Néra Njékaḭkulaje 22:14 - Maktub gə́ To gə Kəmee

¹⁴ Yeḛ ulam pana: Ala lə ka síjeḛ ɔri undai gə kəmee gə mba kari gər torndia ləm, gə mba kari oo Njemeekarabasur lé ləma, gə mba kari oo ta gə́ təa’g ləm tɔ.

Néra Njékaḭkulaje 22:14 ပူးပေါင်းရင်းမြစ်များ

2 Mbaije 21:22

Yeḛ uba Njesigənea̰, Ala lə bɔbeeje-je lé yá̰ ləm, yeḛ njaa goo rəwje’g lə Njesigənea̰ el ləm tɔ.

1 Sôrta Gḭka-Israɛlje 12:17

Deḛ gə́ to Bḛjamije gə Judaje kara d’aw rɔ Dabid’g mee kəi-kaar-kɔgərɔ’g ləa tɔ.

1 Sôrta Gḭka-Israɛlje 29:18

Ǝi Njesigənea̰, Ala lə Abrakam, gə Isaak, gə Israɛl gə́ to bɔ síje-je lé maji kari ar meḛ koso-dəwje ləi tɔ kujita ləm, ar takə̰jije lə deḛ gə́ togə́bè to njaŋg gə́ kédé-kédé dɔi’g ləm tɔ.

2 Sôrta Gḭka Israɛlje 28:25

Yeḛ unda dɔ looje gə́ ndəw mee ɓee-booje’d gə́ Juda kára-kára lai gə mba kar dee tuu néje gə́ ə̰də sululu keneŋ kar magəje. Yeḛ ra togə́bè ar mee Njesigənea̰, Ala lə bɔbeeje-je ḭ ne səa pu dəa’g ya.

2 Sôrta Gḭka Israɛlje 30:19

deḛ lai gə́ d’wa meḛ dee kɔgərɔ mba ndolè goo Ala, Njesigənea̰, Ala lə bɔ deeje-je lé lé deḛ d’ɔr won rɔ dee gə goo néra gə́ to gə kəmee lé el kara maji kari ar məəi oso lemsé dɔ dee’g ya, kɔgərɔ kari!

Esdras 7:27

Maji kar dɔ ri Njesigənea̰ Ala lə bɔ síje-je ai səgərə, yeḛ gə́ gɔl mee mbai aree ə̰ji mba kula ne rɔnduba dɔ kəi’g lə Njesigənea̰ gə́ to Jerusalem lé.

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Jeremi 1:5

Loo gə́ i nai dan məs’g mee kɔinje’g ya ɓəi lé Ma m’gəri, Kédé ɓa gə mba kar dee d’oji ɓəi lé Ma m’undai gə kəmee ləm, Ma m’undai gə́ njetegginta lə ginkoji dəwje gə raŋg ləm tɔ.

Loo gə́ killa rea kəm Daniel’g 2:23

Ala lə bɔmje-je, M’ula rɔnduba dɔi’g, m’pidii ne Mbata i nja ɓa am kəmkàr gə siŋgamoŋ ləm, I am m’gər né gə́ jeḛ n’kwɔii ləma, I riba sə sí dɔ né gə́ to loo-kiya’g gə mbai lé ləm tɔ.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Néra Njékaḭkulaje 13:17

Ala lə koso-dəwje gə́ Israɛl neelé ɓa mbər ka síjeḛ ya. Yeḛ ila riɓar dɔ dee’g loo gə́ deḛ nai ne Ejiptə’g ɓəi tɔɓəi yeḛ ɔr dee keneŋ gə jia gə ɓar mèr-mèr.

Néra Njékaḭkulaje 22:15

Mbata i a to gə́ njekɔrgoota ləa dɔ néje lai gə́ i oo gə kəmi gə oo gə mbii lé kar dəwje lai-lai d’oo səi ya.

Néra Njékaḭkulaje 22:18

am m’oo Mbaidɔmbaije aree ulam pana: Maji kam m’ɔs rɔm ɓad m’unda loo m’teḛ Jerusalem kalaŋ mbata ta gə́ m’ɔr m’wɔji ne dɔ neḛ’g lé d’a taa el.

