Néra Njékaḭkulaje 22:20 - Maktub gə́ To gə Kəmee

²⁰ Tɔɓəi loo gə́ d’ɔm məs Etien gə́ njekɔrgoota ləi naŋg lé ndá ma m’aar sə dee ta pəree’g na̰’d ləm, m’ndigi sə dee rəgm ya ləma, ma nja m’to gə́ njeŋgəm ta kubu lə deḛ gə́ to gə́ njétɔleeje lé ləm tɔ.

Néra Njékaḭkulaje 22:20 ပူးပေါင်းရင်းမြစ်များ

Lugu 11:48

Seḭ raje né ɔrje ne goo néra ka síje lé ndigije ne sə dee rəgm ya. Mbata deḛ nja tɔl njéteggintaje neelé ya nɛ seḭ nja seḭ raje dɔɓar dee lé bur-bur.

Néra Njékaḭkulaje 26:10

Yee ɓa gə́ néram gə́ m’ra mee ɓee gə́ Jerusalem’g ya. Mbai dɔ njékinjanéməsje-je d’un ndu dee d’am ndá m’wa deḛ gə́ to gə kəmee lé bula m’ɓugu dee daŋgai’g ləm, loo gə́ deḛ tɔl dee kara m’ɔm na̰’d téréré gə njétɔl deeje lé ləm tɔ.

Néra Njékaḭkulaje 6:5

Ta neelé lel dəwje lai gə́ mbo̰ dɔ na̰ neelé ya. Togə́bè deḛ d’ɔr ne Etien, yeḛ gə́ meekun ləa dum dɔ loo ləm, gə Ndilmeenda taa mée pəl-pəl ləm tɔ. D’ɔr Pilibə gə Prokɔr gə Nikanɔr gə Timo̰ gə Parmenas gə Nikola, dəw gə́ Antiɔs gə́ tel rəa gə́ Jib lé tɔ.

Néra Njékaḭkulaje 7:58

Deḛ d’wá ndɔree d’ilá ŋgaŋ loo gir ɓee gə́ raga ndá deḛ tilá gə kɔri-ər. Njékoogoo tɔleeje lé tɔr kubuje lə dee d’ɔm naŋg gɔl basa kára gə́ ria lə Sool lé.

Néra Njékaḭkulaje 8:1

Sool ndigi sə dee rəgm gə mba kar dee tɔl Etien. Mee ndəa’g neelé nja d’ḭ d’ɔm na̰ dɔ Eglisə gə́ Jerusalem’g. Deḛ lai sanéna̰ dɔ ɓeeje gə́ Jude gə Samari ləm tɔ, nɛ njékaḭkulaje ɓa nai.

Njé gə́ Rɔmə 1:32

Godndu Ala gə́ pana: Nana ɓa gə́ ra néje gə́ togə́bè lé a kas yée ya lé deḛ gər gao ya nɛ deḛ nja ra née ləm, mar deeje gə́ ra néje neelé kara deḛ ndigi sə dee ya ləm tɔ.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.