad ɓa ɓó d’a kila ta dəa’g gə mḭdé el ɓəi.

Néra Njékaḭkulaje 27:1

Loo gə́ d’wɔji-kwɔji gə mba kar sí j’uru mee bato’g gə mba kaw Itali ndá d’ila Pool gə daŋgai mareeje gə́ na̰je ji Julius’g gə́ to njekɔrno̰ njérɔje gə́ tɔl gə́ ɓar dee ka̰ Augustə.

Néra Njékaḭkulaje 27:3

Ndɔ gə́ njekorè gée, j’wa naŋg Sido̰, Julius gə́ njera meemaji gə Pool lé un ndia aree gə mba karee aw kəi lə baokuraje ləa gə mba kiŋga né gə́ ban-un jén kara ji dee’g.

Néra Njékaḭkulaje 27:43

Nɛ njekɔrno̰ njérɔje gə́ tɔl-tɔl lé ndigi kaji Pool ndá yeḛ ɔg dee dɔ né gə́ d’wɔji-kwɔji ra’g lé tɔ. Yeḛ un ndia ar deḛ gə́ gər kalé mán ndá d’a kɔm mán kalè teḛ raga kédé ɓa