Néra Njékaḭkulaje 21:5 - Maktub gə́ To gə Kəmee

⁵ Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.

Néra Njékaḭkulaje 21:5 ပူးပေါင်းရင်းမြစ်များ

1 Mbaije 8:54

Loo gə́ Salomo̰ tɔl ta ra tamaji ləa gə ra ndòo ləa rɔ Njesigənea̰’g lé bém ndá yeḛ uba naŋg ḭta no̰ loo-nékinjaməs’g lə Njesigənea̰, lé gə́ yeḛ ɔs kəjee keneŋ ula ne jia ndiŋ gə́ dara lé.

2 Sôrta Gḭka Israɛlje 20:13

Judaje lai d’aar tar no̰ Njesigənea̰’g gə njémeekəije’g lə deḛ gə́ to denéje lə dee gə ŋgan deeje lé.

Nehemi 12:43

Mee ndəa’g neelé deḛ d’inja nékinjanéməsje bula yaa̰ ndá deḛ d’al rɔ dee mbata Ala ar koso-dəwje nérɔlel gə́ boo. Denéje gə ŋganje kara ra rɔlel tɔ ndá ndu rɔlel lə njé gə́ Jerusalem lé dəwje d’oo loo gə́ əw’g ya tɔ.

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Matiyo 14:21

Deḛ gə́ d’o̰ muru neelé d’aḭ dəwje tɔl-dɔg-loo-mi. Deḛ tura diŋgamje ya doŋgɔ, lal tura denéje gə ŋganje.

Mark 1:40

Dəw kára gə́ to njeba̰ji aw rɔ Jeju’g, unda barmba naŋg nea̰’g to ne təa’g pəgə-pəgə pana: Ɓó lé məəi ndigi ndá i askəm kar ba̰ji neelé godo rɔm’g péd-péd ya.

Lugu 22:41

Tɔɓəi yeḛ sa rəa rɔ dee’g ɔd aw gə kuree rəgəsə asəna gə kɔri-ər gə́ kun kila piriri bèe ndá yeḛ rəm ɔs no̰ kəjee naŋg ra tamaji pana:

Néra Njékaḭkulaje 15:3

Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 20:36

Loo gə́ yeḛ pata nee ar dee mba̰ ndá yeḛ ɔs kəjee naŋg ra sə deḛ lai tamaji.

Néra Njékaḭkulaje 20:38

Kəm dee to ndòo mbata ta gə́ yeḛ ula dee pana: D’a koo kəmee gogo el lé ya. Yen ɓa deḛ danee saar d’aw səa ta bato’g.

Néra Njékaḭkulaje 9:40

Piɛrə ar dəwje lai teḛ ɗaga budu-budu ndá yeḛ ɔs kəjee naŋg ra ndòo rɔ Ala’g. Tɔɓəi yeḛ tel rəa gə́ dɔ nin’g ulá pana: Tabida, uba naŋg ḭta! Ndá yeḛ teḛ kəmee yərərə dɔ Piɛrə’g orè twa ḭ si tar.

Jujé 24:15

Nɛ ɓó lé seḭ ooje to gə́ to maji kəm kwa Njesigənea̰ meḛ’g sí el ndá ɓogənè ya maji kar sí mbərje yeḛ gə́ seḭ ndigije poleeje né kaareeje, lé to magəje gə́ ka síje pole dee kel tura-baa gə́ nu əsé lé to magəje lə Amɔrje gə́ seḭ síje mee ɓee’g lə dee nee kara, ma ɓa yḛ̀ jeḛ gə njémeekəije ləm lé j’a kwaje Njesigənea̰ ɓa meḛ sí’g ya.

Jujé 8:35

Taje lai gə́ Moyis un ndia dɔ’g lé Juje tura kəm koso-dəwje gə́ Israɛl lai, kəm denéje, gə ŋganje, gə dəw-dɔ-ɓeeje’d gə́ njaa mbuna dee’g ləm tɔ lé ɓó ta kára kara gə́ yeḛ lal tura lé godo ya.