Néra Njékaḭkulaje 24:14

M’ɔr ta nee m’wɔji ne dɔm-ma ya, m’wa Ala lə bɔmje-je məəm’g gə goo rəw gə́ deḛ ɓa ɓaree rəw gə́ to lée’g el. M’ɔm məəm dɔ taje lai gə́ deḛ ndaŋg mee maktub godndu’g ləm, gə ka̰ njéteggintaje ləm tɔ.

Néra Njékaḭkulaje 26:16

Nɛ uba naŋg ḭ aar tar paar mbata ma m’teḛ dɔi’g, mbata ma m’teḛ dɔi’g m’ɔri gə mba kundai gə́ njekula ləm ləm, gə njekɔrgoota néje gə́ i oo mba̰ ləma, gə néje gə́ m’a teḛ ne dɔi’g ɓəi ləm tɔ.

Néra Njékaḭkulaje 5:30

Jeju gə́ seḭ ɗareeje kaar kag’d tɔleeje lé Ala lə ka síjeḛ aree unda loo teḛ dan njé gə́ d’wəi’g.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Néra Njékaḭkulaje 9:17

Ananias unda loo teḛ aw. Loo gə́ yeḛ andə mee kəi’g neelé ndá yeḛ ila jia dɔ Sool’g ulá pana: Ŋgokɔm Sool, Mbaidɔmbaije Jeju gə́ teḛ dɔi’g rəbee loo gə́ i si aw ne gə́ nee lé yeḛ nja ulam gə mba kar kəmi inja ari oo ne loo ləm, gə mba kar Ndilmeenda taa məəi yal-yal ləm tɔ.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

1 Njé gə́ Kɔrḭtə 11:23

Né gə́ ma m’ndoo sí lé m’taa rɔ Mbaidɔmbaije’g ya: Jeju Mbaidɔmbaije, mee tilee gə́ deḛ ndogee’g lé yeḛ un pil muru

1 Njé gə́ Kɔrḭtə 15:3

Aa ooje, ta gə́ ma m’ndoo sí lé m’aree ur dɔ taje’g lai, ma nja kara m’taa gə məəm tɔ. Taree ɓa to nee: Kristi lé wəi mbata kaiya lə sí gə goo ta gə́ mee maktub gə́ to gə kəmee pa ləm,

1 Njé gə́ Kɔrḭtə 15:8

Ma gə́ m’to asəna gə ŋgon gə́ d’ɔree gə́ kɔr gə́ m’to gə́ rudu dee lé kara yeḛ teḛ kəm tɔ.

1 Njé gə́ Kɔrḭtə 9:1

See ma m’to ŋgonkoji el wa. See ma m’to gə́ njekaḭkula el wa. See ma m’oo Jeju Mbaidɔmbaije lə sí el wa. See seḭ toje kula ramje gin Mbaidɔmbaije’g el wa.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 1:12

Ma m’taa taree ji dəw’g el ləm, ma m’ndoo taree rɔ dəw’g el ləm tɔ, nɛ Jeju Kristi nja ɓa riba dəa am ya.

Njé gə́ Galati 1:15

Nɛ Ala gə́ njekɔrm ɔrm undam gə kəmee loo gə́ ma m’nai ne mee kɔmje’g ɓəi lé wa səm noji ɓarm ne

2 Timote 1:1

Ma Pool, njekaḭkula lə Jeju Kristi gə goo torndu Ala, mba kam m’ila mber ndukun gə́ wɔji dɔ kisi gə́ dəwje d’a si ne kəmba loo gə́ d’ɔm na̰’d gə Jeju Kristi lé

Titə 1:1

Ma Pool, kura lə Ala ləm, gə njekaḭkula lə Jeju Kristi ləm tɔ gə mba kar meekun lə dee gə́ Ala ɔr dee ra ne tɔg ləm, mba kar dee gər kankəmta gə goo rəw tədkag Ala lé ləm tɔ.

1 Piɛrə 2:22

Yeḛ lé ra nékaiya kára el ləm, ta sukəmloo kára kara dəw oo təa’g el ləm tɔ.

1 Ja̰ 2:1

Ŋganəmje, ma m’ndaŋg maktub nee m’ar sí mba kar sí ɔrɔje ne rɔ kaiya kára kara el. Ɓó lé dəw kára ra kaiya ndá njera rəwta lə sí si rɔ Bɔ-dəwje’g béréré mba̰, yeḛ nja ɓa to Jeju Kristi gə́ njemeekarabasur lé.