Néra Njékaḭkulaje 21:37 - Maktub gə́ To gə Kəmee

³⁷ Nai lam bèe kar dee d’uru səa gadloo’g lé ndá Pool dəji ɓé-njérɔje pana: See i a kya̰’m karm m’pata ləm m’ari oo el wa. Ɓé-njérɔje ilá keneŋ pana: See i gər ta Grek wa.

Néra Njékaḭkulaje 21:37 ပူးပေါင်းရင်းမြစ်များ

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Néra Njékaḭkulaje 19:30

Pool ndigi kaw kaar no̰ koso-dəwje’g nee ya nɛ njékwakiláje ɓa d’ɔgee dɔ’g.

Néra Njékaḭkulaje 21:19

Yeḛ ra dee lapia mba̰ ɓa yeḛ ɔr sor néje lai-lai gə́ Ala ra mbuna njétareeje’g gə goo kula’g ləa lé.

Néra Njékaḭkulaje 21:34

Nɛ mbuna boo-dəwje’g lé njé gə́ na̰je pata u-u-u d’oo ne ka̰ na̰ el aree askəm koo ginee gəd el mbata d’aw dɔ na̰’d pum-pum ndá yeḛ un ndia ar dee gə mba kar dee d’aw səa gadloo’g lə dee.

Néra Njékaḭkulaje 22:24

Ɓé-njérɔje lé un ndia ar dee d’aw gə Pool gadloo’g kɔrɔg mba dəjee ta gə ndəi ɓa gə mba koo gin né gə́ deḛ ndaŋg ne rɔ dee d’wɔji ne dəa lé.

Néra Njékaḭkulaje 23:10

To gə́ tamaḭ lə dee oso mbo-boo bèe ŋga ɓé-njérɔje lé ɓəl pana: Dəwje neelé d’a kḭ kwa Pool tiee mbidi-mbidi ndá yeḛ un ndia ar njérɔje ree d’ɔree dan dee’g gə mba kaw səa gadloo’g lə dee.

Néra Njékaḭkulaje 23:16

Nɛ ŋgonan Pool oo ta kum gə́ d’a gə kumee rəw lé ndá yeḛ ɔd aw gadloo’g lə njérɔje aw ula Pool taree.