Néra Njékaḭkulaje 22:24 - Maktub gə́ To gə Kəmee

²⁴ Ɓé-njérɔje lé un ndia ar dee d’aw gə Pool gadloo’g kɔrɔg mba dəjee ta gə ndəi ɓa gə mba koo gin né gə́ deḛ ndaŋg ne rɔ dee d’wɔji ne dəa lé.

Néra Njékaḭkulaje 22:24 ပူးပေါင်းရင်းမြစ်များ

Tagə́maji gə́ Ja̰ ndang 19:1

Yen ŋga Pilatə un ndia ar dee kundá Jeju gə ndəi sab-sab.

Néra Njékaḭkulaje 16:37

Nɛ Pool ula njékulaje neelé pana: Jeḛ gə́ n’to gə́ njé gə́ Rɔm gə́ kojikəi ya, deḛ d’unda sí gə ndəi-kɔb kəm dəwje bura lal gaŋgta gə́ bèe ya, d’ɔm sí ne daŋgai’g d’ar sí j’isi ne ɓam ɓəi ndá see ban ɓa deḛ ndigi kɔr sí gə goo ŋgəḭ ba ɓəi wa. Bèe el ɓəi. Maji kar dee-deḛ nja ree gə rɔ dee ɓa d’ɔm sí tar ɓəi.

Néra Njékaḭkulaje 21:34

Nɛ mbuna boo-dəwje’g lé njé gə́ na̰je pata u-u-u d’oo ne ka̰ na̰ el aree askəm koo ginee gəd el mbata d’aw dɔ na̰’d pum-pum ndá yeḛ un ndia ar dee gə mba kar dee d’aw səa gadloo’g lə dee.

Néra Njékaḭkulaje 21:37

Nai lam bèe kar dee d’uru səa gadloo’g lé ndá Pool dəji ɓé-njérɔje pana: See i a kya̰’m karm m’pata ləm m’ari oo el wa. Ɓé-njérɔje ilá keneŋ pana: See i gər ta Grek wa.

Néra Njékaḭkulaje 23:10

To gə́ tamaḭ lə dee oso mbo-boo bèe ŋga ɓé-njérɔje lé ɓəl pana: Dəwje neelé d’a kḭ kwa Pool tiee mbidi-mbidi ndá yeḛ un ndia ar njérɔje ree d’ɔree dan dee’g gə mba kaw səa gadloo’g lə dee.

Néra Njékaḭkulaje 23:27

Dəw neelé Jibje d’wá gə dɔ dee nja d’a gə tɔlee gə dɔrɔ dee ɓa m’teḛ dɔ dee’g wai gə njérɔje ndá m’wá wɔgədɔ m’ɔree ji dee’g, nɛ ma m’oo to gə́ yeḛ to gə́ njeɓee gə́ Rɔm.

Néra Njékaḭkulaje 28:18

Njé gə́ Rɔm lé loo gə́ deḛ dəji gin néram ndá deḛ ndigi kilam tar mbata d’iŋga né kára rɔm gə́ as yoo el.

Ǝbrəje 11:35

Denéje d’iŋga ŋgaw deeje gə ŋgan deeje gə́ teḛ ta yoo’g gogo. Njé gə́ raŋg lé ra sə dee néurtije gə́ to ɓəl nɛ dee d’ɔr rɔ dee keneŋ el mbata deḛ ndigi kiŋga loo-teḛ-dɔkumbwa gə́ maji gə́ ur dɔ maree’g.